خوبصورت قدرتی مناظر ہر ایک کی توجہ مبذول کراتے ہیں، آپ کے سامنے موجود خوبصورت وادی کی تصویر ہے، صرف 10 سیکنڈ میں بتانا ہے کہ یہ وادی ہے یا کچھ اور؟

یہ ایک حقیقت ہے کہ ایک عام انسانی دماغ چیزوں یا تصویروں کو مختلف طریقے سے دیکھ سکتا ہے جو ہر زاویے سے ایک ایک نیا تاثر پیش کرتا ہے، آپٹیکل الیوژن یعنی بصری دھوکا دیتی تصاویر بھی نفسیاتی تجزیے کے شعبے کا ایک حصہ ہے کیونکہ وہ اس بات پر روشنی ڈالتے ہیں کہ آپ سامنے نظر آنے والی چیزوں کو کیسے سمجھتے ہیں۔

سوشل میڈیا پر وائرل ہونے والی نظری دھوکے پر مبنی پہیلیاں بوجھنا دلچسپ مشغلے کے ساتھ آپ کے آئی کیو لیول کو جانچنے کا ایک تفریحی طریقہ بھی بن چکا ہے جو آج کل انٹرنیٹ صارفین میں بہت زیادہ مشہور ہو رہا ہے۔

ایسی ہی بصری دھوکے پر مبنی ایک اور پہیلی آج آپ کے پیش خدمت ہے جس میں آپ نے وادی کے خوبصورت منظر کی حقیقت کو تلاش کرنا ہے اور وہ بھی 10 سیکنڈ میں، صرف ذہین افراد ہی یہ ٹاسک پورا کرسکیں گے۔

یہ ہم نہیں کہہ رہے بلکہ جس نے پہیلی نما یہ تصویر بنائی ہے اس کا دعویٰ ہے۔

یہاں نظر آنے والی تصویر یا پینٹنگ ایک خوبصورت وادی کی پرانی تصویر لگتی ہے جس میں پہاڑ، گھاٹیاں، روزمرہ کے کام سرانجام دیتے لوگ ودیگر چیزیں نظر آتی ہیں لیکن کیا جو نظر آیا حقیقت میں وہی ہے؟

تصویر دوبارہ دیکھیں اور بتائیں کہ کیا آپ کو اس خوبصورت منظر نامے میں گم ایک اہم چیز تلاش کرنی ہے؟ اگر آپ نے دس سیکنڈ میں تلاش کرلیا تو آپ کا شمار دنیا کے ذہین افراد میں کیا جاسکتا ہے دوسری صورت میں آپ اوسط ذہن کے مالک بھی ہوسکتے ہیں۔

حقیقت کو تلاش کرنا مشکل ہونے کے ساتھ بہت ہی آسان ہے، آپ سوچیں گے کہ مشکل کے ساتھ آسان کس طرح؟ تو جناب اگر آپ پہیلی نہ بوجھ سکے اور ہم نے آپ کو اس کا جواب بتایا تو یقیناً پھر آپ یہ کہہ اٹھیں گے کہ یہ تو بہت آسان تھا۔

اگر اب بھی آپ کو انسانی چہرہ نظر نہیں آیا تو اپنے موبائل فون کو 90 کے زاویے تک موڑیے، نہیں سمجھے تو موبائل کو تھوڑا ترچھا کر لیجیے اور اب دوبارہ دیکھیے کیا نظر آیا انسانی چہرہ۔۔۔

جی ہاں کچھ لمحے پہلے جو تصویر آپ کو وادی نظر آرہی تھی صرف موبائل تھوڑا ترچھا کرکے دیکھنے سے یہ منظر جادو کی طرح اچانک تبدیل ہوجاتا ہے کہ آپ کو اپنی آنکھوں پر یقین نہیں آتا، آپ کو ایسا کرنے کی صورت میں وادی کی جگہ ایک آدمی کا دیو ہیکل چہرہ نظر آجاتا ہے۔

تصویر میں موجود درخت آدمی کے سر کے بال اور داڑھی بن جاتے ہیں، پہاڑ پیشانی کا روپ دھار لیتے ہیں، سیڑھیاں آدمی کے کان جب ک وادی پر دیوار آدمی کا منہ بن جاتی ہے جب کہ دیگر چھوٹی چھوٹی اشیا چہرے کے نقش ونگار کو واضح کرنے کا سبب بنتی ہیں۔

تو تھی نا یہ انتہائی مشکل مگر آسان پہیلی، آپ کو کیسی لگی، کمنٹس سیکشن میں ضرور بتائیے گا۔