پیر, جون 16, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 26237

لڑکیوں کے موبائل فون استعمال کرنے اور جینز ٹی شرٹ پر پابندی عائد

کی طرف
ویب ڈیسک
-
0

آگرہ: بھارتی ریاست فتح گڑھی کے گاؤں خیر تحصیل میں پنجائیت نے فیصلہ کرتے ہوئے لڑکیوں کے موبائل فون کے استعمال، جینز اور ٹی شرٹ پہننے اور پر مکمل پابندی عائد کردی جبکہ گاؤں میں شراب نوشی اور جوئے کے اڈے بھی بند کرنے کا اعلان کردیا گیا۔

بھارتی میڈیا کے مطابق نیک کرم چوہدری کی سربراہی میں بھارتی ریاست آگرہ کے گاؤں میں 28 رکنی مہا پنچائیت کا اجلاس منعقد کیا گیا، جس میں لڑکیوں کو موبائل فون کے استعمال جینز ٹی شرٹ پہننے پر پابندی جبکہ گاؤں میں جوئے اور شراب نوشی پر پابندی کا فیصلہ کیا گیا۔

پنجائیت کے سربراہ نیک کرم چوہدری نے فیصلے کی تصدیق کرتے ہوئے کہا کہ ’’لڑکیوں کے موبائل فون کا استعمال جینز اور  ٹی شرٹ پہننا ہندوستانی روایات کے خلاف ہے، اس بات کو مدنظر رکھتے ہوئے پابندی کا فیصلہ کیا گیا ہے‘‘۔

پڑھیں: ’’ لڑکیوں کا عالمی دن، پاکستان کا نام روشن کرنے والی طالبات ‘‘

 انہوں نے کہا کہ ’’پنجائیت کا فیصلہ نہ ماننے والے افراد اور اُن کے والدین کو سزا دی جائے گی تاہم سزا یا جرمانہ عائد کرنے کے حوالے سے کوئی فیصلہ نہیں کیا گیا‘‘۔ چوہدری نیک کرم نے کہا کہ اگر گاؤں میں کوئی شخص جوا کھیلتے ہوئے پکڑا گیا تو اُس پر 3100 روپے جرمانہ جبکہ شراب نوشی والے کو 5000 روپے بطور ادا کرنے ہوں گے‘‘۔

انہوں نے مزید کہا کہ جرمانے سے حاصل ہونے والی رقم گاؤں کے فلاحی کاموں پر لگائی جائے گی تاہم خلاف ورزی کرنے والے کو پنچائیت کی جانب سے اعلان کردہ سزا کا سامنا بھی کرنا پڑے گا۔

بھارتی حکام کے مطابق گاؤں میں 2000 سے زائد خاندان آباد ہیں جو پنچائیت کا فیصلہ ماننے پر مجبور ہیں۔

خیال رہے کہ رواں سال علی گڑھ میں واقع باسولی گاؤں میں بھی پنچائیت نے لڑکیوں کے موبائل فون کے استعمال پر پابندی لگائی ہے۔

سری نگر: حریت رہنما یاسین ملک ایک بار پھر گرفتار

کی طرف
ویب ڈیسک
-
0

سری نگر : بھارتی فوج نے ایک بار پھر حریت رہنما یاسین ملک کو حراست میں لے لیا ہے، کشمیری رہنما کو شوپیاں کے علاقے سے حراست میں لیا گیا۔

تفصیلات کے مطابق مقبوضہ کشمیر میں بھارتی فوج کی بربریت کا سلسلہ تاحال جاری ہے، بھارتی فوج نے مقبوضہ وادی میں ظلم وبربریت کابازار گرم کرتے ہوئے مزید تین کشمیریوں کو شہید کردیا۔

بھارتی میڈیا کا کہنا ہے کہ بھارتی فوج نے حریت رہنما یاسین ملک کو شوپیاں کے علاقے سے حراست میں لے کر نامعلوم مقام پر منتقل کردیا ہے اور اب تک اُن کے اہل ِ خانہ اور وکلاء کو گرفتاری کی وجوہات سے آگاہ نہیں کیا گیا ہے۔

شدید علیل یاسین ملک کی گرفتاری پر اہلِ خانہ تشویش کا اظہار کر رہے ہیں۔ یاد رہے کہ اس سے قبل بھی حریت رہنما یاسین ملک کو اپنی حراست میں لیا تھا۔

