کراچی: کورنگی کراچی میں 6 روز قبل قتل کی واردات کی فوٹیج سامنے آ گئی ہے۔
تفصیلات کے مطابق کورنگی نمبر 4، کلو چوک کے قریب چھ روز قبل ایک شہری اظہر حسین کو بے دردی سے گولی مار کر قتل کر دیا گیا تھا، اس واقعے کی فوٹیج سامنے آ گئی ہے۔
اظہر حسین کو 6 روز قبل ان کے والد صفدر شاہ کے سامنے قتل کیا گیا تھا، جب کہ گزشتہ روز صفدر شاہ کو بھی قتل کر دیا گیا ہے، پولیس حکام نے باپ بیٹے کے قتل کو ڈکیتی مزاحمت پر قتل قرار دیا۔
تاہم اہل علاقہ کے مطابق دونوں واقعات ٹارگٹ کلنگ ہیں، پولیس حکام کی جانب سے مزید تفتیش کا عمل جاری ہے، مقتول صفدر حسین اپنے بیٹے کے قتل کا مدعی بھی تھا۔
سامنے آنے والی سی سی ٹی وی فوٹیج میں دیکھا جا سکتا ہے کہ اظہر گلی میں موجود تھا، جب موٹر سائیکل سوار 2 قاتل آئے اور گھر کے باہر پہنچ کر موٹر سائیکل روک دی۔
کراچی : ڈکیتی میں مزاحمت پر بیٹے کے بعد باپ بھی قتل
فوٹیج کے مطابق موٹر سائیکل رکتے ہی قاتل چھلانگ لگا کر اظہر کی جانب گیا، کچھ ہی لمحوں کے بعد گولیاں چلتے دیکھا جا سکتا ہے، واردات کے بعد قاتل موقع سے فرار ہو گئے۔
