منگل, جون 24, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 26584

پاکستان کی مقامی صنعت کے مفادات کا تحفظ کیا جائے گا، خرم دستگیر خان

کی طرف
ویب ڈیسک
-
0

اسلام آباد: وفاقی وزیر تجارت انجینئر خرم دستگیر خان نے کہا ہے کہ تجارت کی ترقی کو پائیدار بنانے کے لیے پاکستان کی طرف سے تجارت کو آزادانہ بنانا ناگزیر ہے۔

ترکی اور تھائی لینڈ کے ساتھ آزادانہ تجارتی معاہدوں کے سلسلہ میں مشاورتی اجلاس سے خطاب کرتے ہوئے وفاقی وزیر تجارت انجینئر خرم دستگیر خان نے کہا ہے کہ کاروباری برادری پرزور دیا کہ وہ اپنی تجارت بچانے کا رویہ اختیار کرنے کی بجائے جارحانہ نوعیت کی تجارت کریں۔

وفاقی وزیر تجارت نے کاروباری برادری کو یقین دلایا کہ پاکستان کی مقامی صنعت کے مفادات کا تحفظ کیا جائے گا تاہم تجارت کو آزادانہ بنانا وقت کی اہم ضرورت ہے جو کہ پاکستانی معیشت اور تجارت کے وسیع تر مفاد میں ہے ۔

انہوں نے کہا کہ مختلف ممالک کے ساتھ آزدانہ تجارت کے لیے معاہدوں میں پاکستان کی صنعت کے تحفظ کے لیے نئے بنائے گئے قوانین پر عملدر آمد کیا جائے گا۔

اس موقع پر پاکستان بزنس کونسل کے چیف ایگزیکٹو افسراحسان ملک نے وزارت تجارت کی سٹریٹجنگ تجارتی پالیسی کا دائرہ کار وضع کرنے کوششوں کو سراہا ۔

ایس ای سی پی کا میوچل فنڈز میں ریٹیل شراکت پر زور

کی طرف
ویب ڈیسک
-
0

کراچی: سکیورٹیز اینڈ ایکسچینج کمیشن (ایس ای سی پی) نے میوچل فنڈز ایسوسی ایشن (موفاپ) پر زور دیا ہے کہ وہ اپنی توجہ میوچل فنڈز کی بڑھتی ہوئی ریٹیل پینی ٹریشن پر مرکوز کریں۔

موفاپ کے نمائندگان کے ساتھ ایک اجلاس میں ایس ای سی پی کے چیئرمین ظفر حجازی نے کہا کہ میوچل فنڈ کی صنعت میں ریٹیل سرمایہ کاروں کی شراکت نسبتاً بہت چھوٹے حصے پر مشتمل ہے اور کارپوریٹس اور دیگر ادارے کل اَیسٹ مینجمنٹ کمپنیوں کے تقریباً چھیاسٹھ فیصد اثاثوں کے حامل ہیں۔

انہوں نے کہا کہ بڑے شہروں سے باہر ناموزوں شاخوں کے نیٹ و رک اورمناسب دسٹری بیوشن نیٹورک کی کمی محدود آؤٹ ریچ کی ایک بڑی اہم وجہ ہے، وقت کی ضرورت یہ ہے کہ ہم صنعت کو لے کر آگے بڑھیں اور چھوٹے سرمایہ کاروں پر توجہ دیں۔

انہوں نے کہا کہ اَیسٹ مینجمنٹ کمپنیوں کو چاہئے کہ وہ ملک کے بڑے شہروں میں اپنی آؤٹ ریچ کو بڑھانے کے لئیاپنی کوششوں میں اضافہ کریں۔

اسٹیٹ بینک کے5 شعبے لاہور، کوئٹہ اور پشاور منتقل کرنے کا فیصلہ

کی طرف
ویب ڈیسک
-
0

کراچی: اسٹیٹ بینک کے گیارہ میں سے پانچ شعبے کراچی سے لاہور،کوئٹہ اور پشاور منتقل کرنے کا فیصلہ کرلیا گیا۔

ترجمان اسٹیٹ بینک کے مطابق بینکنگ سروسز کارپوریشن کی کارکردگی بہتر کرنے کیلئے یہ فیصلہ کیا گیا جبکہ ان پانچ شعبوں کا کچھ حصہ جنوبی مارکیٹ کی ضرورریات کیلئے کراچی میں ہی رکھا جائے گا۔

اسٹیٹ بینک کے کراچی سے منتقل کئے جانے والے شعبے میں کرنسی منیجمنٹ، حکومتی بینکاری، داخلی آڈٹ، زرمبادلہ آپریشنز اُور ڈی ایف جی شامل ہیں ۔

