کراچی: انڈونیشیا کی نجی ایوی ایشن کمپنی کا طیارہ تین ہفتے سے کراچی ایرپورٹ پر پھنس گیا جس کا پی آئی اے کی انجینئرنگ ٹیم معائنہ کر رہی ہے۔
ذرائع کے مطابق اے ٹی آر طیارے نے 3 ہفتے قبل کراچی ایرپورٹ پر ری فیولنگ کیلیے لینڈ کیا تھا۔ سی اے اے حکام کے مطابق طیارے کا انجن نمبر ون خراب ہوا تھا جبکہ مرمت کے بعد یہ واپس روانہ ہو جائے گا۔
خراب ہونے والا طیارہ انڈونیشیا سے متحدہ عرب امارات جا رہا تھا۔ کمپنی نے طیارے کی مرمت کیلیے پی آئی اے سے مدد لی ہے جبکہ اس کا کریو جکارتہ روانہ ہو گیا تھا۔
ایشیاکپ سے باہر ہونے کے بعد پاکستان ٹیم سے نمبرون رینکنگ بھی چھن گئی۔
جمعرات کو کولمبو میں 2023 ایشیا کپ کے سیمی فائنل میں سری لنکا کے ہاتھوں شکست نے پاکستان کو تنزلی سے تیسرے نمبر پر پہنچا دیا۔
پاکستان کی ہار پر ہندوستان کی ٹیم رینکنگ میں دوسری پوزیشن پہنچ گئی۔
آسٹریلیا اس وقت 118 پوائنٹس کے ساتھ سرفہرست ہے لیکن اسے رینکنگ میں بھارت کے سخت چیلنج کا سامنا ہے کہ جو دو پوائنٹس کے معمولی فرق کے ساتھ دوسرے نمبر پر موجود ہے۔
پاکستان جو کبھی اسٹینڈنگ میں سرفہرست تھا اب 115 کی ریٹنگ کے ساتھ تیسرے نمبر پر ہے۔
جنوبی افریقہ کے خلاف اپنی جاری سیریز کے تیسرے ون ڈے میں آسٹریلیا کے حالیہ اپ سیٹ نے ہندوستان کو نمبر ایک پوزیشن دوبارہ حاصل کرنے کا سنہری موقع فراہم کیا ہے یہ ٹائٹل اس سال کے شروع میں 22 مارچ تک ان کے پاس تھا۔
14 ستمبر 2023 کو آئی سی سی کی تازہ ترین ون ڈے رینکنگ میں آسٹریلیا پہلے اور ہندوستان کو دوسرے نمبر پر رکھا گیا ہے۔
خیبر : پاکستان اور افغانستان کے درمیان طورخم سرحد ی راہداری کو نو روز کی بندش کے بعد ہر قسم کی آمدورفت کے لیے کھول دیا گیا۔
بارڈر حکام کے مطابق طورخم سرحد کو نو روز بعد جمعہ کے دن ہر قسم آمدورفت کے لیے کھول دیا گیا ہے اور بارڈر پر گاڑیوں کی کلئیرنس کا عمل شروع کر دیا گیا ہے۔
بارڈر حکام کے مطابق طورخم سرحد پر گاڑیاں رواں دواں ہیں اور متعدد گاڑیاں بارڈر کراس کرکے افغانستان میں داخل ہو گئی ہیں جبکہ پیدل آمدورفت بھی بحال کر دی گئی ہے۔
بارڈر حکام کے مطابق طورخم سرحد بند ہونے کی وجہ سے پاکستان میں پھنسے سینکڑوں افغان باشندے اپنے وطن جبکہ افغانستان میں پھنسے سینکڑوں پاکستانی واپس ملک میں داخل ہو گئے ہیں۔اس موقع پر طورخم سرحد پر سیکورٹی کے انتہائی سخت انتظامات کیے گئے ہیں ۔
خیبر کے اسسٹنٹ کمشنر ارشاد خان محمد کے مطابق ٹرکوں کی کلیئرنس کا عمل جاری ہے اور افغان شہری کلیئرنس اور امیگریشن کے عمل سے گزرنے کے بعد افغانستان میں داخل ہو رہے ہیں۔
