لاہور : پیپلزپارٹی نے ن لیگ اور جے یو آئی کی پی پی مخالف بیان بازی کی مذمت کردی ، ارکان نے مخالفین کو بھرپور جواب دینے کا مطالبہ کیا تو قیادت نے بھی گو ہیڈ دے دیا۔

تفصیلات کے مطابق پیپلزپارٹی کی مرکزی مجلس عاملہ اجلاس کی اندرونی کہانی سامنے آگئی ، اجلاس ارکان نے ن لیگ جے یو آئی ف کے خلاف شکایتوں کے انبار لگا دیے۔

ذرائع نے بتایا کہ اراکان نے ن لیگ اور جے یو آئی کی جانب سے تنقید پرشدید برہمی کا اظہارکیا، ارکان کا کہنا تھا ن لیگ اور جے یوآئی ف منصوبہ بندی سےپی پی مخالف مہم چلا رہے ہیں، سیاسی مخالفین کواینٹ کاجواب پتھر دینا ہوگا۔

ارکان نے قیادت سے تنقید کا جواب دینےکی اجازت مانگی تو قیادت نے بھی تنقید کا بھرپورجواب دینے کی ہدایت کردی۔

پی پی نے فضل الرحمان کے پی پی مخالف بیانات افسوسناک قراردیا، سی ای سی کا کہنا تھا کہ مولانا کا پیپلزپارٹی نے ہرمشکل میں بھرپور ساتھ دیا، ان کے بیانات نےمایوس کیا ہے۔

ذرائع کے مطابق اجلاس میں کہا گیا ن لیگ کی پیپلزپارٹی پرتنقید پوائنٹ اسکورنگ ہے، ن لیگ ناکامیوں کا ملبہ پیپلزپارٹی پرڈالنا افسوسناک ہے، ن لیگ کامیابیاں اپنی اورناکامیاں پی پی کی جھولی میں ڈال رہےہیں اور پیپلزپارٹی کےخلاف سوشل میڈیا مہم چلائی بھی جا رہی ہے.

اجلاس میں چینی ایکسپورٹ کامعاملہ بھی زیربحث آیا ارکان نے کہا ن لیگ نے جان بوجھ کر نوید قمرکومتنازع بنایا۔

سی ای سی نے نگران کابینہ پرتحفظات کا اظہارکیا اور کہا کہ ان لیگی منظور نظرلوگوں کوعہدے مل رہے ہیں، نگراں کابینہ میں چاروزرا ن لیگ کےقریبی ہیں، فواد حسن فواد،احد چیمہ، عم سیف،سمیع سعید لیگی وزراہیں پی پی کوکسی معاملے پراعتماد میں نہیں لیاجا رہا، پیپلز پارٹی کو لیول پلیئنگ فیلڈ نہیں مل رہی۔۔

اجلاس میں فیصلہ ہوا پی پی وزرا پرعائد کردہ الزامات بارے حقائق سامنےلائےجائیں گے اور سابقہ حکومت میں پی پی کے وزرا کی کارکردگی کوسامنےلایا جائےگا۔

کراچی : بینکوں نے پی آئی اے کیلئے قرضہ منظور کرلیا، بینکوں کی جانب سے 18ارب روپے کا قلیل المدت قرضہ دیا جائے گا۔

تفصیلات کے مطابق قومی ایئرلائن ( پی آئی اے ) کی نجکاری کا فیصلہ ہوتے ہی بینکوں نے پی آئی اے کیلئے قرضہ منظور کرلیا۔

ذرائع نے بتایا کہ امریکا میں پی آئی اے کا روزویلٹ ہوٹل بھی نجکاری فہرست میں شامل ہیں ، بینکوں کی جانب سے پی آئی اے کو 18 ارب روپے کا قلیل المدت قرضہ دیا جائے گا۔

ذرائع کا کہنا تھا کہ 7 سے 10 دن کیلئے دیئے گئے اس قرض سےانتہائی ضروری ادائیگیاں کی جائیں گی، رقم منتقل ہوتے ہی آج شام سے پی آئی اے کا آپریشن معمول پر آنا شروع ہوجائے گا۔

قرض ملنے کے بعد گراؤنڈ بوئنگ 777 دو طیارے شام تک فلیٹ میں شامل ہوں گے ، نجکاری کا عمل مکمل ہونے تک پی آئی اے کو آپریشنل رکھنے کا فیصلہ کیا گیا ہے۔

