دنیا میں ہر انسان کا ہم شکل کہیں نہ کہیں موجود ہوتا ہے۔ ایسے افراد ہمیں عام زندگی میں بھی نظر آتے ہیں۔ کچھ مشہور شخصیات بھی ایک دوسرے سے مشابہہ ہوتی ہیں۔

کچھ افراد ایسے بھی ہوتے ہیں جو شکلاً کسی مشہور شخصیت سے مشابہ ہوتے ہیں اور ایسے لوگوں کی چاندی ہوجاتی ہے۔ انہیں ٹی وی پر مختلف پیروڈی پروگرامز میں مدعو کرلیا جاتا ہے جبکہ لوگ دھوکے کا شکار ہو کر ان کے ساتھ تصویریں بھی کھنچوانے لگتے ہیں۔

ہالی ووڈ اور بالی ووڈ میں بھی کچھ ایسے ہی فنکار موجود ہیں جو ایک جیسے لگتے ہیں۔ الگ الگ خطوں میں پیدا ہونے کے باعث ان میں بالوں اور آنکھوں کا رنگ تو مختلف ہوتا ہے تاہم مجموعی طور پر وہ ایک دوسرے سے مشابہہ ہوتے ہیں۔

ہم نے ایسے ہی کچھ ہم شکل ہالی ووڈ اور بالی ووڈ فنکاروں کی تصویروں کو جمع کیا ہے۔

پیرس ہلٹن اور کرینہ کپور۔

این ہیتھ وے اور دیا مرزا۔

بریڈلے کوپر اور ریتھک روشن۔

ہیڈن پینٹیئر اور پرینیتی چوپڑا۔

 چارلی شین اور جیتندر۔

مارک روفیلو اور ابھے دیول۔

انجیلنا جولی اور ایشا گپتا۔

ٹام ہینکس اور عامر خان۔

ایرینا شائیک اور دپیکا پڈوکون۔

ڈریو بیری مور اور پریٹی زنٹا۔

ماہرین کا کہنا ہے کہ اگر آپ ان چند خوش قسمت افراد میں سے ہیں جو اپنی پسند کا کام کرتے ہیں، یا آپ کا شوق ہی آپ کا پیشہ ہے تو ایسے کام سے آپ کبھی نہیں اکتاتے، اور اس میں کامیابی کی بلندیوں کو چھو لیتے ہیں۔

لیکن ہر شخص اتنا خوش قسمت نہیں ہوتا۔ بعض دفعہ شوق کو ایک طرف رکھ کر مجبوراً ملازمت کرنی پڑتی ہے۔ لیکن ایسی ملازمتیں آپ کی زندگی کو اکتاہٹ اور بے مقصدیت سے بھر دیتی ہیں۔

ماہرین کا ماننا ہے کہ آگر آپ اپنی ملازمت کے دوران ان 5 چیزوں کا مشاہدہ کریں تو فوراً سے بیشتر اس ملازمت کو چھوڑ کر کوئی نئی ملازمت ڈھونڈیں۔ وہ 5 چیزیں کیا ہیں؟ آئیے جانتے ہیں۔

:ایک ہی جگہ پر رہنا

اگر آپ ایک عرصے سے کسی ادارے میں کام کر رہے ہیں، اور نہ ہی تو آپ کی پوزیشن میں تبدیلی آئی، نہ ہی تنخواہ میں اضافہ ہوا تو جان لیں کہ آپ وہاں وقت ضائع کر رہے ہیں۔ مستقل ایک ہی پوزیشن پر کام کرنا آپ کی صلاحیتوں کو زنگ لگا دیتا ہے اور آپ محدود ہوجاتے ہیں۔

:کوئی ردعمل نہ ملنا

اگر آپ کے باس یا انچارج کی جانب سے آپ کے کام پر کوئی ردعمل یا آرا نہیں مل رہیں تو اس کا مطلب ہے کہ آپ کو یہ ملازمت چھوڑ دینی چاہیئے۔ یاد رکھیں آپ کے کام پر تنقید یا تعریف کا مطلب ہے کہ آپ کے کام کو دیکھا جارہا ہے۔

لیکن اگر آپ کو اپنے ساتھیوں یا باس کی جانب سے کوئی ردعمل نہیں مل رہا تو اس کا مطلب ہے کہ آپ کو نظر انداز کیا جارہا ہے۔

:سیکھنے کا عمل ختم

اگر آپ کو لگتا ہے کہ آپ اپنی ملازمت سے مزید کچھ نہیں سیکھ پا رہے تو آپ کو نئی ملازمت ڈھونڈنے کے لیے نکلنا چاہیئے۔ ضروری نہیں کہ آپ ہر روز کچھ نیا سیکھیں۔

لیکن یہ ضروری ہے کہ ہر ماہ کے اختتام پر آپ اپنی معلومات اور علم میں پچھلے ماہ سے اضافہ محسوس کریں۔ اگر ایسا نہیں ہے تو جان جائیں کہ آپ اپنا وقت ضائع کر رہے ہیں۔

:ادارے میں تبدیلیاں

اگر آپ کے ادارے یا شعبہ میں ہر ماہ یا ہر ہفتہ نئی تبدیلیاں متعارف کروائی جارہی ہیں، پچھلی اصلاحات کو ختم کرکے نئی اصلاحات لائی جارہی ہیں، یا واپس پرانی اصلاحات کو نافذ کیا جارہا ہے تو اس کا مطلب ہے کہ آپ کا شعبہ اچھی لیڈر شپ سے محروم ہے۔

اسی طرح شعبہ کے سربراہان یا باسز کی بار بار تبدیلی بھی اچھا عمل نہیں لہٰذا ایسے ادارے سے نکلنا ہی بہتر ہے۔

:نئے مواقع

اگر آپ ان تمام چیزوں کا مشاہدہ نہیں کرتے، تب بھی نئے مواقعوں کو نظر انداز مت کریں۔ اپنی متعلقہ فیلڈ سے متعلق مارکیٹ میں ہونے والی سرگرمیوں پر نظر رکھیں اور نئے مواقع حاصل کرنے کی کوشش کریں۔

اگر آپ اپنا ادارہ نہیں چھوڑنا چاہتے تب بھی موجودہ ادارے میں رہتے ہوئے جز وقتی ملازمت کریں۔ اس سے آپ کی صلاحیت اور تجربے میں اضافہ ہوگا۔