یاد رہے کہ طورخم بارڈر کراسنگ دونوں ملکوں کے درمیان ایک بڑی گزرگاہ ہے جس کے قریب ایک افغان چوکی کی تعمیر تنازعے کا باعث بنی۔ پاکستان کو اس ضمن میں مسائل کا سامنا رہا ہے اور حال ہی میں آرمی چیف نے اسمگلنگ اور ٹیکس چوری کے خلاف کارروائی کے ذریعے معیشت کو بہتر بنانے کے عزم کا اظہار کیا ہے۔
اسلام آباد : سابق وزیر دفاع خواجہ آصف نے دعویٰ کیا کہ افغانستان سے مریضوں کےتیماردار کےلبادےمیں دہشت گرد پاکستان آرہے ہیں۔
تفصیلات کے مطابق سابق وزیر دفاع خواجہ آصف کی جانب سے پاک افغان سرحد کے حوالے سے بیان میں کہا گیا ہے کہ افغانستان کیساتھ مسائل مریضوں کی آمدورفت اورتجارت تک محدود نہیں، مسائل اہم نوعیت کے ہیں، سر فہرست افغان سرزمین کاپاکستان کیخلاف دہشت گردی کیلئے استعمال ہے۔
خواجہ آصف کا کہنا تھا کہ ٹی ٹی پی کابل کی اتحادی ہے،ہمسایہ ہونےکےناطےافغانستان کافرض ہےامن کی ضمانت ،فروغ یقینی بنائیں،خیر سگالی اور نیک خواھشات یکطرفہ نہیں ہوسکتیں۔
سابق وزیر دفاع نے کہا کہ مریضوں کےتیماردار کےلبادےمیں دہشت گرد پاکستان آر ہےہیں، پاکستان کی افواج اورشہری شہید ہو رہےسارےپس منظر کو سامنے رکھنے کی ضرورت ہے۔
افغانستان کیساتھ مسائل مریضوں کی آمد و رفت اور تجارت تک محدود نہیں۔ مسائل بہت سیریس نوعیت کے ھیں اور اسوقت سر فہرست افغان سرزمین کا پاکستان کیخلاف دھشت گردی کیلئے استعما ل ھے۔ TTP کابل کی اتحادی ھے۔ اور برادر ھمسایہ ھونے کے ناطے افغانستان کا فرض ھے کہ وہ امن کی ضمانت اور فروغ… https://t.co/DGbAlbLMsr
— Khawaja M. Asif (@KhawajaMAsif) September 15, 2023
اسلام آباد: نگراں وزیر توانائی محمد علی کا کہنا ہے کہ جیسے جیسے روپے کے مقابلے میں ڈالر نیچے آئے گا پیٹرولیم مصنوعات کی قیمتیں کم ہونا شروع ہو جائیں گی۔
نگراں وفاقی وزرا کے ہمراہ نیوز کانفرنس کرتے ہوئے محمد علی نے کہا کہ پیٹرولیم مصنوعات کی قیمتوں کا میکنزم ہر ماہ کی 15 اور 30 تاریخ کو ریوائز ہوتا ہے، اوگرا پیٹرولیم مصنوعات کی قیمتوں کو دیکھتا ہے۔
وزیر توانائی نے کہا کہ اگر وسائل استعمال کیے ہوتے تو آج ہمارے پاس اپنی گیس اور تیل ہوتا، ہم 70 فیصد پیٹرول امپورٹ کرتے ہیں، عالمی منڈی سے جتنے کا پیٹرول خریدیں گے آگے اتنے کا ہی دیں گے۔
انہوں نے کہا کہ گزشتہ حکومت نے مارجن کے حوالے سے معاہدہ دستخط کیا تھا، اگر ڈالر کنٹرول نہ ہوتا تو پیٹرول کی قیمت پر اس کا اثر پڑتا ہے۔
قومی ٹیم کے نوجوان فاسٹ بولر زمان خان کے حق میں سوشل میڈیا صارفین بول پڑے۔
