ممبئی: بھارتی کرکٹ ٹیم کے نوجوان اوپنر پرتھوی شا آسٹریلیا کے خلاف ایڈیلیڈ ٹیسٹ میں عبرتناک شکست کے باوجود اپنی کارکردگی کا دفاع کرنے لگے۔

تفصیلات کے مطابق بھارتی کرکٹ ٹیم کے نوجوان اوپنر پرتھوی شا ایڈیلیڈ ٹیسٹ کی پہلی اننگز میں صفر پر اور دوسری اننگز میں 4 رنز پر پویلین لوٹ گئے تھے ، انہیں سابق کرکٹرز اور شائقین کی جانب سےسوشل میڈیا پر شدید تنقید کا نشانہ بنایا گیا تھا۔

پرتھوی شا کو پہلی اننگز میں مچل اسٹارک نے آؤٹ کیا جبکہ دوسری اننگز میں وہ صرف 4 رنز بنا کر فاسٹ بولر پیٹ کمنس کی گیند پرچلتے بنے تھے۔

نوجوان اوپنر نے تنقید سے تنگ آکر سماجی رابطے کی ویب سائٹ انسٹاگرام پر پوسٹ شیئر کرتے ہوئے لکھا کہ ’جب ہم کچھ کرنے جاتے ہیں تو کچھ لوگ حوصلہ شکنی کرنے لگتے ہیں اس کا مطلب یہ ہے کہ آپ تو یہ کرسکتے ہیں لیکن وہ ایسا نہیں کرسکتے۔‘

واضح رہے کہ پرتھوی شا کو آئی پی ایل اور ڈومیسٹک کارکردگی کی بنیاد پر ٹیم میں شامل کیا گیا تھا، پرتھوی شاہ نے 5 ٹیسٹ اننگز میں 42.4 کی اوسط سے 339 رنز اسکور کیے ہیں۔

ایڈیلیڈ ٹیسٹ: بھارت کو آسٹریلیا کے ہاتھوں عبرتناک شکست

یاد رہے کہ ایڈیلیڈ ٹیسٹ کی دوسری اننگز میں بھارتی ٹیم 36 رنز پر آل آؤٹ ہوگئی تھی، کینگروز نے بھارت کو 8 وکٹوں سے شکست دے کر سیریز میں 1-0 کی برتری حاصل کی۔

نیوزی لینڈ نے پاکستان کےخلاف ٹیسٹ سیریز کےلیےاسکواڈ کا اعلان کر دیا۔

پاکستان اور نیوزی لینڈ کے درمیان دو ٹیسٹ میچوں کی سیریز کا آغاز ہفتے سے ہوگا، پہلا ٹیسٹ 26 سے 30 دسمبر اور دوسرا 3 سے 7 جنوری 2021 کو کھیلا جائے گا۔

کیوی اسکواڈمیں کین ولیمسن،ٹام بلنڈل،کائل جیمی سن، ٹام لیتھم، ڈیرل مچل، ہینری نکولز، مچل سینٹنر، ٹم ساؤتھی، راس ٹیلر، نیل ویگنر،بی جےواٹلنگ،ول ینگ شامل ہیں۔

کیویز کے خلاف ٹیسٹ میچ کےلیے کپتان محمد رضوان کی قیادت میں پندرہ رکنی پاکستانی اسکواڈ کا اعلان کیا جا چکا ہے۔

Williamson returns & Santner retained for Pakistan series as World Test Championship Final looms 🏏 pic.twitter.com/kGsOyQqmrs

— BLACKCAPS (@BLACKCAPS) December 21, 2020

کپتان اور ٹیم مینیجمنٹ کی جانب سے اظہر علی کو بھی اسکواڈ میں شامل کیا گیا ہے جبکہ عابد علی، شان مسعود اور فواد عالم بھی ٹیم میں شامل ہیں۔

بابر اعظم کے باہر ہونے کے باعث عمران بٹ کو متبادل کے طور اور حارث سہیل کو شامل کیا گیا ہے جبکہ بولرز میں سہیل خان، محمد عباس، نسیم شاہ اور شاہین شاہ آفریدی شامل ہیں۔

ٹیسٹ اسکواڈ میں فہیم اشرف اور یاسر شاہ بھی شامل ہیں۔ خیال رہے کہ کپتان بابر اعظم شدید انجری کے باعث پہلے ٹی ٹوئنٹی میچ سے باہر ہوئے اور اب ٹیسٹ اسکواڈ سے بھی باہر ہوگئے۔