پیر, جون 23, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 26585

پارلیمنٹ کے بےسود اجلاس میں شرکت نہ کرنے پر قائم ہیں،عمران خان

کی طرف
ویب ڈیسک
-
0

اسلام آباد : عمران خان کا کہنا ہے مشترکہ اجلاس کے بائیکاٹ کے فیصلے پرقائم ہیں،پارلیمنٹ کے مشترکہ اجلاس سے کوئی نیا نتیجہ نہیں نکلے گا۔

تفصیلات کے مطابق پاکستان تحریک انصاف نے سماجی رابطے کی ویب سائیٹ ٹیوٹر پرجاری کیے گئے بیان میں پارلیمنٹ کے مشترکہ اجلاس میں نہ جانے کے فیصلے کا اعادہ کیا ہے۔

عمران خان کا کہنا تھا کہ پارلیمنٹ کے مشترکہ اجلاس کا بائیکاٹ کرنے کے فیصلے پر قائم ہوں،کیوں کہ پارلیمانی پارٹی کے اجلاس میں تحریک انصاف نے بھرپور طریقے سے شرکت کی اور اپنا نقطعہ نظر پیش کیا مشترکہ پارلیمنٹ اجلاس میں ایسا کیا نیا ہوگا جو پارلیمانی کمیٹی کے اجلاس میں نہیں ہوا ہو اس لیے پارلیمنٹ کے مشترکہ اجلاس کے بائیکاٹ کے فیصلے پر قائم ہوں۔

انہوں نے اپنی ٹیوٹ میں یہ سوال بھی اُٹھایا کہ کوئی بھی سیاست دان کسی ایسے شخص کو وزیراعظم کیسے تسلیم کر سکتے ہیں جو منی لانڈرنگ میں ملوث ہو؟

انہوں نے مزید کہا کہ نواز شریف منی لانڈرنگ کرنے،ٹیکس بچانے اور اثاثہ جات چھپانے کے باعث وزیر اعظم رہنے کا اخلاقی جواز کھو بیٹھے ہیں۔


اپنی ایک اور ٹیوٹ میں انہوں نے کہا کہ نواز شرفی کے پاس صرف دو راستے ہیں یا تو وہ خود کو احتساب کے لیے پیش کریں یا پھر استعفیٰ دے دیں۔

 

کارٹونز میں چھپا انسانی نفسیات کا اہم سبق

کی طرف
ویب ڈیسک
-
0

کیا آپ نے ’جادو کی جھپی‘ کے بارے میں سنا ہے؟

فلم ’منا بھائی ایم بی بی ایس‘ کے ذریعے یقیناً آپ نے اس لفظ سے واقفیت حاصل کرلی ہوگی۔ فلم میں دکھایا جاتا ہے کہ کس طرح منا بھائی کا کردار ادا کرنے والے سنجے دت مختلف لوگوں کو گلے لگا کر ان کو زندگی کی جدوجہد کا حوصلے سے سامنا کرنے میں مدد دیتے ہیں۔

ماہرین کے مطابق قریبی رشتوں جیسے والدین، بہن بھائی، شریک حیات یا دوستوں سے گلے لگنا دماغی و جسمانی طور پر مثبت اثرات مرتب کرتا ہے۔ طبی ماہرین نے باقاعدہ ریسرچ سے ثابت کیا کہ پریشانی اور ڈپریشن میں کسی عزیز کے گلے لگنا دماغی تناؤ میں کمی کرتا ہے۔

اس کے علاوہ یہ اعصاب کو پرسکون، جسمانی تکالیف میں کمی، امراض قلب میں کمی اور قوت مدافعت میں اضافہ کرتا ہے۔ گلے لگنا دو افراد کے رشتہ کے درمیان قربت میں بھی اضافہ کرتا ہے۔

یہی بات ہمیں ڈزنی موویز میں بھی نظر آتی ہے جو بچوں اور بڑوں میں یکساں مقبول ہیں۔ فلم کے آخر میں تمام مسئلے مسائل ختم ہونے کے بعد کردار آپس میں گلے ملتے ہیں جس کے بعد ان کے رشتوں میں اور بھی مضبوطی پیدا ہوجاتی ہے۔