مزید پڑھیں : مقبوضہ کشمیر،یاسین ملک گرفتار،میر واعظ عمر فاروق نظر بند

واضح رہے کہ یٰسین ملک کو جولائی کے مہینے میں برہان وانی کی شہادت کے بعد گرفتار کیا گیا تھا جس کے بعد اُن کا رابطہ کسی سے نہ ہو سکا تھا تا ہم ایک ماہ قبل اچانک طبیعت بگڑنے پر بھارتی پولیس نے انہیں اسپتال منتقل کیا تھا جہاں غلط انجکشن لگنے کے باعث ان کا بازو سوج گیا تھا اور حالت مزید ابتر ہو گئی تھی۔

گیس کی لوڈ شیڈنگ طلاق کا باعث بن رہی ہے، لیگی ایم این اے

کی طرف
ویب ڈیسک
-
0

اسلام آباد: مسلم لیگ ن کی رکنِ‌ قومی اسمبلی طاہرہ اونگزیب نے کہا ہے کہ گیس کی لوڈ شیڈنگ کے باعث میاں بیوی کے درمیان جھگڑے معمول بن گئے ہیں اور کئی جوڑوں میں نوبت طلاق تک آن پہنچی ہے۔

ان کا خیالات کا اظہار مسلم لیگ (ن) سے تعلق رکھنے والی رکنِ قومی اسمبلی طاہرہ اورنگزیب نے قومی اسمبلی کے اجلاس سے خطاب کرتے ہوئے کیا۔

انہوں نے گیس کی مسلسل لوڈشیڈنگ پر کہا کہ مرد گھر آتے ہیں تو گیس کی لوڈ شیڈنگ کی وجہ سے کھانا تک تیار نہیں ہوپاتا جس کی وجہ سے گھر کا ماحول زیادہ خراب ہوجاتا ہے اور لڑائی جھگڑے کے واقعات میں غیر معمولی اضافہ ہوا ہے۔

ان کا کہنا تھا کہ گیس کی لوڈ شیڈنگ کے باعث ازدواجی زندگی تناؤ کا شکار ہو گئی ہے بھوک کے ستائے شوہر اور گیس کی لوڈ شیڈنگ سے پریشان بیوی کے درمیان معمولی لڑائی بعض اوقات بڑھتے بڑھتے نوبت طلاق تک جا پہنچتی ہے۔

گیس کےبحران پر قابو پانے کے لیے پاک ایران گیس پائپ لائن پروجیکٹ کی تعمیر کے بارے میں وزارتِ پیٹرولیم سے سوال پوچھتے ہوئے انہوں نے کہا کہ نئی نسل کے لیے بحرانوں کے سوا اور کیا دے رہے ہیں؟

واضح رہے کہ اس بحث کا آغاز جمیعتِ علمائے پاکستان سے تعلق رکھنے والی رکنِ قومی اسمبلی نعیمہ کشور کی جانب سے گیس لوڈ شیڈنگ پر پیش کی جانے والی قرارداد سے ہوا تاہم وفاقی وزیر پیٹرولیم شاہد خاقان عباسی کی غیر حاضری کے باعث یہ معاملہ موخر کردیا گیا جب کہ ڈپٹی اسپیکر نے وزیر کی عدم دستیابی پر ناراضی کا اظہار کیا۔

ڈپٹی اسپیکر قومی اسمبلی مرتضیٰ عباسی نے وفاقی وزیر پیٹرولیم کی غیر حاضری پر کہا کہ موصوف وزیر کو معلوم ہونا چاہیے کہ کابینہ اجلاس سے اسمبلی کا سیشن زیادہ اہم ہے اس لیے وفاقی وزیر کو یہاب ہونا چاہیے تھا۔

واضح رہے رکنِ قومی اسمبلی طاہرہ اورنگزیب، وزیرِ مملکت برائے اطلاعات و نشریات مریم اورنگزیب کی والدہ اور متحرک لیگی کارکن ہیں۔

لیگی خاتون ہلاکت کیس، دو مبینہ ملزمان گرفتار

کی طرف
ویب ڈیسک
-
0

لاہور : چمبہ ہاؤس سے ملنے والی خاتون مسلم لیگی کارکن کی لاش کا معمہ تاحال حل طلب ہے،کیس میں نئی پیشرفت کے بعد دو مبینہ ملزمان کو گرفتار کر لیا ہے۔