جاری کردہ اعلامیے میں اسٹیٹ بینک کا ہیڈ آفس یا صدر دفتر کا کوئی شعبہ کراچی سے کسی اور شہر منتقل کرنے کے تاثرکی نفی کی ہے۔

دوسری جانب سینیٹ کی قائمہ کمیٹی خزانہ کے چیئرمین سینیٹر سلیم مانڈوی والا نے اسٹیٹ بینک کے پانچ اہم دفاتر کو کراچی سے لاہور منتقل کرنے کے فیصلے کی مذمت کرتے ہوئے کہا کہ قائمہ کمیٹی خزانہ وفاقی حکومت کے اس فیصلے کو سختی سے مسترد کرتی ہے۔

انہوں نے کہا کہ حکومت تمام سرکاری اداروں کو لاہور منتقل کرنے کی کوشش کررہے ہیں ،مرکزی بینک کے دفاتر کو بھی سیاسی اور ذاتی مفادات کے لیے لاہور منتقل کیا جارہا ہے۔

سینیٹر سلیم مانڈوی والا نے کہا کہ مرکزی بینک کا دفتر گذشتہ ستر سال سے کراچی میں انتہائی احسن سے طریقے سے کام کررہا ہے مگر مسلم لیگ ن کے دور اقتدار میں ایسا کیا ہوا کہ اسے کام کرنے میں دشواری پیش آرہی ہے۔

بابر اعظم کی تیسری سنچری، لیجنڈز کی صف میں شامل

کی طرف
ویب ڈیسک
-
0

ابوظہبی: پاکستانی بیٹسمین بابر اعظم نے ویسٹ انڈیز کے خلاف مسلسل تیسری سنچری بنا کر  لیجنڈ بیٹسمین ظہیر عباس اور سعید انور کے بعد اہم اعزاز اپنے نام کرلیا۔

تفصیلات کے مطابق ابوظہبی میں پاکستان اور ویسٹ انڈیز کے مابین تین ایک روزہ میچوں کی سیزیز کے آخری میچ میں بابر اعظم نے مسلسل تیسری سنچری اسکور کرکے لیجنڈ بیٹسمین ظہیرعباس اور سعید انور کے بعد ایک روزہ میچ میں سنچری بنا کر تیسرے پاکستانی بیٹسمن ہونے کا اعزاز اپنے نام کیا۔

سیریز کے آخری میچ میں پاکستان نے بیٹنگ کا آغاز کیا تو کپتان اظہر علی اور ساتھ آئے بیٹسمن شرجیل خان نے جارحانہ انداز میں کھیل پیش کرتے کیا تاہم 85 رنز کے مجموعی اسکور پر شرجیل خان 38 کے اسکور پر پویلین روانہ ہوگئے۔

پڑھیں:  تیسرا ون ڈے: پاکستان نے ویسٹ انڈیز کو 309 رنز کا ہدف دے دیا

 بابر اعظم کپتان کا ساتھ دینے آئے تو اظہر علی نے جارحانہ انداز میں بیٹنگ کرتے ہوئے سنچری اسکور کی تاہم بابر اعظم کا بلا بھی بہترین طریقے سے چلتا رہا اور ٹیم کے مجموعی اسکور میں اضافے کا سبب بنا۔ دو میچوں میں سنچری اسکور کرنے کے بعد کالی آندھی کے خلاف تیسرے میچ میں بھی بابر اعظم نے عمدہ بیٹنگ کا مظاہرہ کرتے ہوئے سنچری اسکور کی جس کے بعد وہ ایک روزہ میچ میں تین سنچریاں کرنے والے دنیائے کرکٹ کے آٹھویں اور پاکستان کے تیسرے بیٹسمن بن گئے۔

علاوہ ازیں بابر اعظم 3 میچوں میں لگاتار سنچریاں بنانے والے دنیا کے دوسرے بیٹسمین بھی بن گئے، قبل ازیں یہ ریکارڈ جنوبی افریقہ کے بلے باز کوئینٹن ڈی کوک کے پاس تھا جنہوں نے بھارت کے خلاف یہ ریکادڑ بنایا تھا۔

پاکستانی بلے باز نے ویسٹ انڈیز کے خلاف پہلے میچ میں 120، دوسرے میں 123 اور تیسرے میچ میں 117 رنز کی کامیاب اننگز کھیلی۔


