ممبئی: بالی وڈ کے سُپر اسٹار شاہ رخ خان نے اپنی 60 سالہ فین کی دیرینہ خواہش پوری کر کے ایک بار پھر مداحوں کے دل جیت لیے۔

شاہ رخ خان کے بارے میں یہ تاثر عام ہے کہ وہ بہت عاجز و شائستہ مزاج انسان ہیں جو سب کی فکر اور خیال رکھتے ہیں۔ اس کی تازہ مثال ہمارے سامنے ہے کہ سُپر اسٹار نے 60 سالہ شیوانی چکرورتی کی ایک دیرینہ خواہش پوری کرنے کا وعدہ کرلیا۔

شیوانی چکرورتی کا تعلق ریاست مغربی بنگال سے ہے اور وہ کئی سالوں سے کینسر جیسے موذی مرض میں مبتلا ہیں۔

میڈیا رپورٹس کے مطابق شاہ رخ خان نے اپنی مداح کو حال ہی میں ویڈیو کال کر کے سرپرائز دیا۔ دونوں کے درمیان تقریباً 40 منٹ تک گفتگو ہوتی رہی۔

Remember Shivani that 60yrs Old Last Stage Cancer Patient from Kolkata Her Last Wish Was to Meet @iamsrk Sir?

Her Wish Got Fulfilled Last Night, Today SRK Sir Called her Talked almost 30 Minutes, He is The Humblest Star on Earth for a Reason,
1/4 pic.twitter.com/gWSSgQpzv4

— SRKian Faizy ( FAN ) (@SrkianFaizy9955) May 23, 2023

اس دوران شیوانی چکرورتی نے سُپر اسٹار کو بتایا کہ وہ ان سے زندگی میں کم از کم ایک بار ضرور ملنا چاہتی ہیں۔ شاہ رخ خان نے یہ سنتے ہی ملاقات کا وعدہ کرلیا۔ صرف یہی نہیں بلکہ اداکار نے ان کے علاج کیلیے مالی مدد کرنے کا بھی وعدہ کیا ہے۔

شیوانی چکرورتی کی بیٹی پریا نے بتایا کہ ویڈیو کال پر شاہ رخ خان نے والدہ کی جلد صحت یابی کیلیے دعا کی، وہ ہمارے گھر آکر مچھلی بھی کھائیں گے۔

بھارت کی ریاست تلگنہ کے شہر حیدر آباد میں پولیس آفیسر کی گاڑی کو نقصان پہنچانے پر اداکارہ ڈمپل حیاتی بڑی مشکل میں پھنس گئیں۔

میڈیا رپوٹس کے مطابق گزشتہ روز اداکارہ ڈمپل حیاتی نے دوست کے ہمراہ ڈرائیونگ کرتے ہوئے گاڑی ڈپٹی کمشنر آف پولیس ٹریفک راہول ہیگڑے کی گاڑی سے ٹکرا دی تھی۔

اداکارہ اور پولیس آفیسر ایک ہی اپارٹمنٹ میں رہائش پذیر ہیں۔ راہول ہیگڑے نے ڈمپل حیاتی اور ان کی دوست کے خلاف جوبلی ہلز پولیس تھانے میں مقدمہ درج کروا دیا۔

ایف آئی آر کے مطابق ڈمپل حیاتی نے اپارٹمنٹ میں کھڑی گاڑی کو اپنی کار سے ٹکر مار کر شدید نقصان پہنچایا۔

ڈپٹی کمشنر پولیس نے میڈیا سے گفتگو میں بتایا کہ ہمارے پاس سی سی ٹی وی فوٹیج موجود ہے، میرے ڈرائیور نے مقدمہ درج کروا دیا ، پولیس معاملے کی تحقیقات کر رہی ہے۔

پولیس نے ڈمپل حیاتی کو سیکشن 41 سی آر پی سی کے تحت نوٹس جاری کر دیا۔

بالی ووڈ کے سینئر اداکار دھرمیندر نے انکشاف کیا ہے کہ سلمان خان کی فلم دبنگ میں چلبل پانڈے کا کردار ان کی 1975 کی ریلیز ’پریتگیہ‘ سے متاثر ہوکر بنایا گیا تھا۔

سماجی رابطے کی ویب سائٹ ٹوئٹر پر اداکار دھرمیندر نے اپنی اور ہیما مالنی کی فلم پرتیگییہ کا ایک سن شیئر کیا اور لکھا کہ ’دوستوں کچھ بھی کرجاتا ہوں میں۔‘

ٹوئٹ کے جواب میں ایک صارف نے لکھا کہ ’مجھے یہ فلم بہت پسند ہے اور میرا خیال ہے کہ فلم دبنگ اسی فلم سے متاثر ہوکر بنائی گئی ہے۔‘

ٹوئٹر صارف کو جواب دیتے ہوئے سینئر اداکار دھرمیندر نے انکشاف کیا کہ بالکل، سلمان خان نے مجھے خود یہ بات بتائی ہے کہ ان کا کردار میرے اس کردار سے بہت متاثر تھا۔

Yes dear, even Salman told me that he was very much inspired by that character of mine . Friends, it happens i wanted to play Dalip Sahab’s role (Devdas and Salim in Mughal e Aazim ) Following Dreams is everyone’s dream 🙏.

— Dharmendra Deol (@aapkadharam) May 20, 2023

انہوں نے مزید لکھا کہ دوستوں ایسا ہوتا ہے، میری خود خواہش تھی کہ مجھے فلم مغل اعظم اور دیوداس میں سلیم کا کردار ملے جو دلیپ صاحب نے ادا کیا تھا۔ خوابوں کی پیروی کرنا ہر ایک کا خواب ہوتا ہے۔

دھرمیندر کی جانب سے جواب ملنے پر مذکورہ ٹوٹئر صارف نے ان کا شکریہ ادا کیا۔

خیال رہے کہ 70 کی دہائی میں بننے والی فلم ’پرتگیہ‘ میں دھرمیندر نے ایک پولیس والے کا کردار ادا کیا تھا جس میں وہ اپنے والدین کی موت کا بدلہ لیتے ہیں جبکہ دبنگ میں بھی سلمان خان نے پولیس افسر کا کردار نبھایا تھا اور فلم باکس آفس پر کامیاب ثابت ہوئی تھی۔