یہاں ہم آپ کو ڈزنی موویز کی ان مشہور جھپیوں کے بارے میں بتائیں گے جو ہماری زندگی میں بھی ہمارے رشتوں کو مضبوط کرنے میں معاون ثابت ہوسکتی ہیں۔

:فروزن

2

دو بہنوں کی محبت پر مشتمل ڈزنی مووی ’فروزن‘ میں بڑی بہن ایلسا ایک جادوئی صلاحیت کی حامل ہوتی ہے جو جس چیز کو چھو لے اسے برف کا بنا دیتی ہے۔ فلم میں وہ اپنی محبت کرنے والی چھوٹی بہن انا کو بھی چھو لیتی ہے جس کے بعد وہ آہستہ آہستہ برف میں تبدیل ہونے لگتی ہے۔

دیگر کردار اس بات پر یقین رکھتے ہیں کہ جب تک انا کو کوئی محبت کرنے والا گلے نہیں لگائے گا وہ اپنی اصل حالت میں واپس نہیں آئے گی اور مستقل برف کا بنے رہنے کے باعث بالآخر مر جائے گی۔

بالکل آخر وقت میں ایلسا وہاں پہنچ جاتی ہے اور روتے ہوئے بہن کو گلے لگالیتی ہے جس کے بعد انا جاگ جاتی ہے اور اس پر سے برف کا اثر ختم ہوجاتا ہے۔ فلم میں بہنوں کی محبت کی معنویت اور گہرائی کو پیش کیا گیا ہے۔

:فائنڈنگ نیمو

4

باپ اور بیٹے کی محبت کی کہانی پر مشتمل ’فائنڈنگ نیمو‘ میں نیمو نامی ایک مچھلی کو شکاری پکڑ لیتے ہیں جس کے بعد اس کا باپ مارلن اسے ڈھونڈنے کے لیے پورے سمندر کی خاک چھان ڈالتا ہے۔

ان تھک جدوجہد اور بے شمار خطرات کا سامنا کرنے کے بعد وہ بالآخر اپنے بیٹے کو ڈھونڈنے اور اسے قید سے رہائی دلانے میں کامیاب رہتا ہے۔ اس موقع پر دونوں باپ بیٹے کا جذباتی انداز میں گلے لگنا دیکھنے والوں کے دلوں کو موم کردیتا ہے۔

:مانسٹر انک

1

فلم ’مانسٹر انک‘ خوفناک صورتوں والی عفریت کی کہانی ہے جس میں ایک بچی بو اپنے گھر سے بھاگ کر اتفاقاً ایک مانسٹر جیمز سلون سے جا ملتی ہے۔  دونوں کے درمیان گہری دوستی کا رشتہ قائم ہوجاتا ہے۔ آخر میں مانسٹر بحفاظت بو کو اس کے گھر پہنچا دیتا ہے۔

:لائن کنگ

5

ہم میں سے ہر شخص نے اپنے بچپن میں مشہور فلم ’لائن کنگ‘ ضرور دیکھی ہوگی۔ عزم و ہمت اور سمبا کی جدوجہد پر مبنی کہانی میں مختلف کردار ایک دوسرے کو گلے لگاتے اور اپنے رشتے کو مضبوط بناتے دکھائی دیتے ہیں۔

:ونی دا پوہ

3

فلم ’ونی دا پوہ‘ میں یہ زرد بھالو اپنی سب سے پسندیدہ چیز شہد کو گلے لگاتا ہوا نظر آتا ہے جس سے اندازہ ہوتا ہے کہ وہ صرف شہد کو کھانے کے چیز نہیں سمجھتا بلکہ اسے اپنی زندگی کا اہم حصہ خیال کرتا ہے۔

تو پھر کیا خیال ہے آپ کا؟ آپ نے کتنی بار جادو کی جھپی کو مؤثر پایا؟

منی لانڈرنگ،بانی ایم کیوایم پرفردجرم آج عائد ہونےکاامکان

کی طرف
ویب ڈیسک
-
0

لندن :  ایم کیوایم کے بانی کے منی لانڈرنگ کیس کی ہونے والی آج سماعت میں اسکاٹ لینڈ یارڈ کی جانب سے فرد جرم عائد کرنے یا نہ کرنے سے متعلق فیصلہ ہوگا۔