Babar Azam completes hat-trick of centuries… by arynews

بابر اعظم کی شاندار بیٹنگ کے بعد اُن کے مداحوں کی جانب سے سوشل میڈیا پر مبارک باد کے پیغام کا سلسلہ جاری ہے، جس کے بعد مختصر وقت میں Babar Azam ٹوئٹر کے ٹاپ ٹرینڈ میں شامل ہوگیا۔

Babar azam now only needs 42 more runs to be the fastest to reach 1000 runs milestone in just 19 innings wow

ڈاکٹر فاروق ستار کی پارلیمنٹ میں ڈرامائی انٹری

کی طرف
ویب ڈیسک
-
0

اسلام آباد: ایم کیو ایم پاکستان کے سربراہ فاروق ستار نے پارلیمنٹ ہاؤس کے باہر میڈٰیا کو دیکھتے ہی دوڑ لگادی، بھاگے بھی ایسے کہ صحافی بھی ہنسنے پر مجبور ہوگئے۔

وزیر اعظم پاکستان نواز شریف کی جانب سے طلب کئے جانے والے پارلیمنٹ کے مشترکہ اجلاس میں شرکت کے لیے سربراہ ایم کیوایم پاکستان ڈاکٹر فاروق ستار پہنچے تو میڈیا نے ان سے گفتگو کرنا چاہی لیکن فاروق ستار نے میڈیا کو دیکھ بچوں کی دوڑ لگاتے ہوئے پارلیمنٹ میں داخل ہوگئے۔

پارلیمنٹ ہاؤس کے باہر میڈیا کو دیکھتے ہی فاروق ستار ایسے دوڑے جیسے کوئی بچہ شرارت کر کے بھاگتا ہے، مشترکہ اجلاس سے پہلے صحافی فاروق ستار کو روکتے رہ گئے، آوازیں بھی لگائیں لیکن فاروق ستار نے سنی ان سنی کر کے دوڑ لگادی۔

ڈاکٹر فاروق ستار کسی صحافی کے قابو میں نہ آئے بس جاتے جاتے اتنا جواب دے گئے کہ ’وزیر اعظم کی تقریر ہے جانے دو یار‘ نہ جانے فاروق ستار میڈیا کے سوالات سے گھبر ائے ہوئے تھے یا انہیں وزیر اعظم کی تقریر چھوٹ جانے کا خدشہ تھا۔

تیسرا ون ڈے: پاکستان نے ویسٹ انڈیز کو 309 رنز کا ہدف دے دیا

کی طرف
ویب ڈیسک
-
0

ابوظہبی : پاکستان اور ویسٹ انڈیز کے درمیان جاری ون ڈے سیریز کے تیسرےے اور آخری میچ میں پاکستان نے پہلے بیٹنگ کرتے ہوئے ویسٹ انڈیز کو تین سو نو رنز کا تارگٹ دیا ہے، جبکہ اس کے چھ کھلاڑی آؤٹ ہوئے۔

تفصیلات کے مطابق ابوظہبی میں پاکستان اور ویسٹ انڈیز کےدرمیان سیریز کا تیسرا اورآخری ون ڈے جاری ہے، پاکستان نے ٹاس جیت کر پہلے بیٹنگ کرتے ہوئے مقرررہ پچاس اوورز میں بابر اعظم اور کپتان اظہر علی کی شاندار کارکردگی پر 308 رنز بنائے۔ اور اس کے چھ کھلاڑی آؤٹ ہوئے۔

بابر اعظم 117رنز کے ساتھ سرفہرست رہے جبکہ اظہر علی 101رنز کے ساتھ دوسرے نمبر پر رہے، قومی ٹیم اوپنرز اظہرعلی اور شرجیل خان نے عمدہ آغاز فراہم کیا، شرجیل خان 38 رنزبنا کر کیچ آؤٹ ہوگئے۔

شعیب ملک کچھ خاص کارکردگی کا مظاہرہ نہ کرسکے اور صرف پانچ رنز بنا کر ہی نارائن کی گیند کا نشانہ بن کر چلتے بنے، ان کے بعد آنے والے کھلاڑی بابر اعظم نے انتہائی خوبصورت بیٹنگ کا مظاہرہ کرتے ہوئے 117 رنز بنائے اور پولارڈ کی گیند پر بولڈ ہو گئے، یاد رہے کہ یہ ان کی حالیہ سیریز میں مسلسل تیسری سنچری ہے۔

قومی ٹیم کے نائب کپتان اور وکٹ کیپر سرفراز احمد نے بھی اچی کارکردگی کا مظاہرہ کیا وہ 24 رنز کے ساتھ ناقابل شکست رہے۔

