ذرائع کا کہنا ہے کہ پاکستان کی سب سے بڑی لیگ پی ایس ایل 10کے بقیہ میچز کراچی منتقل کئے جانے کا امکان ہے۔
تفصیلات کے مطابق چیئرمین پی سی بی محسن نقوی سے پی سی بی حکام نے ملاقات کی ہے، ملاقات میں پی ایس ایل کے میچز جاری رہیں گے یا نہیں اس سے متعلق اجلاس ہوگا۔
ذرائع نے یہ بھی بتایا کہ آج راولپنڈی اسٹیڈیم میں ہونیوالا کراچی اور پشاور کے درمیان میچ ری شیڈول ہونے کا امکان ہے جبکہ پی ایس ایل ٹین کے بقیہ میچز کراچی منتقل کرنے کا امکان ہے۔
پاک بھارت کشیدگی سے متعلق تمام خبریں
دوسری جانب پی ایس ایل میں شامل انگلش کھلاڑی پاکستان میں سیکیورٹی انتظامات سے مطمئن ہیں۔
برطانوی اخبار کا کہنا ہے انگلش کھلاڑی پی ایس ایل کھیلتے رہیں گے، جیمز ونس، ٹام کَرن، سیم بلنگز، کرس جارڈن، ڈیوڈ ولی، لوک ووڈ اور ٹام کوہلر کیڈمور بھی پاکستان سپر لیگ کا حصہ ہیں۔
پی ایس ایل کا جاری دسواں ایڈیشن اپنے آخری مرحلے کے قریب ہے، صرف چار ناک آؤٹ میچز اور چار پلے آف میچز باقی ہیں۔