تفصیلات کے مطابق منی لانڈرنگ کیس میں آج اہم پیشرفت کا دن ہے آج کی سماعت میں اسکارٹ لینڈ یارڈ اپنی تحقیقات کی روشنی میں عدالت کے سامنے ٹھوس ثبوت رکھ کرنامزد ملزمان پرفرد جرم عائد کرنے یا نہ کرنے کی استدعا کرے گی۔

منی لانڈرنگ کیس میں بانی ایم کیوایم سمیت مرکزی رہنما طارق میر، محمد انور اور معروف صنعتکار سرفراز مرچنٹ سمیت 6 افراد نامزد ملزمان ہیں۔

ایم کیو ایم کے قائد اور شریک ملزمان پرفرد جرم عائد ہونے کی صورت میں کیس کی سماعت لندن کی عدالت میں ہوگی جس کے لیے ملزمان کو 25 اکتوبر کو عدالت کے سامنے اپنا جواب جمع کروانا ہوگا۔

یاد رہے کہ 16 ستمبر2010 میں ایم کیو ایم کے قتل ہونے والے رہنما ڈاکٹرعمران فاروق کے کیس کی تفتیش کے سلسلے میں 5 دسمبر 2013ء کو ایم کیو ایم کے قائد کی رہائش گاہ پر چھاپہ مارا گیا تھا جہاں سے اسکاٹ لینڈ یارڈ نے لاکھوں پاؤنڈز برآمد کئے تھے۔

ایم کیو ایم کے قائد اپنے گھر سے برآمد ہونے والی رقم کے قانونی ہونے پراسکاٹ لینڈ یارڈ کو تسلی نہیں کراسکے تھے،جس کے بعد اسکارٹ لینڈ یارڈ نے منی لانڈرنگ کا مقدمہ درج کیا گیا تھا اور قائد ایم کیو ایم 4 دن زیر حراست بھی رہے اور پھر طلبی پر پولیس اسٹیشن بھی حاضرہوتے رہے۔

اسکارٹ لینڈ یارڈ نے تحقیقات کا دائرہ بڑھاتے ہوئے مغربی لندن میں واقع دو گھروں پرمزید چھاپے مارکردوافراد کو حراست میں لے لیا تھا۔بعد ازاں تحقیقات میں پیشرفت کے بعد ایم کیوا یم کے قائد 3جون 2014 کو منی لانڈرنگ کے الزامات میں گرفتار کر لیے گیے اور7 جون کو اُنہیں جولائی 2014ء تک ضمانت پررہا کیا گیا۔ اسی سلسلے میں اُنہیں 14 اپریل 2015ء تک ضمانت میں توسیع مل گئی تھی ایم کیوا یم کے قائد 14 اپریل کو ضمانت ختم ہونے پر سینٹرل لندن پولیس اسٹیشن میں پیش ہوئے۔

ایک بار پھرقائد ایم کیو ایم ضمانت میں توسیع دی گئی، اس ضمن میں آخری باراُنہوں نے 26 اگست کو عدالت میں مزید پیشی کے لیے وقت مانگا تھا جو آج ختم ہور ہا ہے۔

واضح رہے عدالت نے قائد ایم کیو ایم کوپولیس اسٹیشن میں حاضری سے مستثنیٰ قراردے دیا تھا جس کے بعد عدالت نے سابقہ پیشی پراسکارٹ لینڈ یارڈ کو اپنی تحقیقات مکمل کرکے 5 اکتوبر کو ملزمان پر فرد جرم عائد کرنے یا ملزمان کو بری کرنے کے حوالے سے کارروائی کا حکم دیا تھا۔

 

روس کے 4ایم آئی 35ہیلی کاپٹرز جلد پاک فوج کے جنگی بیڑے میں شامل ہوں گے

کی طرف
ویب ڈیسک
-
0

اسلام آباد: سینیٹ کی قائمہ کمیٹی برائے دفاعی پیداوار کا کہنا ہے کہ پاک فوج کے جنگی بیڑے میں روسی ساختہ چار ایم آئی پینتیس ہیلی کاپٹرز جلد شامل ہوجائیں گے جبکہ کئی ممالک پاکستان سے جے ایف سیونٹین تھنڈر طیارے خریدنا چاہتے ہیں۔