مزید پڑھیں : تیسرا ون ڈے،پاکستان کا ٹاس جیت کربیٹنگ کا فیصلہ

بھارتی فوج کا سرجیکل اسٹرائیکس کی جعلی ویڈیو بنانے کا انکشاف

کی طرف
ویب ڈیسک
-
0

سری نگر: مقبوضہ کشمیر کے رکن اسمبلی عبدالرشید نے بھارتی فوج کے سرجیکل اسٹرائیک کے دعوے کا پول کھول دیا اورکہا ہے کہ بھارتی فوج کشمیرکے علاقے میں تین دن سے سرجیکل اسٹرائیک کی جعلی ویڈیو بنانے میں مصروف ہے۔


رکن اسمبلی عبدالرشید نے بتایا کہ بھارتی فوجی تین دنوں سے سرجیکل اسٹرائیکس کی جعلی ویڈیو بنانے میں مصروف ہیں یہ ویڈیو لیپا سیکٹر کے سامنے بنائی جارہی ہے۔

انہوں نے کہا کہ میرے حلقے کے مقامات پر گزشتہ 20 روز سے فائرنگ کا کوئی واقعہ پیش نہیں آیا، میرے حلقے کے دو مقامات پرسرجیکل اسٹرائیکس کا ڈرامہ رچانے کی ویڈیو بنائی جارہی ہے جس کا لوگ آ کر مجھے بتارہے ہیں۔

انہوں نے سوال اٹھایا کہ آخر سرحدی علاقے سے لوگوں کو نکالنے کا مقصد کیا ہے۔

پنجاب بھر میں غیر قانونی نمبر پلیٹوں والی گاڑیوں کیخلاف کریک ڈاؤن شروع

کی طرف
ویب ڈیسک
-
0

لاہور: گاڑیوں پر رنگ برنگ اور فینسی نمبر پلیٹیں استعمال کرنے والے ہوشیار ہوجائیں، نیشنل ایکشن پلان کے تحت غیر قانونی نمبر پلیٹوں والی گاڑیوں کیخلاف پنجاب بھر میں کریک ڈاؤن شروع کردیا گیا ہے ۔

غیر قانونی نمبر پلیٹوں والی گاڑیوں کے خلاف لاہور سمیت پنجاب کے تمام اضلاع میں کریک ڈاؤن شروع کردیا گیا ہے، لاہور میں موٹر انٹر چینج پر درجنوں گاڑیوں کی غیر قانونی نمبر پلیٹیں توڑ کر بھاری جرمانے کیے گئے ۔

تاہم عوام کی آگاہی کے لیے محکمہ ایکسائز اور محکمہ ٹرانسپورٹ کے مشترکہ آپریشن میں ڈرائیورز کو وارننگ پمفلٹ بھی تقسیم کیے گئے ۔

جعلی نمبر پلیٹس لگانے والوں کیخلاف سخت کارروائی کا فیصلہ

محکمہ ایکسائز کے مطابق تیس اکتوبر کے بعد نہ غیر نمونہ نمبر پلیٹ والی گاڑیوں کو جرمانے کیساتھ ساتھ سیل بھی کیا جائے گا ۔

یاد رہے کہ گزشتہ ماہ صوبائی وزیر برائے ایکسائز اینڈ ٹیکسیشن میاں مجتبیٰ شجاع الرحمٰن کا کہنا تھا کہ جعلی نمبر پلیٹ بنانے والوں کو دو سال قید اور پانچ لاکھ روپے جرمانہ کی سزا دی جائے گی۔

صوبائی وزیر نے کہا تھا کہ پہلے مرحلے میں حکومت آگاہی مہم کا آغاز کرے گی جبکہ اس جرم میں ملوث افراد کو مجوزہ قانون کے تحت دو سال قید اور پانچ لاکھ روپے جرمانہ عائد کیا جائے گا۔

بھارتی فوج کی بلا اشتعال فائرنگ : پاک فوج کا منہ توڑ جواب

کی طرف
ویب ڈیسک
-
0

راولپنڈی: بھارتی فوج نے ایک بار پھر لائن آف کنٹرول کی خلاف ورزی کرتے ہوئے فائرنگ اور گولہ باری کی، پاک فوج نے جوابی کارروائی کرتے ہوئے دشمن کی توپوں کو خاموش کرادیا۔

تفصیلات کے مطابق بھارتی فوج کی لائن آف کنٹرول پراشتعال انگیزیاں جاری ہیں، بھارتی فوج نے جنگ بندی کے معاہدے کی خلاف ورزی کرتے ہوئے ایک بار پھر کنٹرول لائن پر فائرنگ شروع کردی۔

