کراچی: نیشنل ہائی وے پر وکلا احتجاج کے دوران جلاؤ گھیراؤ اور بلٹ پروف جیکٹس، واکی ٹاکی، گیس شیلز چوری کرنے پر مظاہرین کے خلاف مقدمات درج کیے گئے ہیں۔

تفصیلات کے مطابق نیشنل ہائی وے لنک روڈ پر گزشتہ روز احتجاج کے دوران جلاؤ گھیراؤ اور توڑ پھوڑ کے واقعات پیش آئے تھے، پولیس کے مطابق احتجاجی مظاہرین بلٹ پروف جیکٹس، واکی ٹاکی سیٹ، ہیلمٹس، گیس گنز اور گیس شیلز تک چرا کر لے گئے تھے، جس کے بعد پولیس نے سرکار مدعیت میں مظاہرین کے خلاف 3 مقدمات درج کر لیے ہیں، جن میں وکلا سمیت متعدد شہریوں کو نامزد کیا گیا ہے۔

2 مقدمات اسٹیل ٹاؤن، ایک مقدمہ بن قاسم تھانے میں درج کیا گیا ہے، درج مقدمات میں دہشت گردی، جلاؤ گھیراؤ، بلوے ، لوٹ مار، شہریوں کو دھمکیاں دینے اور املاک کو نقصان پہنچانے کی دفعات شامل ہیں۔

پولیس موبائل کو آگ لگانے کا مقدمہ علیحدہ سے اسٹیل ٹاؤن تھانے میں درج ہوا ہے، جس میں قوم پرست جماعت کے 10 سے زائد افراد نامزد ہیں، ایف آئی آر میں پولیس موبائل جلانے اور اینٹی رائٹ کا سامان چوری کرنے کی دفعات شامل کی گئی ہیں۔

ایف آئی آر کے مطابق 2 بلٹ پروف جیکٹس، 2 ہیلمٹ، واکی ٹاکی سیٹ، 3 گیس گنز اور 20 گیس شیل چوری ہوئے ہیں، جلاؤ گھیراؤ کے دوران پولیس کا اینٹی رائٹ سامان بھی لوٹ لیا گیا۔

ڈیفنس میں ہوٹل ملازمین نے پولیس اہلکار اور شہری کو بد ترین تشدد کا نشانہ بنا دیا

احتجاج کرنے والوں نے پولیس پر لاٹھیوں اور ڈنڈوں سے حملہ کیا، پولیس پر براہ راست فائرنگ کی گئی، پولیس موبائل پر پتھراؤ کیا گیا، گاڑی کو آگ لگا دی گئی۔

ان مظاہرین کی تعداد 80 سے 90 افراد کے قریب بتائی گئی ہے، مقدمے میں دہشت گردی، پولیس مقابلے اور دیگر سنگین دفعات کو بھی شامل کیا گیا ہے۔

کراچی : ڈڈیفنس فیز 7 میں آن لائن بائیک رائیڈر کے قتل کرنے والے ملزمان کی سی سی ٹی وی فوٹیج سامنے آگئی، ممکنہ طور پر بائیک رائیڈر سے اسٹریٹ کرمنلز نے واردات کی کوشش اور قتل کیا۔

تفصیلات کے مطابق کراچی کے علاقے ڈیفنس فیز7 میں 2 روز قبل آن لائن بائیک رائیڈر کے قتل کا مقدمہ درج کرلیا گیا۔

بائیک رائیڈر کے قتل میں ملوث ملزمان کے فرار کی سی سی ٹی وی سامنے آگئی ، پولیس نے بتایا کہ ممکنہ طور پر بائیک رائیڈر مدثر سے اسٹریٹ کرمنلز نے واردات کی کوشش اور قتل کیا۔

سی سی ٹی وی میں ایک بائیک پر پینٹ شرٹ پہلے 2 ملزمان کوفرار ہوتے دیکھا جاسکتا ہے۔

حکام کا کہنا تھا کہ مقتول مدثر سرکاری ادارے کاملازم بھی تھا ،پارٹ ٹائم آن لائن بائیک چلاتا تھا، تحقیقات کے مطابق مقتول کی کسی سے دشمنی نہیں تھی۔

قتل کا مقدمہ ماموں کی مدعیت میں درج کیا گیا، مقتول جھنگ کارہائشی تھا اور نجی یونیورسٹی کے طالبعلم کی رائیڈ لے کر ڈیفنس آیا تھا۔

مقتول مدثر کو کمر میں گولی لگی تھی ،ممکنہ طور پر اسٹریٹ کرمنلز نے نہ رکنے پر فائر کیا تاہم قتل کے مقام پرکوئی سی سی ٹی وی نصب نہیں ، مزید تحقیقات جاری ہیں۔