سینیٹ کی قائمہ کمیٹی برائے دفاعی پیداوار کا ان کیمرہ اہم اجلاس ہوا، اجلاس میں بتایا گیا کہ روس کے 4ایم آئی پینتیس ہیلی کاپٹرز جلد پاک فوج کے جنگی بیڑے میں شامل ہوں گے۔

بریفنگ میں بتایا گیا کہ پاکستان کی دفاعی پیداواری صنعت عالمی معیار کی مصنوعات تیار کررہی ہے، کئی ممالک پاکستان سے جے ایف تھنڈر سیونٹین خریدنے کے خواہشمند ہیں، پاکستان ترکی کو سو مشاق طیارے فراہم کرے گا۔

اجلاس میں بتایا گیا کہ دہشتگردی میں تباہ ہونے والے اويکس طیارے کی مرمت کا کام مقامی سطح پر مکمل کرلیا گیا ہے، اراکین کو بتایا گیا بکتر بند اور اہم دفاعی مصنوعات کی خريداری پر وفاق نے قانون سازی کی ہے۔

مزید پڑھیں : پاکستان روس کے درمیان ایم آئی 35 ہیلی کاپٹر خریدنے کا معاہدہ

یاد رہے کہ گذشتہ سال اگست میں پاکستان اور روس کے درمیان ایم آئی 35 ہیلی کاپٹر کی خریداری کے معاہدے پر دستخط کردیئے گئے۔ ایم آئی 35 ہیلی کاپٹر ایم آئی 24 ہیلی کاپٹر کا جدید ترین ڈیزائن ہے جو جدید آلات سے لیس ہے، مذکورہ ہیلی کاپٹرز قبائلی علاقوں میں دہشت گردوں کیخلاف جنگ میں استعمال کیے جائیں گے۔

بالوں کو خراب کرنے والی چند وجوہات

کی طرف
ویب ڈیسک
-
0

بال ہماری شخصیت کا اہم حصہ ہیں۔ اگر ہمارے بال روکھے اور بے جان ہوں گے تو ہماری شخصیت کا مجموعی تاثر بھی خراب ہوگا۔ اس کے برعکس خوبصورت اور صحت مند بال ہماری شخصیت میں چار چاند لگاتے ہیں۔

بالوں کے خراب ہونے کی کئی وجوہات ہوتی ہیں۔ سب سے پہلے تو بالوں کی ساخت کو سمجھنا ضروری ہے تاکہ اس حساب سے بالوں کی حفاظت کی جائے۔ اگر بال خشک ہیں تو زیاہ تیل اور چکناہٹ پیدا کرنے والی چیزوں کا استعمال مناسب رہے گا۔

مزید پڑھیں: بالوں کو لمبا اور مضبوط بنانے کے 5 آسان طریقے

لیکن اگر بال چکنے ہیں تو ایسی چیزوں کا استعمال درست ہے جو چکنائی پیدا ہونے سے روکتے ہیں۔

یہاں کچھ ایسی وجوہات بتائی جارہی ہیں جو عموماً ہر طرح کی ساخت کے بالوں کو متاثر کرتی ہیں۔

:بالوں کو خراب کرنے والی وجوہات

باہر نکلتے ہوئے بالوں کو ہمیشہ ڈھانپ کر نکلیں۔ زیادہ گرمی اور دھوپ بالوں کی رنگت کو خراب کردیتی ہے۔

زیادہ شیمپو کا استعمال بالوں کو خشک اور خراب کردیتا ہے۔

مزید پڑھیں: کیا آپ کا شیمپو کچھ عرصے بعد اپنا اثر کھو دیتا ہے؟

ہیئر اسپرے اور ہیئر لوشن کا باقاعدہ استعمال بالوں کے لیے زہر ہے۔ کوشش کرنی چاہیئے کہ بالوں پر کیمیکلز کا استعمال کم سے کم کیا جائے۔

گیلے بالوں پر کنگھا کرنے سے بالوں کی جڑیں کمزور ہوجاتی ہیں اور وہ ٹوٹنے لگتے ہیں۔

کھارے پانی سے سر دھونا بھی بالوں کی صحت کے لیے نقصان دہ ہے۔

نہانے کے بعد اگر گیلے بالوں کو رگڑ کر خشک کیا جائے تو اس سے بال پھٹ جاتے ہیں اور دو منہے ہوجاتے ہیں۔