تفصیلات کے مطابق سمیعہ چوہدری ہلاکت کیس میں لاہور پولیس نے چمبہ ہاؤس کے ملازم سلامت کو گرفتار کر لیا ہے، سلامت پر الزام ہے کہ مسلم لیگی خاتون کارکن کو کمرہ اپنی ضمانت پر دلوایا تھا دوسری طرف مرحومہ کو پروٹوکول دینے والے زین العابدین کو بھی حراست میں لے لیا گیا ہے۔

اسی سے متعلق : خاتون لیگی کارکن کی ہلاکت، رکنِ قومی اسمبلی کو شاملِ تفتیش کرنے کا فیصلہ

لاہور پولیس کے ذرائع کا کہنا ہے کہ چمبہ ہاؤس سے ملنے والی گاڑی مسلم لیگ (ن) کے رکنِ قومی اسمبلی چوہدری اشرف کی نہیں ہے بلکہ یہ کسی دوسرے اشرف نامی شخص کے نام پر رجسٹرڈ ہے جس کی تلاش جاری ہے۔

یہ بھی پڑھیں : رکن قومی اسمبلی کے کمرے سے لیگی خاتون کارکن کی لاش برآمد

واضح رہے اس سے قبل لاہور پولیس نے ایس ایس پی لائنز کی موجودگی میں چمبہ ہاؤس کے 20 سے زائد ملازمین سے پوچھ گچھ کی تھی جس کے بعد دو ملزمان سمیت رکنِ قومی اسمبلی چوہدری اشرف کو شاملِ تفتیش کرنے کا فیصلہ کیا گیا تھا۔

یاد رہے دو روز قبل پارلیمنٹ لاؤجز المعروف چمبہ ہاوس کے ایک کمرے سے مسلم لیگ (ن) سے تعلق رکھنے والی خاتون کی لاش ملی تھی یہ کمرہ مسلم لیگ (ن) کے ہی رکنِ قومی اسمبلی چوہدری اشرف کے نام پر بُک کیا گیا تھا۔

سرینگر: فوجی کمپاؤنڈ پر حملہ، دو افسران سمیت سات فوجی ہلاک

کی طرف
ویب ڈیسک
-
0

سرینگر: مقبوضہ کشمیر کے علاقے نگروٹا میں مسلح افراد نے آرمی کیمپ پر حملہ کردیا۔ حملے میں دو افسران سمیت سات فوجی ہلاک جبکہ 2 زخمی ہوگئے۔ یہ گذشتہ دو ماہ کے دوران بھارتی فوج کے کسی ٹھکانے پر اپنی نوعیت کا یہ تیسرا بڑا حملہ ہے۔

غیر ملکی خبر رساں ایجنسی کے مطابق سرینگر کے علاقے نگروٹا میں نامعلوم مسلح افراد نے بھارتی فوج کے کمپاؤنڈ پر حملہ کردیا۔ مسلح افراد کی جانب سے کمپاؤنڈ میں گرینیڈ پھینکے گئے۔

بھارتی فوج اور مسلح افراد کے درمیان فائرنگ کا تبادلہ بھی ہوا جس کے نتیجے میں دو افسران سمیت سات فوجی ہلاک ہوگئے ہیں۔

بھارتی میڈیا کے مطابق کمپاؤنڈ میں 3 سے 4 حملہ آوروں کی موجودگی کی اطلاع ہے۔ فوجی کمپاؤنڈ سے شدید فائرنگ اور دھماکوں کی آوازیں بھی آرہی ہیں۔ حملہ آور دستی بم پھینکتے ہوئے اور فائرنگ کرتے ہوئے آفیسرز میس میں داخل ہوئےتھے۔

بھارتی فوج نے صورتحال سے نمٹنے کے لیے مزید نفری کو نگروٹا کی جانب روانہ کردیا ہے۔ بھارتی میڈیا کا کہنا ہے کہ مسلح افراد اور بھارتی فوج کے درمیان فائرنگ کا تبادلہ تاحال جاری ہے۔ حملے کے باعث انتظامیہ نے علاقے کے اسکولوں کو بند کرنے کے احکامات بھی جاری کر دیے ہیں۔

بھارتی میڈیا کے مطابق مقابلے میں تینوں حملہ آور بھی مارے گئے اور اب علاقے کو کلیئر کرنے کے لیے آپریشن جاری ہے۔

