لاہور: پی ٹی آئی کے صدر چوہدری پرویز الٰہی کی گرفتاری پر بیٹے مونس الٰہی کا ردعمل آگیا۔
اے آر وائی نیوز کے مطابق مونس الٰہی نے سماجی رابطے کی ویب سائٹ ٹوئٹر پر لکھا کہ ’جنوری سے پکڑ دھکڑ کا سلسلہ شروع کیا گیا تھا تب والد نے کہا تھا چاہے گرفتار کرلیں پی ٹی آئی کا ساتھ دینا ہے۔
انہوں نے لکھا کہ 3 دن پہلے میرے والد اور والدہ نے یہی چیز دہرائی، اب کہا جارہا ہے پولیس نے والد کو جھوٹے مقدموں میں گرفتار کیا ہے۔
مونس الٰہی نے کہا کہ ’ہم انشا اللہ پی ٹی آئی میں ہیں اور رہیں گے۔‘
جنوری سے پکڑ دھکڑ کا سلسلہ شروع کیا تھا تب میرے والد نے مجھے یہ کہا تھا کہ چاہے مجھے بھی گرفتار کر لیں ہم نے عمران خان کا ساتھ دینا ہے ۔ 3 دن پہلے میرے والد اور والدہ نے یہی چیز دہرائی۔اب کہا جا رہا ہے کہ پولیس نے میرے والد کو جھوٹے مقدموں میں گرفتار کیا ہے۔ ہم انشا ءاللہ پی ٹی… pic.twitter.com/TqbWlkbZ0U
— Moonis Elahi (@MoonisElahi6) June 1, 2023
واضح رہے کہ اب سے کچھ دیر قبل چوہدری پرویزالٰہی کو اینٹی کرپشن پنجاب اورپولیس نے ان کی رہائشگاہ سے گرفتار کیا گیا ، ان کی گرفتاری اس وقت عمل میں لائی گئی جب وہ گاڑی میں بیٹھ کر جارہے تھے۔
پرویزالٰہی پرمنڈی بہاوالدین اورگوجرانوالہ میں کرپشن کےمقدمات درج ہیں،ضمانت منسوخ ہونے پر پرویز الٰہی عدالت میں پیش نہیں ہورہےتھے۔
واضح رہے کہ گذشتہ ماہ کی 26 تاریخ کو لاہورکی اینٹی کرپشن کی عدالت نے سابق وزیر اعلیٰ پنجاب چوہردی پرویزالٰہی کے ناقابل ضمانت وارنٹ گرفتاری جاری کئے تھے۔
عدالت نے حکم دیا تھا کہ چوہدری پرویز الٰہی کو گرفتارکرکے2جون تک پیش کیا جائے۔