The news is by your side.

Advertisement

فلوریڈا میں 2 سابق فوجیوں سمیت 450 افراد سےاسلحہ واپس لےلیا گیا

فلوریڈا: امریکی ریاست فلوریڈا میں اسلحے سے متعلق نئے قانون پرعمل درآمد کرتے ہوئے 450 شہریوں سے اسلحہ واپس لے لیا گیا۔

تفصیلات کے مطابق امریکی ریاست فلوریڈا میں خود سمیت دوسروں کے لیے خطرہ بننے والے 450 شہریوں سے اسلحہ واپس لے لیا گیا۔

امریکی میڈیا کے مطابق اسلحے سے متعلق نئے قانون پرعملدآمد کرتے ہوئے 2سابق فوجیوں سے بھی اسلحہ واپس لیا گیا۔ نئے قانون کے تحت 200 جدید گنز،35 ہزارراؤنڈز ضبط کیے گئے۔

قانون کی روسے 21 سال سے کم عمرافراد اسلحہ نہیں خرید سکتے اور اسلحے کی فروخت کے وقت بیک گراؤنڈ بھی چیک کیا جائے گا۔

فلوریڈا کے ہائی اسکول میں فائرنگ، 17 افراد ہلاک

خیال رہے کہ رواں سال 15 فروری کو امریکی ریاست فلوریڈا کے ہائی اسکول میں فائرنگ سے 17 افراد ہلاک اور متعدد زخمی ہوگئے تھے۔ پولیس نے حملہ آور کو گرفتار کرلیا تھا۔

اساتذہ کو مسلح کرنے کا متنازع بل فلوریڈا اسمبلی سے منظور

امریکا میں رواں سال مارچ میں اسکولوں پربڑھتے ہوئے حملوں کے پیشِ نظر ریاست فلوریڈا نے قرارداد منظور کی تھی، جس کے تحت اسکولوں کے اساتذہ کو اسلحہ رکھنے کی اجازت ہوگی۔

بعدازاں امریکا کے مختلف شہروں میں لاکھوں مظاہرین نے سڑکوں پرآکراسلحے پرزیادہ سخت کنٹرول کے حق میں مظاہرے کیے تھے۔

امریکا، اسکول میں فائرنگ 10 افراد ہلاک، حملہ آور گرفتار

واضح رہے کہ 19 مئی کوامریکی ریاست ٹیکساس میں شہرہوسٹن کے سانٹا فے ہائی اسکول میں طالبعلم کی فائرنگ سے پاکستانی طالبہ سبیکا شیخ سمیت 10 طالبعلم جاں بحق ہوگئے تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں