ہفتہ, جون 28, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 22647

نیب کی نثار کھوڑو، شرجیل میمن سمیت اہم شخصیات کے خلاف انکوائری کی منظوری

کی طرف
ویب ڈیسک
-
0

اسلام آباد: آج چیئرمین نیب جاوید ا قبال کی زیرصدارت ایگزیکٹو بورڈ کا اجلاس ہوا، جس میں‌ اہم انکوائریوں کی منظوری دی گئی.

تفصیلات کے مطابق اجلاس میں 16 انکوائریوں کی منظوری دی گئی، جس میں‌ نثار کھوڑو، محکمہ خوراک سکھر کے افسران کے خلاف انکوائری بھی شامل ہے.

[bs-quote quote=” اجلاس میں مجموعی طور پر 16 انکوائریوں کی منظوری دی گئی” style=”style-7″ align=”left”][/bs-quote]

نیب اعلامیہ کے مطابق سابق ایم این اے پیر صابر شاہ، محکمہ محصولات ڈی آئی خان کے افسران، اہل کاروں کے خلاف انکوائری کی منظوری دی گئی .

نیب نے ایم ڈی نیشنل ٹیلی کام کارپوریشن وقار  زاہد میر، قائم مقام ایم ڈی اوگرا، او جی ڈی سی ایل انتظامیہ، ایم پی اے عبدالکریم سومرو، شرجیل میمن، قیصر عباس کے خلاف انکوائری کی بھی منظوری دی ہے.

مزید پڑھیں: نیب کی مریم اورنگزیب کیخلاف 8الزامات کے تحت تحقیقات

نیب نے محکمہ محصولات چوبارہ لیہ کے اہل کاروں، محکمہ خوراک سکھر کے افسران، اہل کاروں، نیشنل پاور پارک مینجمنٹ کمپنی، گورنمنٹ ہولڈنگ پرائیویٹ لمیٹڈ، پاکستان ایل این جی لمیٹڈ کے خلاف بھی انکوائری کی منظوری دی گئی.

ڈی جی نیب شہزاد سلیم

ڈی جی نیب شہزاد سلیم نے کہا ہے کہ نیب کسی دباؤ کے بغیر تحقیقات جاری رکھے ہوئے ہے. ان خیالات کا اظہار انھوں‌نے صحافیوں سے گفتگو کرتے ہوئے کیا۔

واضح رہے کہ  آج نیب لاہور کی جانب سے صحافیوں کو نیب کے دفتر کا دورہ کرایا گیا، نیب حکام نے صحافیوں کو قیدیوں کو فراہم سہولتوں پربریفنگ دی.

اس موقع پر ڈی جی نیب نے کہا کہ نیب عدم تشدد کی پالیسی پریقین رکھتا ہے، ادارے دباؤ کے بغیر تحقیقات جاری رکھے گا.

کراچی: اوپن مارکیٹ میں ڈالر 70 پیسے مہنگا، گورنر اسٹیٹ بینک کی روپے کی قدر پر بریفنگ

کی طرف
ویب ڈیسک
-
0

کراچی: فاریکس ایسوسی ایشن کا کہنا ہے کہ اوپن مارکیٹ میں ڈالر 70 پیسے مہنگا ہو گیا، جس کے بعد ڈالر 140 روپے کے مساوی ہو گیا ہے۔

تفصیلات کے مطابق ملک میں ڈالر کی بڑھتی قیمتوں اور روپے کی قدر میں مسلسل کمی کے حوالے سے سینیٹ کی قائمہ کمیٹی برائے فنانس کا اجلاس منعقد ہوا۔

[bs-quote quote=”برآمدات 24 ارب ڈالر اور درآمدات 60 ارب ڈالر ہیں، امپورٹ پر چلتے رہے تو ڈالر مزید مہنگا ہوگا۔” style=”style-7″ align=”left” color=”#dd3333″ author_name=”گورنر اسٹیٹ بینک”][/bs-quote]

اجلاس کی صدرت فاروق حامد نائیک نے کی، جب کہ گورنر اسٹیٹ بینک نے روپے کی قدر پر بریفنگ دی۔

گورنر اسٹیٹ بینک نے کہا کہ گزشتہ برس جاری کھاتوں کا خسارہ 19 ارب ڈالر تھا، ہم طلب و رسد کے حساب سے روپے کی قدر کو ایڈجسٹ کرتے ہیں، وقتاً فوقتاً روپے کی قیمت میں اتار چڑھاؤ لایا جاتا ہے۔

انھوں نے مزید کہا کہ برآمدات 24 ارب ڈالر اور درآمدات 60 ارب ڈالر ہیں، امپورٹ پر چلتے رہے تو ڈالر مزید مہنگا ہوگا، جاری کھاتوں کا خسارہ یہی رہا تو پھر روپے کی قدر میں استحکام ممکن نہیں، سعودی پیکج کے بعد مارکیٹ میں بہتری آئی ہے۔

یہ بھی پڑھیں:  وزیراعظم کی یقین دہانی ، انٹر بینک مارکیٹ میں ڈالر سستا ہوگیا

گورنر اسٹیٹ بینک نے کہا کہ کرنسی کی قدر پر اِن کیمرہ بریفنگ لی جائے۔ تاہم اِن کیمرا بریفنگ پر اجلاس میں سینیٹر شیری رحمان نے کہا کہ روپے کی قدر میں کمی عوام کا مسئلہ ہے، عوام سے مہنگائی کی وجہ نہیں چھپانی چاہیے۔

خیال رہے کہ دس دن قبل وزیرِ اعظم عمران خان کی یقین دہانی نے ڈالر کی بڑھتی قیمتوں کو بریک لگا دیے تھے، انٹر بینک میں روپے کی قدر 3 روپے 5 پیسے بڑھ گئی تھی اور ڈالر 139.05 سے کم ہو کر 137 روپے کا ہو گیا تھا۔

7 ماہ میں کئی بار مایوس ہوا مگر عمران خان نے حوصلہ دیا، زلفی بخاری

کی طرف
ویب ڈیسک
-
0
Zulfi Bukhari

اسلام آباد: وزیراعظم کے معاون خصوصی زلفی بخاری نے کہا کہ ای سی ایل سے نام نکالنے کے معاملے پر 7 ماہ میں کئی بار مایوس ہوا مگر عمران خان نے حوصلہ دیا۔

ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا، وزیراعظم کے معاون خصوصی زلفی بخاری نے کہا کہ 7 ماہ تک نام ای سی ایل میں رہا مگر قانونی جدوجہد جاری رکھی، کیس کے دوران وزیراعظم نے کوئی مداخلت نہیں کی، اپوزیشن کا مجھے رعایت دینے کا الزام غلط ہے۔

[bs-quote quote=” بیرون ملک جانے کے لیے وزیراعظم کی اجازت کا انتظار ہے” style=”style-6″ align=”left” author_name=”زلفی بخاری”][/bs-quote]

زلفی بخاری نے کہا کہ وزیراعظم مداخلت کرتے تو کابینہ کے پہلے اجلاس میں نام نکل جاتا، وفاقی کابینہ میرا نام ای سی ایل سے نکلنے کی منظوری دے سکتی تھی، رعایت اپوزیشن کو ملی مجھے تو نیب نے ٹف ٹائم دیا۔

انہوں نے کہا کہ نیب پراسیکیوٹر نے کیس میں جارحانہ رویہ اپنایا، اپوزیشن کی 2 دن میں چیخیں نکل گئی میں نے 7 ماہ مقدمات کا سامنا کیا، لوٹ مار کے باوجود شریف برادران کو سہولتیں مل رہی ہیں کوئی اور ملک ہوتا تو دونوں بھائی بہت پہلے جیل میں ہوتے۔

معاون خصوصی وزیراعظم نے کہا کہ میرا پاکستان میں نہ کوئی کاروبار ہے نہ پیراگون جیسی سوسائٹیز ہیں، بیرون ملک جانے کے لیے وزیراعظم کی اجازت کا انتظار ہے، خاندان سے دور رہا، کاروبار میں بھی نقصان ہوا، ای سی ایل سے نکالے جانے کے فیصلے پر وزیراعظم خوش تھے۔

زلفی بخاری کے مطابق انہیں سیاسی انتقام کا نشانہ بنانے کا وزیراعظم عمران خان کو بھی دکھ ہے، انہوں نے کہا کہ احسن اقبال نے بلیک لسٹ میں ڈال کر شروعات کی پھر انتقام کا نشانہ بنایا گیا۔

مزید پڑھیں: وزیراعظم کے معاون خصوصی زلفی بخاری کا نام ای سی ایل سےنکالنے کا حکم

واضح رہے کہ گزشتہ روز اسلام آباد ہائی کورٹ نے زلفی بخاری کا نام ای سی ایل سے نکالنے کا حکم دیا تھا اور ساتھ ہی کہا تھا کہ نیب ان کے خلاف تحقیقات جاری رکھے۔

سید سردار احمد نے ایم کیوایم چھوڑنے کا اعلان کر دیا

کی طرف
ویب ڈیسک
-
0

کراچی: ایم کیو ایم کے سینئر  رہنما سید سردار احمد نے اپنی پارٹی چھوڑنے کا اعلان کر دیا.

تفصیلات کے مطابق سید سردار احمد نے ایک پریس کانفرنس میں یہ اعلان کیا. ان کا کہنا تھا کہ وہ سیاست سے کنارہ کش ہورہے ہیں.

انھوں نے کہا کہ میں‌ ایم کیوایم کی رابطہ کمیٹی اوربنیادی رکنیت سے مستعفی ہوگیا ہوں، خالد مقبول اورفاروق ستارکو استعفیٰ بھجوا دیا، اب میرا  ایم کیوایم کے کسی بھی دھڑے سے تعلق نہیں.

سید سردار احمد نے کہا کہ آئندہ کسی بھی سیاسی جماعت میں شامل نہیں ہورہا، نہ ہوں گا، سیاست سے کنارہ کش ہوتا ہوں.

سینئر سیاست داں کا کہنا تھا کہ اپنی باقی زندگی سوشل ویلفیئرکے کاموں پر گزاروں گا.

واضح رہے کہ ایم کیو ایم پاکستان میں پی آئی بی اور بہادر آباد دھڑے بندیوں‌ کے بعد سید سردار احمد نے مصالحت کی کوشش کی تھی۔

کسی کو زبردستی بے گھر کیا گیا، تو میئر کراچی مستعفی ہوجائیں‌ گے: ایم کیو ایم

انھوں نے اپنا استعفیٰ کنویر خالد مقبول صدیقی کے ساتھ فاروق ستار کو بھی ارسال کیا ہے اور ایم کیو ایم سے علیحدگی اختیار کر لی.

 خیال رہے کہ 22 اگست کو جنم لینے والی ایم کیو ایم پاکستان شدید دھڑے بندیوں کا شکار ہے، جس کا اثر حالیہ الیکشن پر بھی واضح نظر آیا۔

سال 2020 تک قرضوں کاحجم بڑھ کر 76فیصد ہونےکا خدشہ ہے ، موڈیز

کی طرف
ویب ڈیسک
-
0

نیویارک : موڈیزکاکہنا ہےکہ معیشت کو بیرونی خدشات لاحق ہیں ، حکومت کی جانب سے شروع کی گئی ا صلاحات وقت کی ضرورت ہیں، معاشی اصلاحات مشکل اقدام ہیں تاہم یہ ہی معشیت میں بہتری کا باعث بنیں گی، 2020 تک قرضوں کاحجم بڑھ کر 76فیصد ہونےکا خدشہ ہے۔

تفصیلات کے مطابق بین الاقوامی ریٹنگ ایجنسی موڈیزکی پاکستان پررپورٹ جاری کردی ہے ، جس میں کہا گیا ہے پاکستانی معیشت کوبیرونی خدشات لاحق ہیں، پاکستان کےپاس قرضوں کی واپسی کی یقین دہانی کم ہوگئی، بیرونی دباؤکی وجہ بڑھاہواجاری کھاتوں کا خسارہ ہے۔

موڈیز کا کہنا ہے کہ خسارےکےباعث زرمبادلہ ذخائرمیں مسلسل کمی ہورہی ہے، زرمبادلہ کےذخائرمیں جلدبہتری کی امیدنہیں، زرمبادلہ ذخائرمیں کمی سے  قرض ادائیگی کی صلاحیت منفی ہورہی ہے، خسارے میں کمی کیلئے درآمدات کم کرنا ہوں گی کم ہوتے زر مبادلہ ذخائر معاشی خدشات کو بڑھاوا دیتے ہیں کرنسی کی قدر بھی دباؤ کا شکار ہوجاتی ہے۔

[bs-quote quote=”2020 تک قرضوں کاحجم بڑھ کر 76فیصد ہونےکا خدشہ ہے” style=”style-6″ align=”left”][/bs-quote]

رپورٹ میں کہا گیا ہے کہ پاکستان کی اکنامک اسٹرنتھ معتدل ہے ، صنعتی اورزری طاقت بہت کم جبکہ دیگرخدشات بھی لاحق ہیں، جاری کھاتوں کےخسارے میں نمایاں کمی متوقع نہیں اور آئی ایم ایف نےکم از کم سطح 3ماہ کےدرآمدی کےبرابررکھی ہے۔

موڈیز کے مطابق رواں مالی سال معاشی شرح نمو 4.3سے 4.7تک رہےگی اور آئندہ مالی سال میں معاشی شرح نمومیں اضافہ متوقع ہے جبکہ ، 2020میں معاشی شرح نمو 5.8 فیصد رہنے کاامکان ہے۔

مزید پڑھیں : پاکستان کے زرمبادلہ ذخائرکا حجم کم ترین سطح پر ہے، موڈیز

رپورٹ میں مزید کہا گیا کہ پاکستان کےبیرونی قرضوں کاحجم جی ڈی پی کا 72فیصدہوگیا اور 2020تک قرضوں کاحجم بڑھ کر 76فیصد ہونےکا خدشہ ہے ، مستقبل میں پاکستان کی معاشی شرح نمو میں بہتر ی متوقع ہے۔

موڈیز کا کہنا ہے کہ بجلی فراہمی ،انفرااسٹرکچراورامن وامان کی صورتحال بہترہوئی اور سی پیک منصوبہ معاشی ترقی میں اضافے کاباعث بن رہاہے۔

زرین خان کی کارسے اندوہناک حادثہ

کی طرف
ویب ڈیسک
-
0
زرین خان

ممبئی: بھارتی اداکارہ زرین خان کی گاڑی سے پیش آنے والے افسوس ناک حادثے کے نتیجے میں موٹر سائیکل سوار نوجوان ہلاک ہوگیا۔

تفصیلات کے مطابق یہ واقعہ گزشتہ رات بھارتی شہر گوا کے علاقے انجونا میں بدھ کو رات گئے پیش آیا ، 31 سالہ نوجوان گاڑی کے نیچے روندا گیا۔

بھارتی میڈیا کا کہنا ہے کہ حادثے میں ہلاک ہونے والے نوجوان کا نام نتیش گورا ل ہے اور وہ ماپوسا نامی قریبی علاقے کا رہائشی تھا۔ حادثے کے بعد اسے شدید زخمی حالت میں ماپوسا کے اسیلو نامی اسپتال منتقل کیا گیا ، جہاں وہ سر میں آنے والی سنگین چوٹوں کی
تاب نہ لاتے ہوئے چل بسا۔

پولیس کے مطابق حادثے کے وقت کارمیں اداکارہ زرین خان اوران کے ڈرائیورعلی عباس دونوں موجود تھے، ہم حادثے کی تفتیش کررہے ہیں۔

یاد رہے کہ چند روزقبل بھی اداکارہ زرین خان اپنی مینیجرکے باعث خبروں کی زینت بنی تھیں انہوں نے اپنی سابق مینجرکے خلاف دھوکا اور فریب کرنے کا الزام لگایا تھا۔

کچھ عرصہ قبل ایک بھارتی ویب سائٹ نے انکشاف کیا تھا کہ اداکارہ زرین خان پاکستانی اوپنر بلے باز فخر زمان کو دل دے بیٹھی ہیں جس کی زرین خان نے تردید کردی ہے۔

ویب سائٹ نے دعویٰ کیا تھا کہ زرین خان کو فخر زمان کا لک، ہیئر اسٹائل اور ان کے کھیلنے کا انداز بہت پسند ہے اور یہی وجہ ہے کہ زرین خان پاکستان کے ابھرتے ہوئے کھلاڑی پر اپنا دل ہار بیٹھی ہیں۔

تاہم زرین خان نے سماجی رابطے کی ویب سائٹ ٹویٹر پر بھارتی میڈیا کی اس خبر کو جھوٹی اور بکواس قرار دیتے ہوئے اپنے اور فخر زمان کے درمیان تعلقات کی تردید کردی تھی۔

پاکستانی عوام کے بہترین مفادمیں اداروں کی حمایت کی جائےگی، آرمی چیف

کی طرف
ویب ڈیسک
-
0

راولپنڈی : آرمی چیف کی زیرصدارت کورکمانڈرزکانفرنس کا انعقاد کیا گیا ، کانفرنس میں افغان مفاہمتی عمل کی کامیابی کےلیےامیدکااظہار کیا اور  افغان جنگ کےپرامن اختتام کیلئےاسٹیک ہولڈرزکی حمایت کی، آرمی چیف نے کہا پاکستانی عوام کےبہترین مفادمیں اداروں کی حمایت کی جائے گی۔

پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف جنرل قمر جاوید باجوہ کی زیر صدارت 216 کور کمانڈرزکانفرنس جنرل ہیڈ کوارٹر (جی ایچ کیو ) میں منعقد کی گئی ، کانفرنس میں جیواسٹریٹجک انوائرمنٹ پرغور کیا گیا۔

آئی ایس پی آر کا کہنا تھا کہ کانفرنس نےایل اوسی سمیت مشرقی اورمغربی سرحدوں کی صورتحال کاجائزہ لیا اور داخلی سیکیورٹی سےمتعلق جاری آپریشنز پر  پیشرفت پر بھی تبادلہ خیال کیا گیا۔

ترجمان کے مطابق کانفرنس میں شرکاء نے دہشت گردی کو جڑ سے اکھاڑنے کے لئے علاقائی سوچ کی اہمیت کواجاگرکیا اور افغانستان میں قیام امن کیلئے تمام فریقین کی حمایت پر اتفاق کیا کہ افغان جنگ کےاختتام کیلئےتمام فریقین کی حمایت کی جائے گی ۔

کانفرنس میں ملک کوتمام خطرات سےمحفوظ بنانےکےعزم کااعادہ کیا اور دہشت گردی کے خاتمہ کے لئے علاقائی کوششوں کو فروغ دینے پر زور دیا گیا۔

اس موقع پر آرمی چیف نے کہا پاکستان کےعوام کی خوشحالی اولین ترجیح ہے، پاکستانی عوام کےبہترین مفادمیں اداروں کی حمایت کی جائےگی اور ملک کی ترقی،امن وخوشحالی کےلیےتمام اداروں کی حمایت جاری رکھیں گے۔

بھارتی مکیش امبانی کی بیٹی کی شادی کے دنیا بھر میں چرچے

کی طرف
ویب ڈیسک
-
0

نئی دہلی ‌: بھارت کے امیر ترین شخص مکیش امبانی نے بیٹی کی شادی میں سوملین ڈالر خرچ کر ڈالے، شادی میں ہالی وڈاوربالی وڈ ستاروں  کی شرکت نے تقریب کو چارچاند لگائے۔

[bs-quote quote=”
ایشا امبانی نے شادی میں ہیروں سے مزین لباس زیب تن کیا” style=”style-6″ align=”left”][/bs-quote]

تفصیلات کے مطابق دنیا بھرمیں بھارت کے امیرترین شخص مکیش امبانی کی بیٹی ایشا امبانی کی شادی کے چرچے ہورہے ہیں، ایشا امبانی اپنے بچپن کے دوست 33 سالہ آنند پیرامل کے ساتھ رشتہ ازدواج میں بندھ گئیں ہیں، امبانی نے بیٹی کی شادی میں سوملین ڈالر خرچ کردیئے، جو پاکستانی 14 ارب بنتے ہیں۔ شادی کو پینتیس سالہ تاریخ کی مہنگی ترین شادی قراردیا جارہا ہے۔