دائمی نزلہ بھی بالوں کو سفید کرنے کا سبب بنتا ہے۔

:بالوں کی نشونما کے لیے غذائیں

بال چونکہ پروٹین سے بنے ہوتے ہیں لہٰذا ایسی غذاؤں کا استعمال بالوں کے لیے مفید ہے جو پروٹین سے بھرپور ہوں۔ پروٹین حاصل کرنے کا سب سے بہترین ذریعہ انڈے اور دودھ ہیں۔

ان کے علاوہ مسور کی دال، مچھلی، سفید گوشت، دہی، پنیر، لوبیا اور سویا بین بھی پروٹین سے بھرپور ہوتے ہیں۔

جن غذاؤں میں زنک پایا جاتا ہے ان کا استعمال بڑھا دیں۔ زنک مخصوص ہارمونز میں باقاعدگی لا کر بالوں کو گرنے سے روکتا ہے۔

پالک، مچھلی، اناج، کدو، سرسوں کا بیج، مرغی کا گوشت، خشک میوہ جات زنک کے حصول کا بہترین ذریعہ ہیں۔

سالمن اور ٹونا مچھلی میں اومیگا تھری کی خاصی مقدار موجود ہوتی ہے جو آپ کے بالوں کو توانا رکھنے میں مدد دیتی ہے۔

زیادہ سے زیادہ مچھلی کھانے سے آپ کے بال گرنا نہ صرف کم ہوجائیں گے بلکہ نئے بال بھی اگنے لگیں ہیں۔

پالک آئرن اور فولک ایسڈ کا بہترین ذریعہ ہے، لہٰذا پتوں والی پالک بالوں کی نشوونما میں انتہائی مفید ہے۔

فولک ایسڈ خون کے سرخ ذرات کو پیدا کرتا ہے جو بالوں کی جڑوں تک آکسیجن کی فراہمی کو ممکن بناتا ہے۔ پالک کو باقاعدگی سے اپنی سلاد کا حصہ بنائیں۔

کشتی الٹنے سے 28 تارکینِ وطن جاں بحق

کی طرف
ویب ڈیسک
-
0

طرابلس: لیبیا کے ساحل کےقریب یورپ جانے کے خواہش مند تارکین وطن کی کشتی الٹنےسےاٹھائیس افرادجاں بحق ہوگئے، لاپتہ افراد کی تلا ش جاری ہے۔

غیرملکی خبررساں ادارےکےمطابق لیبیا میں ساحل کے قریب غیر قانونی تارکین وطن کی تین کشتیاں سمندری لہروں کی نذر ہوگئیں۔

ذرائع کے مطابق کشتیوں میں تقریباً ایک ہزارسے زائد مہاجرین سوار تھے۔غیرقانونی تارکین وطن لیبیا سے یورپ جانے کے خواہشمند تھے۔

ریسکیو اہلکاروں کے مطابق اٹھائیس افراد کی لاشیں ملی ہیں جبکہ کثیر تعداد میں مہاجرین کو بچالیا گیاہے تاہم متعدد لاپتہ افراد کی تلاش جاری ہے۔

ترک ساحل پر شامی بچے کی بے جان جسم کی تصویر نے دلوں کو لرزہ دیا*

 تارکین وطن کی متعدد کشتیاں ڈوبنے سے 700 افراد ہلاک ہوئے، یو این ایچ سی آر*

آج سے تین سال قبل آج ہی کے دن چھ ہزار کے لگ بھگ پناہ گزینوں کو سمندر کی بے رحم موجوں سے ایک ہی دن میں بچایا گیا تھا‘ اور اس واقعے میں ہونے والی ہلاکتوں کی تعداد 366 تھی۔ یہ تمام افراد لیبیا کے ساحل کے قریب تیس میل کے علاقے میں غیر قانونی طریقے سے کشتیوں میں موجود گنجائش سے زیادہ تعداد میں سفر کررہے تھے۔

اب تک لاکھوں افراد شام میں جاری خانہ جنگی کے سبب کشتیوں کے ذریعے یورپ کی جانب ہجرت کرچکے ہیں اور اس کوشش میں ہزاروں اپنی جان سے ہاتھ دھوبیٹھے ہیں۔

