بھارت کے شہر ممبئی میں طالب علم نے کلاس میں پٹائی کرنے اور ’پڑھائی پر توجہ دو‘ کہنے پر سابق استاد کے پیٹ میں چاقو گھونپ دیا۔
میڈیا کی رپورٹس کے مطابق ممبئی پولیس نے ایک کمسن طالب علم کو گرفتار کیا ہے جس نے سرِ عام اپنے سابق استاد راجو ٹیگور کے پیٹ میں متعدد بار چاقو گھونپا۔
واقعے کی سی سی ٹی وی فوٹیج سامنے آئی ہے جس میں دیکھا جا سکتا ہے کہ راجو ٹیگور مِیرا روڈ پر اپنے چند دوستوں کے ساتھ باتوں میں مصروف ہے اور اس دوران سامنے سے ملزم ہاتھ میں چاقو لیے آتا ہے اور سیدھا پیٹ میں گھونپ دیتا ہے۔
ملزم متعدد بار پیٹ میں چاقو گھونپتا ہے جبکہ راجو ٹیگور کے دوست اسے روکنے کی بھی کوشش کرتے ہیں لیکن وہ کسی کی بات نہیں سنتا۔
#Video: A minor boy stabbed coaching class owner with a knife in Kashimira, #MiraRoad. The incident was captured on #CCTV camera. The boy later surrendered before the police.#mumbainews #MumbaiCrime #murdercase pic.twitter.com/kfGXUpGGgD
— Free Press Journal (@fpjindia) August 13, 2023
ایک موقع پر جب راجو ٹیگور زمین پر گر جاتا ہے تو ملزم چاقو پھینک کر موقع سے فرار ہو جاتا ہے۔ راجو ٹیگور کو اسپتال منتقل کر دیا گیا۔
پولیس نے فوٹیج کی مدد سے ملزم کو گرفتار کر لیا اور معاملے کی تحقیقات شروع کر دیں۔ راجو ٹیگور پر الزام ہے کہ وہ کوچنگ میں بچوں کو بغیر کسی بات کے مارتا پیٹتا تھا۔
راجو ٹیگور پر یہ بھی الزام ہے کہ اس نے کوچنگ سینٹر میں ایک طالبہ کو وہ پڑھائی پر توجہ دینے کے بجائے اس سے بات چیت کرے۔
