رانا ثنااللہ نے کہا ہے کہ فیض حمید کو وعدہ معاف گواہ بنانا ہوتا تو ایسی پریس ریلیز اور اقدام سامنے نہ آتا، انھیں وعدہ معاف گواہ نہیں بنایا جائےگا۔

اے آر وائی نیوز کے پروگرام خبر میں گفتگو کرتے ہوئے رانا ثنا نے کہا کہ پریس ریلیز سے واضح ہوگیا کہ فیض حمید کو وعدہ معاف گواہ نہیں بنایا جائےگا،9 مئی اور پی ٹی آئی کے باقی احتجاج کی تحقیقات کرنا جوڈیشل کمیشن کا دائرہ اختیار نہیں،9 مئی کیسز میں بانی پی ٹی آئی کی پراسیکیوشن بھی ہوگی اور سزا بھی ہوگی۔

وزیراعظم کے سیاسی مشیر کا کہنا تھا کہ فیض پر سیکریٹ ایکٹ خلاف ورزی ثابت ہو تو ممکن ہے بانی پی ٹی آئی پر مقدمہ ساتھ چلے، وعدہ معاف گواہ بنایا جاتا ہے کوئی اپنی مرضی سے وعدہ معاف گواہ نہیں بن سکتا۔

انھوں نے کہا کہ خواجہ آصف نے کہا ممکن ہے بانی پی ٹی آئی اور فیض حمید کا ملٹری ٹرائل ہو، 9 مئی کا مقدمہ بانی پی ٹی آئی اور فیض حمید کیخلاف ایک ساتھ چل سکتا ہے،

خواجہ آصف کی گفتگو کو نظرانداز نہیں کیا جاسکتا، ممکنات میں تو کچھ بھی ہوسکتا ہے، ملٹری کورٹ میں ٹرائل ہوتا ہے تو پھر پتہ چلےگا، 9 مئی اور پُرتشدد واقعات میں فیض حمید کی مداخلت سامنے آئی ہے۔

رانا ثنااللہ نے کہا کہ پی ٹی آئی نے ہمیشہ اس وقت پر احتجاج کیا جب کوئی بڑا ایونٹ ہوتا تھا، آرمی چیف کی تعیناتی کے وقت بھی پی ٹی آئی نے احتجاج کیا تھا، اس وقت کہا جارہا تھا کہ آرمی چیف کی تعیناتی کے وقت احتجاج کے آرکیٹکٹ فیض حمید تھے،

انھوں نے کہا کہ 9 مئی کی جب تک تحقیقات مکمل نہیں ہونگی کچھ بھی نہیں کہا جاسکتا، 9 مئی واقعات سے متعلق افواہ تھی کہ پی ٹی آئی کا مارچ فیض حمید کی ہدایت پرچل رہا تھا۔

فیصل واوڈا نے کہا ہے کہ بانی پی ٹی آئی جیل سے باہر نہیں آئیں گے کیونکہ بہت تاخیر ہوگئی ہے، دعا ہوگی فیض حمید اور حواریوں کی بات سزائے موت تک نہ جائے۔

پروگرام آف دی ریکارڈ میں گفتگو کرتے ہوئے سینیٹر فیصل واوڈا نے کہا کہ فیض حمید کیخلاف چارج شیٹ ہوگئی ہے اب سزاؤں کا تعین ہوگا، فیض حمید نے شواہد اور ثبوت دے دیئے ہیں، بانی پی ٹی آئی پر قاتلانہ حملے کا کیس بہت اہم ہے، ایک اور کیس ہے جب سامنے آئیگا تو بانی پی ٹی آئی کے پیر کے نیچے سے زمین نکل جائےگی۔

فیصل واوڈا کا کہنا تھا کہ بات چیت کے ذریعے ہی اسپیس بنانی پڑتی ہے اور نکالنا پڑتی ہے، مولانا فضل الرحمان کا مینڈیٹ کےپی میں چوری کیا گیا اس کا ازالہ کوئی نہیں۔