بھارتی فوج نے ایل او سی پرافتخارآباد سیکٹر، کوٹلی اورکیل سیکٹر کو نشانہ بنایا۔ پاک فوج کی بھرپورجوابی کارروائی کے باعث بھارتی توپیں خاموش ہو گئیں۔

آئی ایس پی آر کے مطابق بی ایس ایف نے آبادی پر فائرنگ اورگولہ باری کی، واضح رہے کہ بھارتی فوج کی جانب سے گزشتہ 5 روز میں پانچویں بار لائن آف کنٹرول پر سیز فائر کی خلاف ورزی کی جا چکی ہے۔

مزید پڑھیں : بھارتی فوج کی ایک بارپھرلائن آف کنٹرول کی خلاف ورزی

 اس سے قبل بھارت کی جانب سے لائن آف کنٹرول پر بھمبھر، کیل، تتہ پانی اور لیپا سیکٹر میں بلااشتعال فائرنگ کی گئی تھی، جس کا پاک فوج نے منہ توڑ جواب دیا تھا، اس واقعہ میں پاک فوج کے 2 اہلکار جاں بحق ہوگئے تھے۔

یہ بھی پڑھیں:بھارتی فوج کی کیلر سیکٹر پر فائرنگ، پاک فوج کا منہ توڑ جواب، بھارتی چوکی تباہ

خیبرپختونخوا اسمبلی میں پانامہ تحقیقات کی قرارداد منظور

کی طرف
ویب ڈیسک
-
0

پشاور: خیبر پختونخوا اسمبلی نے پانامہ لیکس کی فوری اور غیر جانبدار تحقیقات عدلیہ سے کروانے کی قرارداد اکثریت رائے کے ساتھ منظور کر لی گئی جبکہ مسلم لیگ ن نے قرارداد کی مخالفت کی۔

تفصیلات کے مطابق خیبر پختونخوا اسمبلی میں اسپیکر اسد قیصر کی زیر صدارت اجلاس منعقد کیا گیا، جس میں پیپلزپارٹی کے پارلیمانی لیڈر محمد علی شاہ نے پانامہ لیکس کی تحقیقات کے حوالے سے قرار داد پیش کی۔

ایوان میں پیش کی گئی قرار داد میں کہا گیا ہے کہ ’’پاناما لیکس کی صورت میں دنیا کا سب سے بڑا کرپشن اسکینڈل سامنے آیا ہے ، اس میں وزیر اعظم پاکستان میاں محمد نوازشریف اور ان کے خاندان کے دیگر افراد کے نام بھی شامل ہیں‘‘۔

پڑھیں:  نوازشریف کی موجودگی میں پارلیمنٹ میں نہیں آئیں گے، عمران خان

 قرارداد میں حکومت سے مطالبہ کیا گیا ہےکہ ’’اپوزیشن کی مشاورت سے ٹی او آرز تشکیل دیے جائیں اور عدلیہ سے پانامہ لیکس کی فوری اور غیرجانبدارانہ تحقیقات کرنے کی سفارش کرے تاکہ ملک کا پیسہ لوٹنے والوں کا احتساب کیا جاسکے‘‘۔

مزید پڑھیں:  پاناما لیکس کرپشن کی کھلی کتاب ہے، دال میں کچھ کالاہے، سید خورشید شاہ

ایوان میں رائے شماری کے دوران مسلم لیگ ن کے اراکین نے مخالفت کی جبکہ عوامی نیشنل پارٹی نے رائے شماری میں حصہ نہیں لیا تاہم تحریک انصاف، پیپلزپارٹی اور جماعت اسلامی کے اراکین نے قرارداد کی تائید کی جس کے بعد وہ منظور کرلی گئی۔

یہ بھی پڑھیں:   پاناما لیکس کی تحقیقات کیلئے پی پی کا بھی جدوجہد کا اعلان

 دوسری جانب تحریک انصاف کے چیئرمین نے ایک بار پھر وزیر اعظم کو مستعفی ہونے کا مشورہ دیتے ہوئے کہا ہے کہ ’’نوازشریف وزارتِ عظمیٰ کے منصب سے مستعفیٰ ہوں اور اپنے آپ کو احتساب کے لیے پیش کریں تاکہ ملک سے کرپشن کی لعنت کو ختم کیا جاسکے‘‘۔

انہوں نے احتساب نہ ہونے تک نوازشریف کو بطور وزیر اعظم ماننے سے انکار کرتے ہوئے کہا کہ ’’مسلم لیگ ن نوازشریف کی جگہ کسی اور کو وزیر اعظم کے عہدے پر نامزد کرے‘‘۔

1...26,58326,58426,585...30,743صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025