خیال رہے کہ نگروٹہ میں ہی بھارتی فوج کی سب سے زیادہ سرگرم شمالی کمان کا ہیڈ کوارٹر قائم ہے۔ یہ حملہ 166 میڈیم ریجمنٹ آرٹلری کے کیمپ پر کیا گیا۔

اسی یونٹ میں پاکستان کے ساتھ لگنے والی لائن آف کنٹرول اور ورکنگ باونڈری پر مبینہ دراندازی کے خلاف منصوبہ بندی بھی ہوتی ہے۔

اس حملے کے بعد نگروٹہ میں فوجی تنصیبات کے قریب گاڑیوں کی آمدورفت روک دی گئی اور انتظامیہ کی جانب سے اسکولوں میں تعطیل کا اعلان کر دیا گیا۔

واضح رہے کہ اس سے قبل بھی ضلع بارہ مولہ کے قصبے اڑی میں قائم بھارتی فوجی مرکز پر حملہ کیا گیا تھا جس کے نتیجے میں 17 فوجی اہلکار ہلاک اور متعدد زخمی ہوگئے تھے۔

ایئر لیگ کے ہیڈ آفس میں قائم دفتر کو بند کردیا گیا

کی طرف
محمد صلاح الدین
-
0

کراچی : ایئر لیگ کے پی آئی اے ہیڈ آفس میں قائم دفتر کو بند کردیا گیا، ائیر لیگ کے صدر شمیم اکمل کی ہدایات پر مرکزی سی بی اے دفتر کو تالا لگایا گیا ہے۔ کچھ عہدیداران کو ان کے عہدوں سے ہٹائے جانے کا بھی امکان ہے،

ذرائع سے ملنے والی تفصیلات کے مطابق پی آئی اے کے ملازمین کی نمائندہ تنظیم ایئر لیگ کے ہیڈ آفس میں قائم دفتر کو صدر شمیم اکمل کی ہدایات پر بند کردیا گیا، ملک بھر میں سی بی اے کی تنظیم نو کے لئے جاری اقدامات کے تناظر میں مرکزی دفتر کو بند کیا گیا ہے۔

تنظیم کے ضمن میں اس سے قبل لاہور اور راولپنڈی میں مختلف عہدیداران کو عہدوں سے برطرف بھی کیا جاچکا ہے، ائیر لیگ کے صدر شمیم اکمل کی جانب سے مرکزی دفتر بند کیا جانے کی حوالے سے انتظامیہ کو باضابطہ طور پر آگاہ کردیا گیا ہے۔

دفتر کی بندش کی اطلاع انتظامیہ کو بذریعہ ای میل ہفتہ کی شب دی گئی تھی، ذرائع کے مطابق تنظیم نو کے دوران کچھ عہدیداران کو ان کے عہدوں سے ہٹائے جانے کا بھی امکان ہے۔

اس حوالے سے ترجمان ائیر لیگ لطیف قادری کا کہنا ہے کہ مرکزی دفتر کو تنظیم نو کے لئے آئین کے تحت بند کیا گیا ہے،جو تنظیم نو کے مکمل کیے جانے تک بند رکھا جائے گا۔

ہائی پروفائل کیسز کے ملزمان گرفتار، ٹارگٹ کلنگ پھر بھی جاری

کی طرف
ویب ڈیسک
-
0

کراچی: شہر قائد میں ہائی پروفائل کیسز میں ملوث ملزمان کی گرفتاری کے باوجود شہر میں ٹارگٹ کلنگ اور دہشت گردی کی وارداتیں کم نہ ہوسکیں، پولیس حکام نے وزیراعلی سندھ سے متنازع پریس کانفرنس تک کرادی۔


