پاکستان کے لیجنڈ کرکٹر نے افسردگی کا اظہار کرتے ہوئے کہا ہے کہ اپنی پوری زندگی پاکستان کرکٹ کو کبھی اتنا نیچے گرتے نہیں دیکھا۔
راولپنڈی ٹیسٹ میں پاکستان کی بنگلہ دیش کے ہاتھوں 10 وکٹوں کی عبرتناک شکست کے بعد پر طرف سے حیرانگی اور افسردگی کا اظہار کیا جارہا ہے، پاکستان کے سابق کرکٹر اور سابق ہیڈ کوچ مدثر نذر نے بھی ہوم گراؤنڈ پر گرین شررٹس کو ملنے والی ہزیمت پر اظہار خیال کیا ہے۔
مدثر نذر نے پاکستان کرکٹ بورڈ کو ’کنفیوزڈ لوگوں‘ کا ایک گروپ قرار دیا جن کی غلطیاں ملک میں کھیل کو نقصان پہنچا رہی ہیں۔
سابق کرکٹر کا کہنا تھا کہ پی سی بی کنفیوزڈ لوگوں سے بھرا ہوا ہے اور وہ غلطیوں پر غلطیاں کیے جارہے ہیں، جس کی وجہ سے پاکستان کرکٹ میں مسائل بڑھ رہے ہیں۔
مدثر نذر پہلے ٹیسٹ میں چار فاسٹ باؤلرز کو کھلانے کے فیصلے پر حیران ہیں، جہاں پاکستان نے شاہین آفریدی، نسیم شاہ، محمد علی اور خرم شہزاد کو میدان میں اتار۔
سابق ہیڈ کوچ نے کہا ہ ہر وہ شخص جس نے پاکستان میں کرکٹ کھیلی ہے وہ جانتا ہے کہ اگست میں راولپنڈی کی پچیں سیمرز کے لیے پہلے ایک یا دو گھنٹے کی مدد کے بعد بیٹنگ کے لیے سازگار ہوجاتی ہیں، مدثر نے کہا کہ وہ بنگلہ دیش کیخلاف ایک نہیں بلکہ دو اسپنرز کے ساتھ کھیلتے۔
خیال رہے کہ مدثر نذر نے پاکستان کی جانب سے 76 ٹیسٹ میچز کھیلے ہیں جس میں انھوں نے 38.09 کی اوسط سے 4114 رنز بنائے ہیں۔