ذرائع کے مطابق جائزے کیلئےنگران وفاقی وزیر فواد حسن فواد کی سربراہی میں کمیٹی بنا دی گئی،نجکاری کمیشن کی ویب سائٹ پرپی آئی اےنجکاری کیلئے پیش سرکاری اداروں میں شامل ہیں۔

اسلام آباد: نگراں وزیر خزانہ شمشاد اختر کا کہنا ہے کہ عالمی مالیاتی فنڈ (آئی ایم ایف) کے ساتھ جو ٹیکس کلیکشن کا معاہدہ طے ہوا ہے وہ پورا کریں گے۔

نگراں وفاقی وزرا کے ہمراہ نیوز کانفرنس کرتے ہوئے شمشاد اختر نے کہا کہ چیلنجز سے گھبرا نہیں رہے بلکہ ایک ایک کر کے حل کر رہے ہیں، حکومتی اخراجات کو کنٹرول اور ریونیو بڑھانے کی کوشش کر رہے ہیں، حکومت کو اس وقت کئی چیلنجز کا سامنا ہے۔

شمشاد اختر نے کہا کہ ایگریکلچر سیکٹر سے امید ہے کہ صورتحال میں بہتری ہوگی، حالیہ حکومتی اقدامات سے پرائس اسٹیبلٹی امپروو ہوگی، اس سے ہمارے پروڈکٹو سیکٹرز میں بھی بہتری آئے گی، میکرو اکنامکس انڈیکیٹرز معاشی بحالی کو ظاہر کر رہے ہیں۔

انہوں نے کہا کہ اسٹیٹ بینک نے شرح سود نہیں بڑھائی اس سے بھی بہتری آئے گی، وقت کے ساتھ انڈسٹریز کی حالت میں بھی بہتری آ رہی ہے، حکومت کی کوشش ہے ایسے اقدامات کریں جس سے لوگوں کو فائدہ ہو، غیر ملکی سرمایہ کاری بڑھے گی تو معیشت اپنے پیروں پر کھڑی ہو سکے گی۔

ان کا کہنا تھا کہ اسمگلنگ کی روک تھام کیلیے اقدامات سے روپے کی قدر بہتر ہوئی، روپے کی قدر میں بہتری کا اسٹیٹ بینک کسی بھی اقدام سے تعلق نہیں، بیرونی سرمایہ کاری لانے کیلیے حکومت اقدامات کر رہی ہے، ترسیلات زر کیلیے 80 ارب روپے رکھے ہیں آج 20 ارب روپے بینکوں کو جاری کیے ہیں۔

نگراں وزیر خزانہ نے کہا کہ بینکوں کو بیس ارب روپے جاری کیے تا کہ ترسیلات زر قانونی چینلز کے ذریعے آئیں، ایکسپوٹ امپورٹ کیلیے بینکس کو متحرک کیا جا رہا ہے، ایسے اقدامات کے جلد مثبت نتائج نظر آنے لگیں گے، ہم امپورٹس کو اوورٹیک کری گے تو انڈسٹری گروتھ نہیں کرے گی۔

شمشاد اختر نے کہا کہ ایف بی آر کے ساتھ ٹیکس سسٹم کو بہتر کرنے کیلیے کام کر رہے ہیں، ہمیں ٹیکس پیئر بڑھانے کیلیے کام کرنا ہوگا، ہمیں ٹیکس ریونیو کے ٹارگٹ کو پاکستان کی خاطراچیو کرنا ہے، میرے لیے آئی ایم ایف کی شرائط اہم نہیں ملک اہم ہے۔

انہوں نے کہا کہ پاکستان میں ایکسچینج کمپنیوں کی تعداد بڑھ گئی ہے، دنیا میں ایک ایسے ملک بھی ہیں جہاں انٹر بینک کے ذریعے کام ہوتا ہے، پاکستان میں ایکسچینج کمپنیز کی تعدادبڑھ گئی ہے ہم ٹائم دے رہے ہیں، اسٹیٹ بینک کوئی مداخلت نہیں کر رہا ہم صرف اپنے روپے کی بے قدری کو کنٹرول کر رہے ہیں۔