ایشیا کپ کے سپر فور مرحلے کے اہم میچ میں دفاعی چیمپئن سری لنکا نے پاکستان کو سنسنی خیز مقابلے کے بعد دو وکٹوں سے شکست دے کر فائنل کے لیے کوالیفائی کرلیا۔
سری لنکا اور بھارت کے درمیان ایشیا کپ کا فائنل اتوار کو کولمبو میں کھیلا جائے گا۔
ایشیا کپ پاکستان کا سفر تمام ہوگیا لیکن سری لنکا کے خلاف آخری اوور کرنے والے فاسٹ بولر زمان خان نے سوشل میڈیا صارفین کے دل جیت لیے۔
سری لنکا کو آخری اوور میں 6 گیندوں پر 8 رنز درکار تھے۔ زمان خان نے 8 رنز بھی سری لنکا کے لیے مشکل بنادیے تھے اگر ایج پر چوکا نہیں لگتا تو نتیجہ مختلف ہوتا۔
زمان خان شکست کے بعد جذبات پر قابو نہ رکھ سکے اور رونے لگے جس کے بعد شاہین آفریدی ودیگر کھلاڑیوں نے انہیں گلے لگا کر تسلی دی۔
سوشل میڈیا پر قومی ٹیم کو ناقص فیلڈنگ اور بولنگ کے باعث تنقید کا نشانہ بنایا جارہا ہے وہیں زمان خان کی تصویر شیئر کرتے ہوئے صارفین ان کی بولنگ کی تعریف کررہے ہیں۔
زمان خان کے حق میں صارفین نے لکھا کہ تو ہیرو لڑکے، کوئی بات نہیں، کسی صارف کا کہنا ہے کہ ’میچ ہار گئے لیکن اسٹار بولر پیدا ہوگیا ہے۔
توہیرو ہے لڑکے کوئی بات نہیں❤
تو جیت گیا ہے✌
Nation Proud of U 👏 #ZamanKhan pic.twitter.com/1Y5cLZkot1— Rabia Khan (@RabiaKhanPMLN) September 15, 2023
آئیے زمان خان کے حق میں شیئر کی دیگر میمز پر نظر ڈالتے ہیں۔
“Kuch der ki khamoshi hai, phir shor ayega,
Tumhara sirf waqt aya hai. Humara dor ayega.”#PakistanCricket #PAKvsSL #ZamanKhan pic.twitter.com/R5rLyGw3j4— Aarz-e-ishq (@Aarzaai_Ishq) September 14, 2023
Zaman khan Last over thriller 😫💔#Zamankhan #Lastover #PAKvsSL #Asiacup2023 pic.twitter.com/aGQVU1hWMR
— YT Empire (@rdrider7860) September 15, 2023
The man of nerves,death over specialist. Well played Zaman Khan. Incredible bowling. Chin Up! We are proud of you. #ZamanKhan #SLvsPak #AsiaCup2023 pic.twitter.com/VW5CJTWhHQ
— Dr. Shaista Lodhi (@IamShaistaLodhi) September 14, 2023
Koi Mushkil Kam ni tha mankad kr k match jeetna qk Mahesh theekshana Injured tha or Ye last wicket the .Ye hota h grace @IrfanPathan bhaii. #PAKvSL #ZamanKhan Welldone my boy❤️🇵🇰 pic.twitter.com/YbAsaINff0
— Faisal Hanif🏏 (@BABAR_ARMY_56) September 14, 2023
You Gave your 100% You was Just Unlucky, Stay Strong Champion♥️🙌.#ZamanKhan #PAKvsSL #PAKvSL #SLvPAK pic.twitter.com/p5iQvt5SlO
— Shaharyar Ejaz 🏏 (@SharyOfficial) September 14, 2023
A match lost. A star born. 🌟
Did a great job, Zaman Khan !
What a match 🫶#PAKvsSL #SLvPAK #AsiaCup2023 pic.twitter.com/MUvcvB5Us9— Maham Gillani (@dheetafridian__) September 14, 2023
لاہور : پیپلزپارٹی نے ن لیگ اور جے یو آئی کی پی پی مخالف بیان بازی کی مذمت کردی ، ارکان نے مخالفین کو بھرپور جواب دینے کا مطالبہ کیا تو قیادت نے بھی گو ہیڈ دے دیا۔
تفصیلات کے مطابق پیپلزپارٹی کی مرکزی مجلس عاملہ اجلاس کی اندرونی کہانی سامنے آگئی ، اجلاس ارکان نے ن لیگ جے یو آئی ف کے خلاف شکایتوں کے انبار لگا دیے۔
ذرائع نے بتایا کہ اراکان نے ن لیگ اور جے یو آئی کی جانب سے تنقید پرشدید برہمی کا اظہارکیا، ارکان کا کہنا تھا ن لیگ اور جے یوآئی ف منصوبہ بندی سےپی پی مخالف مہم چلا رہے ہیں، سیاسی مخالفین کواینٹ کاجواب پتھر دینا ہوگا۔
ارکان نے قیادت سے تنقید کا جواب دینےکی اجازت مانگی تو قیادت نے بھی تنقید کا بھرپورجواب دینے کی ہدایت کردی۔
پی پی نے فضل الرحمان کے پی پی مخالف بیانات افسوسناک قراردیا، سی ای سی کا کہنا تھا کہ مولانا کا پیپلزپارٹی نے ہرمشکل میں بھرپور ساتھ دیا، ان کے بیانات نےمایوس کیا ہے۔
ذرائع کے مطابق اجلاس میں کہا گیا ن لیگ کی پیپلزپارٹی پرتنقید پوائنٹ اسکورنگ ہے، ن لیگ ناکامیوں کا ملبہ پیپلزپارٹی پرڈالنا افسوسناک ہے، ن لیگ کامیابیاں اپنی اورناکامیاں پی پی کی جھولی میں ڈال رہےہیں اور پیپلزپارٹی کےخلاف سوشل میڈیا مہم چلائی بھی جا رہی ہے.
اجلاس میں چینی ایکسپورٹ کامعاملہ بھی زیربحث آیا ارکان نے کہا ن لیگ نے جان بوجھ کر نوید قمرکومتنازع بنایا۔
سی ای سی نے نگران کابینہ پرتحفظات کا اظہارکیا اور کہا کہ ان لیگی منظور نظرلوگوں کوعہدے مل رہے ہیں، نگراں کابینہ میں چاروزرا ن لیگ کےقریبی ہیں، فواد حسن فواد،احد چیمہ، عم سیف،سمیع سعید لیگی وزراہیں پی پی کوکسی معاملے پراعتماد میں نہیں لیاجا رہا، پیپلز پارٹی کو لیول پلیئنگ فیلڈ نہیں مل رہی۔۔
اجلاس میں فیصلہ ہوا پی پی وزرا پرعائد کردہ الزامات بارے حقائق سامنےلائےجائیں گے اور سابقہ حکومت میں پی پی کے وزرا کی کارکردگی کوسامنےلایا جائےگا۔
سری لنکا سے پاکستان کی شکست پر گوتم گمبھیر نے بابر اعظم کی کپتانی پر تنقید کی ہے۔
سابق ہندوستانی کرکٹر گوتم گمبھیر نے جمعرات کو کولمبو میں سری لنکا کے ہاتھوں پاکستان کی ایشیا کپ 2023 کے سپر فور میں شکست کے دوران بابر اعظم کی کپتانی کو آڑے ہاتھوں لیا ہے۔
اسٹار اسپورٹس پر گفتگو کے دوران گمبھیر نے بابر کی حکمت عملیوں پر تنقید کی خاص کر اختتامی اوورز میں بابر کے فیصلوں پر حیرت کا اظہار کیا۔
گمبھیر نے کہا انتہائی عام کپتانی کے ساتھ ساتھ زمان خان کے اوور میں مڈ آف میں ایک باؤنڈری لگی اور شاہین شاہ آفریدی کے اوور میں مڈ آف پر چوکا لگا وہ دونوں گیندیں سلو تھیں۔
گمبھیر نے کہا کہ بابر کو اپنی فیلڈ پلیسمنٹ کو ایڈجسٹ کرنا چاہیے تھا جب سلو گیندیں ہو رہی تھیں اگر آپ سلو گیند کرنا چاہتے ہیں تو مڈ آف فیلڈر کو لانگ آف پر رکھیں اور تھرڈ مین کو اوپر لائیں، یہ انتہائی آسان کپتانی ہے تصور کریں کہ اگر آپ کے آخری اوور میں 13 رنز باقی ہوتے تو یہ مشکل ہوتا۔
