اسلام آباد: وفاقی وزیر برائے توانائی عمر ایوب نے کہا ہے کہ وزیر اعظم کے دورۂ چین میں ٹرانسمیشن لائنز کی تنصیب کے حوالے سے دو معاہدے طے ہوگئے جس کے تحت چینی کمپنی کے الیکٹرک میں بھی پاؤر پلانٹ لگانے پر رضا مند ہے۔

تفصیلات کے مطابق وفاقی وزیر برائے توانائی عمر ایوب کا کہنا تھا کہ وزیراعظم عمران خان کادورہ چین انتہائی کامیابی سےجاری ہے، عمران خان نے آج سارا دن چین کے نائب صدر کے ساتھ گزارا اور انہوں نے وزیراعظم کے اعزاز میں عشائیہ بھی دیا۔

اُن کا کہنا تھاکہ بیلٹ اینڈروڈ فورم منصوبےکادائرہ کار وسیع ہوچکا ہے، یہ صرف ایک سڑک کی تعمیر نہیں بلکہ اب اس میں توانائی، ریلوے، زراعت سمیت غربت کے خاتمےکا پلان بھی شامل کیا گیا۔

مزید پڑھیں: وزیر اعظم عمران خان کی وفد کے ہمراہ چین کے نائب صدر سے ملاقات

اُن کا کہنا تھا کہ ’پاکستان میں ٹرانسمیشن لائنزکی تنصیب کیلئے2معاہدے طے ہوگئے جس کے  چینی کمپنی کےالیکٹرک میں پاورپلانٹ لگائےگی اور کوئلے کا پاور پلانٹ بھی لگایا جائے گاْ

عمر ایوب کا کہنا تھا کہ چینی کمپنیوں نےپاکستان میں سرمایہ کاری کی خواہش کااظہارکیا، زراعت کےمحکمےکی بڑی کمپنی نےوزیراعظم سےملاقات کی، ہائی ٹیک انڈسٹریز پر مشتمل کمپنیز بھی پاکستان آرہی ہیں۔ اُن کا مزید کہنا تھا کہ پاکستان سرمایہ کاروں کودوستانہ ماحول فراہم کرنےکیلئےتیارہے اس لیے غیر ملکی سرمایہ کار اب پاکستان آرہے ہیں۔

تونسہ شریف: وزیرِ اعلیٰ پنجاب سردار عثمان بزدار نے تونسہ شریف کا دورہ کیا جس میں انھوں نے 8 نئے ترقیاتی منصوبوں کا سنگِ بنیاد رکھا۔

تفصیلات کے مطابق وزیر اعلیٰ پنجاب عثمان بزدار نے تونسہ شریف میں آٹھ نئے ترقیاتی منصوبوں کا سنگ بنیاد رکھ دیا، ان ترقیاتی منصوبوں کی کُل لاگت 1 ارب 64 کروڑ 82 لاکھ روپے سے زائد ہے۔

ترقیاتی منصوبوں میں 135 ملین روپے کی لاگت سے سٹی تونسہ شریف پولیس اسٹیشن کی تعمیر بھی شامل ہے۔

وزیر اعلیٰ عثمان بزدار نے 106 ملین روپے کے تحصیل کمپلیکس کی تعمیر اور 200 ملین روپے سے بننے والی 8.4 کلو میٹر طویل سڑک کی تعمیر کا سنگ بنیاد بھی رکھا۔

نئے ترقیاتی منصوبوں میں این 55 منگروتھا چوک تونسہ سے بستی بزدار 14.5 کلو میٹر طویل سڑک کا منصوبہ بھی شامل ہے۔

قبل ازیں، عثمان بزدار نے ڈیرہ غازی خان میں انسٹی ٹیوٹ آف کارڈیالوجی اسپتال کے قیام کا اعلان کیا جو 200 بستروں پر مشتمل ہوگا، آئندہ سال میڈیکل کالجوں میں 100 نشستیں بھی بڑھائی جائیں گی۔

ڈیرہ غازی خان کے اسپتال کے لیے 4 ارب روپے مختص کیے گئے ہیں، ڈی جی خان میں آئی ٹی ٹاور بھی بنانے کا منصوبہ ہے، راجن پور، لیہ میں بھی 200 بستروں پر مشتمل مدر اینڈ چائلڈ کیئر اسپتال بنایا جائے گا۔