پرتعیش شادی میں دنیابھرکی مشہورشخصیات نےشرکت کی، ممبئی کاکوئی فائیواسٹارہوٹل خالی نہیں جبکہ ممبئی میں مکیش امبانی کے اکیس منزلہ گھر انتالا کو روشنیوں سےسجایاگیا۔

سابق امریکی وزرائے خارجہ ہیلری کلنٹن اور جان کیری سمیت امریکی گلوکارہ بیونسے، بالی ووڈ خانز، بچن فیملی، رجنی کانت،کرکٹرز اور بھارت کے دیگرنامورافراد نےشادی میں شرکت کی۔

شادی سے پہلے سنگیت کی تقریب ادے پورمیں ہوئی تھی، جہاں جانے کے لیے سوچارٹرڈطیارےمہمانوں کے لیے بک کئےگئے، سنگیت میں بالی ووڈستاروں نےرقص کرکےرنگ جمایاتھا۔ امریکی گلوکارہ بیونسے کی پرفارمنس نےماحول گرمایاتھا، بیونسےکوپرفارمنس کے لیے تیس کروڑروپےاداکئےگئے۔

خیال رہے ایک رپورٹ کے مطابق 37 سال قبل یعنی1981ء میں ہونے والی لیڈی ڈیانا اور شہزاد چارلس کی شادی تھی،جس پر اس وقت مجموعی طور پر 11 کروڑ ڈالر کے اخراجات آئے تھے ۔

مزید پڑھیں : مکیش امبانی کی بیٹی کی شادی کی تقریبات کا آغاز

سال 2004 میں لندن میں مقیم بھارتی تاجر لکشمی متل کی بیٹی کی شادی فرانس کے تاریخی محل پیلس آف ورسائے میں ہوئی اور شادی کا مجموعی بل تقریباً ساڑھے پانچ کروڑ امریکی ڈالر آیا تھا۔

یاد رہے ایشا کی شادی کا کارڈ منظر عام پر آیا تھا جسے مہنگا ترین دعوت نامہ قرار دیا گیا، دعوت نامہ گلابی رنگ کے بڑے ڈبے میں تھا جس پر دلہا دلہن کا نام انگریزی الفاظ میں درج تھا، اس کارڈ میں چھوٹے چھوٹے ڈبے سجائے گئے، جنہیں سونے سے تیار کیا گیا تھا اور ان ڈبوں میں سونے کی مالائیں موجود ہیں، بھارتی میڈیا کے مطابق اس کارڈ کی قیمت 3 لاکھ روپے تھی۔

ایشا کے سسر نے انہیں ممبئی کے علاقے ورلی میں نیا تعمیر ہونے والا 452 کروڑ روپے کا بنگلہ شادی کے تحفے کے طور پر اپنی بہو کودیا ہے۔

پہلی ہندو خاتون کا امریکا کے صدارتی انتخابات میں حصّہ لینے کا ارادہ

کی طرف
ویب ڈیسک
-
0
tulsi-gabbard

واشنگٹن : بھارتی نژاد امریکی خاتون ایم پی تلسی گبّارڈ نے سنہ 2020 میں ہونے والے امریکی انتخابات میں حصّہ لینے کا ارادہ ظاہر کردیا۔

تفصیلات کے مطابق امریکی سیاست تلسی گبّارڈ پہلی ہندو ایم پی ہیں جنہوں نے صدارتی انتخابات میں حصّہ لینے کا عزم کیا ہے جس کے باعث وہ دنیا بھر میں تیزی سے مشہور ہورہی ہیں۔

امریکی پارلیمنٹ میں ریاست ہوائی کی نمائندگی کرنے والی ڈیموکریٹ تلسی گبّارڈ نے بدھ کے روز میڈیا سے گفتگو کرتے ہوئے بتایا کہ وہ آئندہ صدارتی انتخابات میں امیدوار کی حیثیت سے شرکت کرنے پر غور کررہی ہیں۔

تلسی گبّارڈ کا کہنا تھا کہ ’میں سنجیدگی اس پر توجہ کررہی ہوں اور میں اپنے ملک کی صورتحال کے حوالے سے پریشان ہوں، میں اس بارے میں بہت سنجیدگی سے سوچ رہی ہوں‘۔