کراچی دہشت گردوں کے رحم وکرم پر ہے، ہائی پروفائل ملزمان کی گرفتاری پر بھی امن بحال نہ ہوسکا ،شہر میں دہشتگردی اور ٹارگٹ کلنگ کے واقعات بھی تھم نہ سکے،پولیس حکام کی نااہلی کہیے کہ وزیراعلی سے متنازع پریس کانفرنس تک کرادی۔
پولیس نے تمام ہائی پروفائل کیسز عاصم کیپری اور اسحاق بوبی سے منسوب کراکر وزیراعلی سندھ کو مطمئن کردیا۔
حساس اداروں نے پہلی بار ہائی پروفائل ملزمان کی جے آئی ٹی پر اعتراض اٹھادئیے، دو روز قبل دہشت گردوں نے گلستان جوہر میں ایک ڈی ایس پی کو نشانہ بنایا اور ایک پر فائرکیا۔
اسی دن ٹارگٹ کلر نے کنیز فاطمہ سوسائٹی میں ایک شہری کو موت کے گھاٹ اتارا،دہشت گرد کارروائی کے بعد نعرے بازی کرتے رہے اور شہر میں دندناتے رہے ۔
کراچی کی حالیہ بدامنی پر وزیراعلی سندھ بھی کہہ اٹھے کہ بدامنی کے خلاف جلد موثر آپریشن شروع کیاجائے گا، امن وامان پر کوئی سمجھوتا نہیں کیا جائے گا

فواد خان 35 برس کے ہوگئے

کی طرف
ویب ڈیسک
-
0

بالی ووڈ اور شوبز انڈسٹری میں کامیابیوں کے جھنڈے گاڑنے والے پاکستانی اداکار  فواد خان آج اپنی 35ویں سالگرہ منارہے ہیں، وہ 29 نومبر 1981 کو کراچی میں پیدا ہوئے اور گلوکاری سے اپنے فنی کیریئر کا آغاز کیا۔

تفصیلات کے مطابق پاکستانی فلم انڈسٹری کے بعد ہالی ووڈ میں اپنی صلاحیتوں کا لوہا منوانے والے پاکستانی اداکار فواد خان آج 29 نومبر 1981 کو کراچی میں پیدا ہوئے وہ آج اپنی 35ویں سالگرہ منارہے ہیں۔

4

فواد خان نے اپنے فنی کیریئر کا آغاز گلوکاری سے کیا وہ معروف پاپ میوزیکل بینڈ ’ای پی‘ میں مرکزی گلوکار کی حیثیت سے اپنی صلاحیتوں کا لوہا منوا چکے ہیں، گلوکاری کے بعد فوان خان نے شوبز کے سفر کو جاری رکھنے کے لیے ڈرامہ انڈسٹری میں انٹری دی۔

5

فواد نے اپنی اداکاری کا آغاز جٹ اینڈ بانڈ نامی ڈرامے سے کیا بعد ازاں فلم خداکے لیے میں کامیابی سے معاونتی کردار  ادا کیا جس کے بعد وہ مداحوں کے دلوں میں تیزی سے جگہ بناتے گئے، بعد ازاں کئی پاکستانی ڈراموں میں کام کیا جس کے بعد بھارتی فلم سازوں نے رابطہ کر کے فلم میں کام کرنے کی پیش کش کی۔

3

کامیابی کا سفر جاری رکھتے ہوئے فواد نے بالی ووڈ انڈسٹری میں فلم خوبصورت سے اپنے کامیاب سفر کا آغاز کیا ، اس فلم میں سونم کپور نے بھی مرکزی کردار ادا کیا۔ فلم میں کامیاب اداکاری پر فواد خان کو ایوارڈ سے بھی نوازا گیا۔

2

فلم ‘خوبصورت’ کے بعد فواد خان نے ایک اور بالی وڈ فلم ‘کپور اینڈ سنز’ میں کام کیا، جس میں ان کے مداحوں نے ہم جنس پرست کے کردار کو خوب سراہا مقبولیت میں اضافے کے بعد ہدایت کار کرن جوہر نے اپنی فم ’اے دل ہے مشکل‘ میں فواد کو بطور معاون اداکار شامل کیا جسے مداحوں نے خوب سراہا۔

1

بعد ازاں پاک بھارت کشیدگی کے باعث ہندو انتہاء پسندوں کی جانب سے پاکستانی اداکاروں کو سنگین نتائج کی دھمکیاں دینے کا سلسلہ شروع ہوا جس کے باعث فواد سمیت دیگر فنکار ملک واپس آگئے جبکہ بھارتی فلم سازوں نے ہندو انتہاء پسندوں کے آگے گھٹنے ٹیکتے ہوئے آئندہ اپنی فلموں میں پاکستانی فنکاروں کو کام نہ دینا کا بھی اعلان کیا ہے۔