یاد رہے کہ گزشتہ سال ستمبر میں ترکی کے ساحل پرشامی بچے کے بے جان جسم کی تصویر نے ہر دیکھنے والی آنکھ کو اشکبار اور دلوں کو لرزہ دیا، ایلان کردی کی موت نے ترک اور یورپی عوام پناہ گزینوں کے حق میں سڑکوں پر نکلنے پر مجبور ہوگئے۔

عزیزآباد،زیرزمین ٹینک سے بھاری مقدارمیں اسلحہ برآمد

کی طرف
ویب ڈیسک
-
0

کراچی : پولیس نے چھاپہ مار کارروائی کرتے ہوئےعزیزآباد میں پانی کے زیر زمین ٹینک سے بھاری مقدارمیں اسلحہ برآمد کرلیا۔

gun-post-4

تفصیلات کے مطابق حساس اداروں کی پولیس نے مذکورہ کارروائی گزشتہ رات عزیز آباد کے علاقے میں لال قلعہ گراؤنڈ کے قریب واقع ایک گھر میں کی گئی اسلحہ زیر زمین ٹینک میں چھپایا گیا تھا جسے دہشت گردی کیلئے استعمال کیا جانا تھا۔

gun-post-3

پولیس ذرائع کا کہنا ہے کہ اسلحے میں اینٹی ایئر کرافٹ گنز، اسنائپر رائفلیں، بولٹ پروف جیکٹس، ایس ایم جی ، ایل ایم جی، دستی بم، رائفلیں ، ہیلمٹ ، بڑی مقدار میں گولیاں اور راکٹ لانچر سمیت دیگر اسلحہ برآمد کیا ہے جسے  چار ٹرکوں میں ڈی آئی جی کے دفترمنتقل کیا جارہا ہے۔

gun-post-2

پولیس کا کہنا ہے کہ اسلحہ ایک سیاسی جماعت کا ہے جسے دہشت گردی کیلئے استعمال کیا جانا تھا تا ہم کارروائی کے دوران کسی ملزم کی گرفتاری عمل میں نہیں آئی ہے سرچ آپریشن کے بعد اسلحہ کو منتقل کرنے کے لیے چار ٹرک منگوالیے گئے ہیں۔

gun-post-1

پولیس ذرائع کا کہنا ہے کہ یہ اسلحہ محرم الحرام کے مہینے میں فرقہ ورانہ دہشت گردی کی کارروائیوں میں استعمال کیا جانا تھا تا ہم حساس اداروں کی پیشگی اطلاع پر کی گئی کارروائی کے نتیجے میں کراچی کو دہشت گردی کی بڑی کارروائی سے بچالیا گیا ہے۔

آئی جی سندھ کی میڈیا سے گفتگو


دوسری جانب آئی جی سندھ مشتاق مہر نے میڈیا سے گفتگو کرتے ہوئے کہا کہ شہر سے مزید اسلحے کی برآمدگی اور گرفتاریاں متوقع ہیں۔ انہوں نے شہریوں سے درخواست کی کہ وہ ایسی کوئی بھی مشکوک سرگرمی دیکھیں تو فوری طور پر پولیس کو اطلاع دیں۔

ان کا کہنا تھا، ’لندن میں مقیم کچھ عناصر را کی مدد سے کراچی میں بدامنی پیدا کرنا چاہتے ہیں۔ اس عمل میں ساؤتھ افریقہ کی ٹیم کی مدد بھی شامل ہے‘۔

Karachi Large consignment of arms captured by arynews

آئی جی سندھ نے چھاپہ مارنے والی پولیس پارٹی کے لیے 10 لاکھ روہے انعام کا اعلان بھی کیا۔ انہوں نے بتایا کہ برآمد ہونے والے اسلحہ میں سرکاری اور نیٹو کا اسلحہ بھی شامل ہے۔

کراچی: ۔ مختلف علاقوں میں سرچ آپریشن، 40سے زائد افراد گرفتار

کی طرف
ویب ڈیسک
-
0

کراچی: قانون نافذ کرنیوالے اداروں نے جرائم پیشہ عناصر کے گرد گھیرا مزید تنگ کردیا، مختلف علاقوں میں سرچ آپریشن کے دوران سنگین جرائم میں ملوث چالیس سے زائد مشتبہ افراد کو گرفتار کرکے اسلحہ اور منشیات برآمد کرلی۔

