اسلام آباد : احتساب عدالت نے نواز شریف کے صاحبزادوں حسن اور حسین نواز کے دائمی وارنٹ گرفتاری معطل کر دیے، دونوں نے وارنٹ معطلی کیلئے عدالت سے رجوع کیا تھا۔
تفصیلات کے مطابق احتساب عدالت کے جج ناصر جاوید رانا نے مسلم لیگ ن کے قائد نواز شریف کے صاحبزادوں کی دائمی وارنٹ گرفتاری معطلی کیلئے درخواستوں پر محفوظ شدہ فیصلہ سنادیا۔
احتساب عدالت نے حسن اور حسین نواز کے دائمی وارنٹ گرفتاری معطل کردیے ، عدالت نے14مارچ تک کیلئے ملزمان کے دائمی وارنٹ گرفتاری معطل کیے۔
- Advertisement -
یاد رہے حسن نواز اور حسین نواز نے وارنٹ معطلی کیلئے عدالت سے رجوع کیا تھا ، ایون فیلڈ،فلیگ شپ اورالعزیزیہ ریفرنسز میں وارنٹ معطل کرنے کی درخواستیں دائر کی گئیں تھیں۔
