پاکستان کرکٹ ٹیم کے فاسٹ بولر نسیم شاہ اور قومی ٹیم کے سابق کرکٹر و بیٹنگ کوچ محمد یوسف فٹبال میچ دیکھنے مانچسٹر پہنچ گئے۔
سماجی رابطے کی ویب سائٹ ایکس پر قومی ٹیم کے سابق کرکٹر و بیٹنگ کوچ محمد یوسف نے ایک ویڈیو شیئر کی ہے، جس میں ان ہمراہ نسیم شاہ بھی موجود ہیں۔
ویڈیو میں دیکھا جاسکتا ہے کہ مانچسٹر کی گراؤنڈ میں فٹبال میچ جاری ہے، جہاں پاکستان کے موجودہ اور سابق کھلاڑی لطف اندوز ہورہے ہیں۔
Had a great time yesterday at Manchester watching Manchester United v Newcastle with @iNaseemShah
He’s doing very well now and is in high spirits after recovering. Loads of prayers for this talented young man. Stay blessed pic.twitter.com/5QDoncfWQG— Mohammad Yousaf (@yousaf1788) November 2, 2023
محمد یوسف نے ویڈیو شیئر کرتے ہوئے لکھا کہ ’ کل نسیم شاہ کے ساتھ مانچسٹر میں مانچسٹر یونائیٹڈ اور نیو کیسل کے درمیان میچ دیکھتے ہوئے بہت اچھا وقت گزرا‘۔
انہوں نے نسیم شاہ کی ری ہیب سے متعلق بتایا کہ ’ صحت یاب ہونے کے بعد فاسٹ بولر نسیم شاہ کا حوصلہ بلند ہے، اس باصلاحیت نوجوان کے لیے ڈھیروں دعائیں، خوش رہیں۔
واضح رہے کہ قومی کرکٹ ٹیم کے فاسٹ باؤلر نسیم شاہ نے کندھے کی سرجری کے بعد ری ہیب شروع کر دیا ہے انہوں نے جم سیشن کی ویڈیو پوسٹ کی تھی، جس میں وہ کارڈیو اور اسٹریچنگ کرتے نظر آئے تھے۔