کورنگی زمان ٹاوٴن میں پولیس نے مقابلے کے بعد تین ملزمان کو گرفتار کرلیا، شاہ محمد شاہو، رمضان اورکامران سے کلاشنکوف، رپیٹر اور دستی بم برآمد ہوا۔ پولیس کے مطابق ملزمان سنگین جرائم میں ملوث ہیں۔

لیاری کے مختلف علاقوں میں پولیس نے سرچ آپریشن کے دوران بیس مشتبہ افراد کو حراست میں لے لیا، بلوچ کالونی میں پولیس نے تین ملزمان کو گرفتار کرکے اسلحہ برآمد کرلیا، پولیس کا کہنا ہے کہ ملزمان ڈکیتی کی وارداتوں میں ملوث ہیں۔

رات گئے بلدیہ ٹاؤن کے مختلف علاقوں میں پولیس نے جرائم پیشہ افراد کے خلاف سرچ آپریشن کیا، علاقے کے داخلی و خارجی راستے بند کرکے گھر گھر تلاشی کے بعد پندرہ مشتبہ افراد کو حراست میں لیا گیا۔

بوٹ بیسن کے علاقے سے پولیس نے ڈکیتی اور قتل میں ملوث ملزم شاہد خان کو گرفتار کرکے اسلحہ برآمد کرلیا، پولیس کے مطابق گرفتار ملزم چالیس لاکھ کی ڈکیتی میں ملوث تھا جبکہ ملزم نے ڈیفنس کے علاقے میں ڈکیتی کے دوران اپنے ساتھی کو قتل کیا تھا، لیاقت آباد سپر مارکیٹ سے پولیس نے دو ملزمان کو گرفتار کرکے اسلحہ اور منشیات برآمد کرلیں ۔

اب کشمیریوں کا کفن بھی پاکستانی پرچم ہوگا، اہلیہ یاسین ملک

کی طرف
ویب ڈیسک
-
0

لاہور : حریت رہنما یاسین ملک کی اہلیہ مشال ملک کا کہنا ہے کہ مودی اور بھارت کا چہرہ دنیا کے سامنے بے نقاب ہو گیا ہے، آر ایس ایس کا دہشت گرد ونگ کشمیریوں کا قتل عام کر رہا ہے۔

لاہور میں وویمن چیمبر آف کامرس اینڈ انڈسٹری کی جانب سے مظلوم کشمیری عوام سے اظہار یکجہتی کے لیے ہونے والے مظاہرے کی قیادت کرتے ہوئے مشال ملک نے کہا کہ مقبوضہ کشمیر میں مظالم حد سے بڑھ گئے ہیں، کشمیری اپنا حق مانگ رہے ہیں اور پاکستانی قوم انہیں کبھی تنہا نہیں چھوڑے گی۔

مشال ملک نے کہا کہ پیلٹ گن سے معصوم بچوں کے جسم چھلنی کیے جارہے ہیں، دو سو خواتین کی عصمت دری کی گئی ہے، عالمی دنیا بھارت کا بائیکاٹ کرے ۔

انھوں نے کہا کہ پاکستان کا بچہ بچہ مظلوم کشمیریوں کے ساتھ ہے ، اب ہمارا کفن پاکستانی پرچم ہے۔

مشال ملک نے کہا کہ انکے شوہر کی زندگی کو شدید خطرات لاحق ہیں، انسانی حقوق کی تنظیموں کو مداخلت کے لیے خطوط لکھ دیئے ہیں۔

مزید پڑھیں : بھارت دہشت گرد ملک ہے،مشال ملک

اس سے قبل بھی حریت پسند رہنما یاسین ملک کی اہلیہ مشال ملک نے بھارت کو دہشت گرد ملک قرار دیتے ہوئے کہا ہے کہ بھارت کئی دہائیوں سے مقبوضہ کشمیر میں دہشت گردی کررہا، بھارت پاکستان پر جنگ مسلح کرنا چاہتا ہے تاکہ مسئلہ کشمیر دنیا کی نظروں سے اوجھل رہے۔

