کراچی:متحدہ رہنما عامر خان کی سینٹرل جیل کے باہر جیب کٹ گئی، عامر خان نے چور سے پیسے رکھ کر شناختی کارڈ اور کاغذات واپس کرنے کی اپیل کردی۔
تفصیلات کے مطابق پیپلز پارٹی کے رہنمائوں خورشید شاہ، مراد علی شاہ، منظور وسان، سعید غنی اور شوکت بسرا کے بعد اب متحدہ قومی موومنٹ پاکستان کے رہنما عامر خان بھی واردات کا شکار ہوگئے، وسیم اختر کی رہائی کے دوران جیل کے باہر ان کی جیب کٹ گئی۔
اے آر وائی نیوز کے رپورٹر رافع حسین کے مطابق متحدہ کے ڈپٹی کنوینر عامر خان سینٹرل جیل کے باہر میئر کراچی وسیم اختر کی رہائی پر ان کا استقبال کرنے پہنچے ان کے ساتھ دیگر رہنما اور کارکنان بھی موجود تھے، اس موقع پر ہجوم تھا اسی دوران کسی چور نے ان کا بٹوہ نکال لیا۔
یہ بھی پڑھیں: جہانگیر بدر کا سوئم: سعید غنی اور شوکت بسرا کے جوتے چوری
اے آر وائی نیوز سے بات کرتے ہوئے عامر خان نے چور سے درخواست کی کہ میری چور بھائی سے درخواست ہے کہبرائے مہربانی وہ میرے پیسے رکھ لے لیکن شناختی کارڈ اور دیگر کاغذات واپس کردے جس کے بغیر انہیں زیادہ پریشانی کا سامنا ہے۔
