کراچی: پاکستان تحریک انصاف کی سابق رکن قومی اسمبلی صائمہ ندیم بھی پارٹی چھوڑنے کا اعلان کردیا ہے۔

اے آر وائی نیوز کے مطابق پی ٹی آئی کی رہنما صائمہ ندیم نے بھی پارٹی کو خیرباد کہہ دیا ہے، گزشتہ روز انہیں طیارے سے آف لوڈ کردیا گیا تھا۔

انہوں نے کہا کہ نو مئی کے واقعات پر افسوس ہے اور یہ واقعات قابل مذمت ہیں، میں کبھی بھی اپنی افواج کے بارے میں غلط بات نہیں سن سکتی۔

واضح رہے کہ گزشتہ روز صائمہ ندیم غیرملکی ایئرلائن کی پرواز ای کے503 سے کینیڈا کے شہر ٹورنٹو جارہی تھیں،صائمہ ندیم کو پرواز ٹیک آف ہونے تک آگے نہ جانے دیا گیا،صائمہ ندیم کو پرواز روانگی کے بعد پولیس اپنے ساتھ لے گئی تھی۔

ذرائع کا بتانا تھا کہ سکیورٹی اداروں کے پاس فرار میں کوشاں پی ٹی آئی قیادت کی فہرست موجود ہے۔

وفاقی وزیر خزانہ اسحاق ڈار نے ایک بار پھر اس بات کو دہرایا ہے کہ ہمیں ڈیفالٹ کاخطرہ نہیں پاکستان ڈیفالٹ نہیں کرےگا۔

اسلام آباد میں ایف بی آر کی تقریب سے خطاب کرتے ہوئے اسحاق ڈار نے کہا کہ بجٹ کے حوالےسے آنے والی تمام تجاویز کا خیرمقدم کریں گے ہمیں بہت سے چیلنجز کاسامنا ہے، 2017میں پاکستان دنیا کی 24ویں معیشت بن چکا تھا۔

انہوں نے کہا کہ ہماری ٹیم نے بےپناہ کوششیں کی ہیں کئی سالوں بعد پہلی بار گزشتہ 2ماہ میں کرنٹ اکاؤنٹ سرپلس میں آئے ہم سب نے ملکر پاکستان کو آگے لیکر جانا ہے اسٹیٹ بینک کی ٹیم کا بھی بہت بڑا کردار ہے۔

ان کا کہنا تھا کہ پاکستان ایک چیلنجنگ فیس سےگزر رہا ہے بدقسمتی ہےکہ 2022 میں ہم 47ویں معیشت بن گئے ہمیں مل کر معیشت کو چوبیسویں نمبر پر لے کر جانا ہے، آئی ایم ایف کےحوالےسےہماری ٹیم نےٹیکنیکل کام مکمل کر رکھا ہے آئی ایم ایف مذاکرات نومبر کے شروع میں ہونا تھے پھر31جنوری کو شروع ہوئے۔

وزیرخزانہ نے کہا کہ ہمیں ڈیفالٹ کاخطرہ نہیں پاکستان ڈیفالٹ نہیں کرےگا، پاکستان نےتاریخ میں ایک ہی پروگرام مکمل کیا جو 2013 سے 2016 کا تھا ہماری معیشت تیزی سے ترقی کی جانب گامزن ہے ریونیوکلیکشن کے حوالے سے آپ لوگ اپنی تجاویز دیں اس ریویو کوبہت پہلےہوجاناچاہئےتھا۔

صوبہ سندھ اور پنجاب کے سرکاری و نجی تعلیمی اداروں میں موسم گرما کی تعطیلات کا اعلان کر دیا گیا۔

سندھ بھر کے سرکاری اور پرائیویٹ کالجز میں موسم گرما کی تعطیلات کا نوٹیفکیشن جاری کر دیا گیا جس کے مطابق یکم جون سے 31 جولائی تک سرکاری اور نجی کالجز بند رہیں گے۔

اس سے قبل محکمہ اسکول ایجوکیشن سندھ نے موسم گرما کی تعطیلات کا نوٹیفکیشن جاری کیا تھا جس کے مطابق تعلیمی اداروں میں موسم گرما کی تعطیلات یکم جون سے 31 جولائی تک ہوں گی، فیصلے کا اطلاق سندھ کے تمام نجی و سرکاری تعلیمی اداروں پر ہوگا۔

اِدھر پنجاب میں بھی موسم گرما کی تعطیلات کا اعلان کیا گیا۔ محکمہ تعلیم کے مطابق موسم گرما کی تعطیلات 6 جون سے 20 اگست تک ہوں گی، تمام اسکول چھٹیوں کے بعد 21 اگست کو دوبارہ کھلیں گے۔

الیکشن کمیشن نے کہا ہے کہ سندھ کی کونسلز کی مخصوص نشستوں پر کاغذات جمع کرانے کا آج آخری دن ہے۔

ترجمان کے مطابق کاغذات نامزدگی کی وصولی کا وقت رات 12بجے تک بڑھا دیا گیا ہے سیا سی جماعتیں بھی امیدواروں کی ترجیحی فہرست رات 12 بجے تک جمع کراسکتی ہیں۔

الیکشن کمیشن کے مطابق آزاد امیدوار چاہے تو 24 مئی تک کسی بھی سیاسی جماعت میں شامل ہو سکتا ہے اس سلسلے میں آزاد امیدوار کو ایک حلف نامہ بھی جمع کرانا ہو گا۔ آزادامیدوار کو واضح کرنا ہو گا کہ وہ کسی دباؤ میں نہیں ہے اور اسے واضح کرنا ہو گا کہ رضاکارانہ سیاسی جماعت میں شامل ہو رہا ہے۔ آزادامیدوار کو تصدیق شدہ حلف نامہ آراو کے پاس جمع کرانا ہو گا۔

شیڈول کے مطابق ٹاؤن چیئرمین، وائس چیئرمین کے لیے کاغذات نامزدگی 22 سے 24 مئی تک جمع ہوں گے اور 25 سے 26 مئی تک کاغذات نامزدگی کی جانچ پڑتال ہوگی۔

الیکشن کمیشن کا کہنا ہے کہ 3 سے 4 جون تک ٹاؤن کونسل، سٹی کونسل کے ایوان کی تشکیل مکمل کی جائے گی اور 10 جون کو منتخب ہونے والے بلدیاتی نمائندے حلف اٹھائیں گے۔