امریکہ،نائب صدرمباحثہ کے درمیان تلخ کلامی

کی طرف
ویب ڈیسک
-
0

نیویارک : امریکا میں صدارتی انتخابات کی مہم مرحلہ وار آگے بڑھ رہی ہے،نائب صدورکے لیے امیدواروں نے اپنے اپنے منشور کے حق میں اور مد مقابل امیدوارپرتنقید کے نشترچلائے۔

ریاست ورجینیا میں ہونے والا دلچسپ بحث و مباحثہ ری پبلکن پارٹی کے صدارتی امیدوار ڈونلڈ ٹرمپ کے نائب مائیک پنس اور ڈیموکریٹیک پارٹی کی جانب سے صدارتی امیدوار ہلری کلنٹن کے نائب ٹم کین کے درمیان تھا۔

vp-debate-post-1

دونوں نائب صدور نے اپنے اپنے صدر کی حمایت گرم گرما دلائل دیے اور مدمقابل کو کڑی تنقید سے پچھاڑنے کی کوشش کی اس دوران نائب صدور کے درمیان ہونے والا بحث و مباحثہ طول پکڑ گیا اور بات تلخ جملوں کے تبادلے تک جا پہنچی۔

اسی سے متعلق : پہلے صدراتی مباحثےمیں ہیلری اور ٹرمپ کے درمیان گرماگرمی

نائب ریپبلکن صدارتی امیدوار مائیک پنس نے تبدیلی کانعرہ لگاتے ہوئے کہاکہ امریکی عوام جانتےہیں اب تبدیلی کا وقت آگیا ہے امریکی عوام ملک میں حقیقی تبدیلی دیکھنا چاہتے ہیں جو کہ انہیں ڈونلڈ ٹرمپ کی صورت میں نظر آتی ہے۔

صدارتی امیدوارڈونلڈٹرمپ کے نائب مائیک پنس نے کہاکہ ٹرمپ کا اولین کا منصوبہ غیرقانونی امیگریشن سے نمٹناہے اس کے لیے ملک کوکرمنل جسٹس ریفارم کی ضرورت ہے اور تمام غیر قانونی مہاجرین کو ملک سے بیدخل کردیا جائے گا۔

یہ پڑھیے : ہیلری کلنٹن کا خفیہ ہتھیار: پاکستانی نژاد مسلمان ہما عابدین

ڈونلڈ ٹرمپ کے متوقع نائب صدر نے کہا کہ ہمیں سانحات پرسیاست سے گریز کرنا ہوگا اور ملکی مفاد کو تماتر سیاسی مہمات سے بالاتر رکھنا ہو گا۔

vp-debate-post-2

ہلری کلنٹن کے نائب صدر ٹم کین نے اس موقع پرکہا کہ ہلیری کلنٹن کے نائب صدر کے طور پر انتخاب لڑنا میرے لیے اعزاز ہے،ہلیری کلنٹن پُرعزم اوربا اعتماد سیاست دان ہیں جن کی قائدانہ صلاحیتوں پرمکمل اعتماد کرتا ہوں۔

انہوں نے کہا کہ ہلری کلنٹن عوام کی خدمت پریقین رکھتی ہیں ہلیری خود پردوسروں کو ترجیع دیتی ہیں وہ مغرور نہیں جب کہ ڈونلڈٹرمپ احساس برتری میں مبتلا ہیں اور دوسروں پرخود کوترجیح دینے کے مرض میں مبتلا ہیں۔

یہ بھی پڑھیں : امریکی صدارتی امیدوارڈونلڈ ٹرمپ ٹیکس نادہندہ نکلے

ٹم کین نے ڈونلڈ ٹرمپ کے نفرت آمیز بیانات کی مذت کرتے ہوئے کہا کہ ٹرمپ نے قوم سے اتنا بڑاجھوٹ بولا کہ صدراوباما امریکی شہری ہی نہیں ہے۔

اس دوران دونوں نائب صدور کے درمیان تند و تیز جملوں کا تبادلہ ہوا جس کے باعث پروگرام میں کچھ تلخی پیدا ہوگئی اور بات نوک جھوک تک جا پہنچی تا ہم پروگرام کی میزبان نے دونوں امیدواروں کو اپنا اپنا موقف پوری طرح پیش کرنے کا موقع دیا۔

 

1...26,58426,58526,586...30,742صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025