پیٹرولیم مصنوعات مہنگی ہونے کا امکان، اوگرا کی سمری تیار

کی طرف
ویب ڈیسک
-
0

اسلام آباد : عالمی منڈیوں میں خام تیل کی قیمتوں میں اضافہ ہوگیا، مقامی مارکیٹس میں بھی پیٹرولیم مصنوعات کی قیمتیں بڑھنے کا امکان ہے۔

پیٹرولیم مصنوعات مہنگی ہونے کا امکان ہے، اوگرا نے سمری تیار کرلی ہے، اوگرا کے ابتدائی سمری کے مطابق عالمی منڈی میں خام تیل کی قیمتوں اضافہ ریکارڈ کیا گیا، جس کے باعث اوگرا کی درآمدی قیمت میں اضافہ ہوگیا ہے۔

زرائع کے مطابق یکم دسمبر سے پیٹر ولیم مصنوعات کی قیمتوں میں چار روپے ، ہائی اوکٹین کی قیمت میں 6 روپے 82 پیسے،مٹی کے تیل میں 2 روپے 81 پیسے، ڈیزل 5 روپے 42 پیسے اور لائیٹ ڈیزل کی قیمت میں چار پیسے فی لٹر کے اضافے کی تجویز دی گئی ہے۔

تجزیہ کاروں کا کہنا ہے کہ مزید بہتر معیار کا پیٹرول متعارف کروانے کے باعث قیمتوں میں اضافہ متوقع ہے۔ تاہم حکومت جنرل سیلز ٹیکس کم کر کے اضافہ روک سکتی ہے، اس وقت ڈیزل پر تینتیس فیصد جبکہ پیٹرول پر ساڑھے سولہ فیصد سیلز ٹیکس وصول کیا جارہا ہے۔

مزید پڑھیں : یکم نومبر سے پیٹرول کی قیمت میں اضافے کا امکان

یاد رہے کہ گذشتہ ماہ حکومت نے پیٹرولیم مصنوعات کی قیمتیں بڑھانے کا فیصلہ کیا تھا اور پیٹرول دو روپے 29 پیسے اضافہ کے ساتھ 66 روپے 56 پیسے ہوگیا تھا۔

واضح رہے کہ اس سے قبل حکومت نے پیٹرولیم مصنوعات کی قیمتوں میں اضافے کے سمری مسترد کردی تھی اور پیٹرول ڈیزل اور مٹی کے تیل کی قیمت برقرار رکھنے کا فیصلہ کیا تھا۔

ملکی سرحدوں کا تحفظ مقدس فریضہ ہے، ایڈمرل ذکاء اللہ

کی طرف
ویب ڈیسک
-
0
maritime day

اسلام آباد : پاک بحریہ کے سربراہ ایڈمرل ذکاءاللہ نے کہا ہے کہ جانوں کی پرواہ کیے بغیر ملک خداداد کی بحری سرحدوں کا دفاع کریں گے یہ ایک مقدس فریضہ ہے جسے بڑے فخر سے سے ادا کریں گے۔

اس عزم کا اظہار پاک بحریہ کے سربراہ ایڈمرل ذکاء اللہ نے اسلام آباد میں صحافیوں سے غیررسمی گفتگو کرتے ہوئے کیا،انہوں نے کہا کہ بحری سرحدوں کا تحفظ ایک مقدس فریضہ سمجھ کر کرتے ہیں اور اس فرض کی ادائیگی میں اپنی جانیں دینے سے بھی دریغ نہیں کریں گے۔

انہوں نے کہا کہ گوادر اور پاک چین اقتصادی راہداری کا تحفظ ہماری اولین ترجیح ہے اور دنیا نے دیکھ لیا ہے کہ کس طرح ہم نے بھارتی آبدوز کو بھاگنے پر مجبور کردیاتھا،بھارت کو منہ توڑ جواب دینے کی پوری صلاحیت رکھتے ہیں۔

انہوں نے کہا کہ پاک بحریہ کے جوانوں کے حوصلے جواں اور ملکی دفاع کی تیاریاں انتہائی اطمینان بخش ہیں، ہم چوکنا ہیں اور دشمن کی ہر نقل و حرکت پر نظر رکھی ہوئی ہے۔

پاک بحریہ کے سربراہ کا کہنا تھا کہ پاک بحریہ کسی بھی چیلینج سے نمٹنے کے لیے تیار ہے اور قوم کے تعاون سے دشمن کے ناپاک ارادے ناکام بنادیں گے۔

1...26,23626,23726,238...30,659صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025