امریکا میں جڑواں بچوں کی پیدائش ہوئی لیکن ان میں سال نو کی وجہ سے ایک سال کا فرق آگیا۔
امریکی ریاست نیو جرسی کے جوڑے کے ہاں جڑواں بچوں کی پیدائش ہوئی جو ناصرف مختلف دنوں بلکہ مختلف سالوں میں بھی پیدا ہوئے۔
عذرا ہمفری کی پیدائش 31 دسمبر کی رات 11 بجکر 48 منٹ پر ہوئی جبکہ دوسرے بچے کی پیدائش یکم جنوری کی رات 12 بجکر 28 منٹ ہوگئی۔
والد بلی ہمفری کا کہنا ہے کہ میں اپنی سالگرہ کے روز بچوں کی پیدائش پر بہت پرجوش ہوں ہم اس دن اسپتال گئے لیکن مجھے یقین نہیں تھا کہ ان کی پیدائش آج ہوگی یا نہیں لیکن کم از کم ایک بچے کی پیدائش میری سالگرہ کے روز ہونا بڑی نعمت اور تحفہ ہے۔
ایو ہمری نے کہا کہ وہ تیس دسمبر کو اسپتال منتقل ہوئیں لیکن غلط وقت کی وجہ سے انہیں گھر بھیج دیا گیا تھا پھر وہ اگلے روز پھر اسپتال پہنچی تھیں۔
خوشی سے سرشار والد نے لکھا کہ نوزائئیدہ بیٹے اتنے خاص ہیں کہ وہ ایک ہی سال میں پیدا ہونے کا اشتراک بھی نہیں کرسکتے۔