گمبھیر نے کوسل مینڈس اور سدیرا سمارا وکرما کی سنچری شراکت کے دوران بابر کی کپتانی کی حکمت عملی پر بھی سوال اٹھایا۔
"آپ ایک مرحلے پر کھیل کو آگے بڑھنے دے رہے تھے آپ اپنے چھٹے باؤلر کا کوٹہ مکمل کرنا چاہتے تھے یہ اس طرح کام نہیں کرتا جب کوسل مینڈس اور سدیرا سمارا وکراما کے درمیان شراکت داری بن رہی تھی تو آپ کو اپنے اہم گیند بازوں کو لانا چاہیے تھا اور وکٹ لینے کی کوشش کرنی چاہیے تھی‘
بابر اعظم نے نسیم شاہ اور حارث رؤف کی انجریز سے بحالی کا ٹائم فریم بتا دیا۔
پاکستان کے کپتان بابر اعظم نے فاسٹ باؤلرز نسیم شاہ اور حارث رؤف کی ریکوری ٹائم لائن پر روشنی ڈالتے ہوئے شائقین کو یقین دلایا ہے کہ دونوں کھلاڑیوں کے آئندہ آئی سی سی مینز کرکٹ ورلڈ کپ کے لیے فٹ ہونے کا امکان ہے۔
نسیم اور رؤف دونوں کو 2023 کے ایشیا کپ میں بھارت کے خلاف پاکستان کے سپر فور مقابلے کے دوران شدید چوٹیں آئیں۔ نتیجتاً، انہیں سری لنکا کے خلاف کولمبو میں ہونے والے اہم میچ کے لیے سائیڈ لائن کر دیا گیا جس کی وجہ سے بالآخر پاکستان جمعرات کو ٹورنامنٹ سے باہر ہو گیا۔
میچ کے بعد پریس سے خطاب کرتے ہوئے بابر نے قومی اسکواڈ میں دو اہم تیز گیند بازوں کی تیزی سے واپسی کے بارے میں امید کا اظہار کیا تاہم نسیم کی بحالی کے بارے میں بات کرتے وقت، بابر زیادہ محتاط تھے انہوں نے اعتراف کیا کہ ان کے پاس نوجوان فاسٹ باؤلر کی واپسی کے لیے کوئی درست ٹائم فریم نہیں ہے۔
ان کا کہنا تھا کہ حارث رؤف کی [انجری] بری نہیں ہے اسے تھوڑا سا سائیڈ اسٹرین ہے لیکن وہ ورلڈ کپ سے پہلے ٹھیک ہو جائیں گے مجھے بالکل نہیں معلوم کہ نسیم شاہ کی صحت یابی میں کتنا وقت لگے گا میرے خیال میں نسیم شاہ بھی بعد میں ورلڈ کپ میں ہوں گے، لیکن دیکھتے ہیں۔
کراچی : بینکوں نے پی آئی اے کیلئے قرضہ منظور کرلیا، بینکوں کی جانب سے 18ارب روپے کا قلیل المدت قرضہ دیا جائے گا۔
تفصیلات کے مطابق قومی ایئرلائن ( پی آئی اے ) کی نجکاری کا فیصلہ ہوتے ہی بینکوں نے پی آئی اے کیلئے قرضہ منظور کرلیا۔
ذرائع نے بتایا کہ امریکا میں پی آئی اے کا روزویلٹ ہوٹل بھی نجکاری فہرست میں شامل ہیں ، بینکوں کی جانب سے پی آئی اے کو 18 ارب روپے کا قلیل المدت قرضہ دیا جائے گا۔
ذرائع کا کہنا تھا کہ 7 سے 10 دن کیلئے دیئے گئے اس قرض سےانتہائی ضروری ادائیگیاں کی جائیں گی، رقم منتقل ہوتے ہی آج شام سے پی آئی اے کا آپریشن معمول پر آنا شروع ہوجائے گا۔
قرض ملنے کے بعد گراؤنڈ بوئنگ 777 دو طیارے شام تک فلیٹ میں شامل ہوں گے ، نجکاری کا عمل مکمل ہونے تک پی آئی اے کو آپریشنل رکھنے کا فیصلہ کیا گیا ہے۔
ذرائع کے مطابق جائزے کیلئےنگران وفاقی وزیر فواد حسن فواد کی سربراہی میں کمیٹی بنا دی گئی،نجکاری کمیشن کی ویب سائٹ پرپی آئی اےنجکاری کیلئے پیش سرکاری اداروں میں شامل ہیں۔