پی ٹی آئی رہنما نے کہا کہ ملک کی تاریخ رہی ہے ایوان سے لوگوں کو پھانسی چڑھتے دیکھا ہے، ہمارے ملک کی تاریخ رہی ہے جیل سے لوگوں کو ایوان میں جاتے دیکھا، انصاف کی بنیاد پر سابق ڈی جی آئی ایس آئی کا ٹرائل ہورہا ہے۔

فیصل واوڈا نے کہا کہ بانی پی ٹی آئی پر قاتلانہ حملے سے پہلے انھیں بتایا تھا کہ آپ پرفائرنگ ہوگی، بانی پی ٹی آئی پر قاتلانہ حملے کے بینفشری کون تھے، فائدہ کس کو ہونا تھا، لیپ ٹاپ، فون اور فیض حمید کے سہولت کار شواہد دینگے تو سب سامنے آجائیگا۔

انھوں نے کہا کہ بانی پی ٹی آئی پر قاتلانہ حملے میں ایک اور نام بھی شامل ہے وہ بھی سامنے آئیگا، وہ نام آج کل بانی پی ٹی آئی کے بہت قریب ہے وہ بھی قاتلانہ حملے میں ملوث تھا

قمر باجوہ پر بھی الزام لگا سکتے ہیں لیکن جب دو طاقتور مل جائیں تو پھر مشکل ہوتی ہے، وزیراعظم اور ڈی جی آئی ایس آئی ایک ہوجائیں تو آرمی چیف کیاکرسکتے تھے۔

فیصل واوڈا نے کہا کہ بانی پی ٹی آئی نے فیض حمید کو بھرپور استعمال کیا ہے، آرمی چیف کو کریڈٹ دینا چاہیے کوئی طاقتور انصاف کے کٹہرے سے بچ نہیں سکتا، مراد سعید، حماد اظہر کیوں بھگوڑے ہیں کیوں سامنے نہیں آتے۔

انھوں نے کہا تھا کہ ن لیگ میں ایسے بہت سے اچھے چہرے تھے جو اب ن لیگ کا حصہ نہیں، نواز شریف کا ایک مسئلہ ہے کہ وہ ہمیشہ ایک دوسرے پر الزامات لگائیں گے، فیض حمید کیلئے بانی پی ٹی آئی نے بہت کچھ کیا، 24 نومبر کی کال بھی فیض کیلئے تھی۔

گلیات میں تیندوے جنگل سے آبادیوں کی طرف نکل آئے جس کے نتیجے میں خوف و ہراس پھیل گیا۔

اے آر وائی نیوز کے مطابق گلیات میں تیندوے جنگل سے آبادیوں کی طرف آگئے، مری روڈ اور دیگر جگہوں پر تیندوے دیکھ کر شہریوں میں خوف و ہراس پھیل گیا۔

علاقہ مکینوں کا کہنا ہے گلیات کے علاقوں سمندر کٹھہ، تتیال  کسالہ اور کٹلیاں میں تیندوں نے حملے کرکے درجن بھر بکریاں مار ڈالیں۔

گلیات نگری بالا کی مختلف آبادیوں میں تیندوے کی موجودگی نے دہشت پھیلا رکھی ہے۔

علاقہ مکین کہتے ہیں محکمہ وائلڈ لائف کو کئی بار خطروں سے آگاہ کیا گیا لیکن اب تک عملی اقدامات نظر نہیں آئے۔

اس سے قبل قائد اعظم یونیورسٹی میں تیندوے کی موجودگی کی اطلاع پر انتظامیہ کی ڈوریں لگ گئی تھیں تاہم تیندوا نہ ملنے پر محکمہ وائلڈ لائف نے سرچ آپریشن ختم کردیا تھا۔

قائد اعظم یونیورسٹی میں تیندوے کی موجودگی کی اطلاع پر وائلڈ لائف کی ٹیم موقع پر پہنچی اور تیندوے کی تلاش شروع کی تھی۔

قائداعظم یونیورسٹی میں تیندوا نہ ملنے پر محکمہ وائلڈ لائف نے سرچ آپریشن ختم کردیا تھا، وائلڈ لائف حکام کا کہنا تھا کہ اس موقع پر یونیورسٹی کےطلبامیں آگاہی کیلئے مشق بھی کی گئی۔