راولپنڈی کے علاقہ روات میں کنویں میں دم گھٹنے سے 5 افراد جاں جاں بحق ہوگئے۔

اے آر وائی نیوز رپورٹ کے مطابق روات کے علاقے ٹھٹہ گاؤں میں کنوئیں کی صفائی کیلئے ایک شخص کنویں میں اترا، زہریلی گیس بھر جانے کے باعث کنویں میں اترنے والا شخص بے ہوش ہوگیا جسے نکالنے کیلئے کنویں میں یکے بعد دیگرے 7 افراد اترے۔

متاثرہ شخص کو نکالنے کیلئے اترنے والے 7 افراد بھی بے ہوش ہوگئے،  واقعے کی اطلاع ملتے ہی ریسکیو ٹیم اور پولیس حکام جائے وقوعہ پر پہنچ گئے۔

ریسکیو حکام نے امدادی کارروائی کرتے ہوئے تمام افراد کو باہر نکال لیا تاہم دم گھٹنے سے 5 افراد جاں بحق ہوگئے جبکہ 3  افراد کو زندہ بچا لیا گیا ہے۔ لاشوں اور زخمیوں کو اسپتال منتقل کردیا گیا ہے، جہاں زندہ بچ جانے والے افراد کی حالت بھی انتہائی تشویشناک ہے۔

تھانہ روات پولیس نے واقعہ کی تحقیقات کا آغاز کردیا ہے۔

یہ بھی پڑھیں: کراچی: گھر میں گیس بھرنے سے دھماکا، ایک شخص‌ جاں بحق، 7 زخمی

خیال رہے کہ گزشتہ برس کراچی کے علاقے لیاری میں گیس بھر جانے سے دھماکا ہوا تھا جس کے نتیجے میں ایک شخص جاں بحق جبکہ خاتون اور بچوں سمیت 7 افراد زخمی ہوگئے تھے۔

کراچی: پی ٹی آئی رہنما اور سابق گورنر سندھ عمران اسماعیل کا کہنا ہے کہ ایم کیو ایم اب تک ایک فون کال کا انتظار کررہی ہے۔

اے آر وائی نیوز کے پروگرام ’الیونتھ آور‘ میں پی ٹی آئی رہنما عمران اسماعیل سے سوال کیا گیا کہ ایم کیو ایم پاکستان حکومت سے الگ کیوں ہوگئی۔

عمران اسماعیل نے جواب دیتے ہوئے کہا کہ ایم کیو ایم پاکستان کو ایک فون کال کا انتظار تھا جو نہیں آئی میں سمجھتا ہوں یہ اب تک فون کال کا انتظار کررہے ہیں جس میں بتایا جائے گا کہ کس طرف جانا ہے۔

انہوں نے کہا کہ خالد مقبول اعتراف کرچکے ہیں ہم نے سب سے زیادہ معاہدے پرعملدرآمد کیا ہے اور آج تک کسی حکومت نے ایم کیو ایم کے ساتھ معاہدے پرعملدرآمد نہیں کیا۔

پی ٹی آئی رہنما نے کہا کہ حکومت سےعلیحدگی پر کئی ایم کیوایم رہنما بھی راضی نہیں تھے جبکہ پی پی اور ایم کیو ایم کا اتحادغیر فطری اورسمجھ میں نہ آنے والا ہے، پی ٹی آئی آج کراچی کی سب سے بڑی اسٹیک ہولڈر ہے۔

عمران اسماعیل کا کہنا تھا کہ امید ہے ایم کیوایم ملکی مفاد میں کوئی بہترفیصلہ کرے گی کیونکہ یہ تو مہنگائی جیسے مسائل کا کہہ کر الگ ہوگئے تھے۔

انہوں نے کہا کہ امید ہے کہ ایم کیو ایم سیاسی وقار اور عوام کے مسائل کے حل کے لیے کوئی فیصلہ جلد کرے گی اور یہ جو بھی فیصلہ کریں گے ہم انہیں ویلکم کریں گے۔