غیر ملکی میڈیا کا کہنا ہے کہ اگر تلسی گبّارڈ امریکی صدارتی الیکشن میں حصّہ لیتی ہیں تو وہ امریکی تاریخ میں صدارتی انتخابات میں شرکت کرنے والی پہلی ہندو خاتون ایم پی بن جائیں گی۔

تجزیہ کاروں کا کہنا ہے کہ تلسی گبّارڈ امریکا کی پہلی ہندو خاتون اور نوجوان صدر منتخب ہوسکتی ہیں لیکن انہیں پہلے ریپبلکن امیدوار ڈونلڈ ٹرمپ کو شکست دینی ہوگی۔

امریکی خبر رساں ادارے کا کہنا ہے کہ بھارتی نژاد ہندو سیاست دان کو سنہ 2020 میں صدارتی انتخابات میں حصّہ لینے قبل ڈیموکریٹ امیدواروں کو پارٹی الیکشن میں شکست دینی ہوگی، جو صدارتی الیکیشن سے پہلے ہوں گے۔

امریکی میڈیا کا کہنا ہے کہ تلسی اس سلسلے میں گذشتہ کچھ ہفتوں سے ڈیموکریٹ پارٹی کے سربراہوں سے گفتگو کررہی ہیں اور امریکا میں مقیم بھارتیوں سے رابطہ کررہی ہیں تاکہ ان کا ردعمل جان سکیں۔

الیکشن کمیشن ووٹرلسٹوں اورکاغذاتِ نامزدگی میں’تیسری جنس کا کالم‘ شامل کرے گا

کی طرف
ویب ڈیسک
-
0
خواجہ سرا

اسلام آباد : الیکشن کمیشن آف پاکستان نے ووٹرفہرستوں اورکاغذات نامزدگی میں خواجہ سراؤں کے لیے تیسری جنس کاکالم شامل کرنے کی یقین دہانی کرادی۔

تفصیلات کے مطابق سیکرٹری الیکشن کمیشن بابر یعقوب نے پاکستان کی خواجہ سرا کمیونٹی کو یقین دہانی کرائی ہے کہ وہ چیئر مین نادرا سے اس معاملے پر بات کریں گے ۔

سیکرٹری الیکشن کمیشن نے یہ بھی کہا کہ ووٹر لسٹوں اور کاغذاتِ نامزدگی میں تیسری جنس کا کالم شامل کرنے کے معاملے پر خواجہ سراؤ ں کو بھی شریک کیا جائے گا۔انہوں نے مزید بتایا کہ پاکستان میں اس وقت سواکروڑخواتین بطورووٹرزرجسٹر ہی نہیں ہیں، خواتین کے ووٹ کی رجسٹریشن کے معاملے میں اس ناکامی پر جلد از جلد قابوپاناہوگا۔

یاد رہے کہ رواں سال چیف جسٹس آف پاکستان جسٹس ثاقب نثار کے حکم پر خواجہ سراؤں کے شناختی کارڈ جاری کیے گئے تھے جس کے بعد انہیں ووٹ ڈالنے اور الیکشن میں حصہ لینے کا حق حاصل ہوا تھا۔ تاہم الیکشن 2018 کے لیے خواجہ سرا جب نامزدگی فارم لینے پہنچے تو خواجہ سراؤں کے لیے الگ خانہ نہ ہونے سے بھی انہیں شدید مایوسی ہوئی تھی۔ الیکشن کمیشن کا موقف تھا کہ شناختی کارڈ بنوانے کا حکم بعد میں آیا تھا جبکہ فارم پہلے چھپ چکے تھے۔ بعد ازاں اس مسئلے کو وقتی طور پر حل کیا گیا تھا۔

الیکشن 2018 کے انتخابا ت میں پاکستانی انتخابات کو مانیٹر کرنے والی غیر سرکاری تنظیم ٹرسٹ فار ڈیموکریٹک ایجوکیشن اینڈ اکاؤنٹیبلیٹی (ٹی ڈی ای اے) نے 125 خواجہ سرا، 125 جسمانی طور پر معذور افراد اور 125 خواتین کو الیکشن ڈے پر پولنگ کے عمل کی مانیٹرنگ کرنے کے لیے ہائر کیا تھا۔

1...22,64622,64722,648...30,794صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025