ممبئی: معروف بھارتی گلوکار شان مکھرجی اپنے مسلمان مداحوں کو عید الفطر کی مبارکباد دینے پر ہندو انتہا پسندوں کے نشانے پر آگئے۔

شان مکھرجی نے عید الفطر پر اپنے مسلمان فیز کو مبارکباد دی تھی۔ اس کے لیے انہوں نے اپنے ایک میوزک ویڈیو کا اسکرین شاٹ استعمال کیا تھا جس میں وہ ٹوپی پہن کر دعا مانگ رہے ہیں۔

انسٹاگرام پر پوسٹ کیے گئے اسکرین شاٹ کے ساتھ انہوں نے کیپشن میں لکھا تھا کہ میں آپ سب اور آپ کے اہل خانہ کو میری طرف سے عید کی مبارکباد۔

 

View this post on Instagram

 

A post shared by Shaan Mukherji (@singer_shaan)

 پوسٹ کو جہاں زیادہ تر صارفین نے پسند کیا وہیں کچھ ہندو انتہا پسندوں نے اس پر بھرپور تنقید کی اور گلوکار کو سنگین نتائج کی دھمکی بھی دی۔

بہت زیادہ ٹرول کیے جانے کے بعد انہوں نے انسٹاگرام پر لائیو آ کر اپنے ردعمل کا اظہار کیا۔ پہلے تو انہوں نے ٹوپی پہن کر دعا مانگنے والے اسکرین شاٹ کی وضاحت کی اور پھر تنقید کرنے والوں کو جواب دیا۔

شان نے ہندو انتہا پسندوں کو مخاطب کرتے ہوئے کہا کہ اگر ہم میں تھوڑی سی بھی برداشت نہیں تو آگے کیسے بڑھیں گے؟ میں چاہتا ہوں لوگ اس طرح کی سوچ کو تھوڑا بدلیں، میں ہندو ہوتے ہوئے بھی یہ جانتا ہوں کہ ایک دوسرے کے مذہب کی کیسے عزت کرنی چاہیے۔

انہوں نے بتایا کہ عید مبارک والی پوسٹ پر تنقید کو پہلے سنجیدہ نہیں لیا، لیکن جب دیکھا کہ اب زیادہ ہو رہا تو ردعمل دینا پڑا۔

 

View this post on Instagram

 

A post shared by Shaan Mukherji (@singer_shaan)

ممبئی: بالی وڈ کے سُپر اسٹار سلمان خان کے والد اور ماضی کے نامور اداکار سلیم خان نے بیٹے کو اہم نصیحت کر دی۔

سلمان خان کی 150 کروڑ بھارتی روپے کے بجٹ سے بننے والی فلم ’کسی کا بھائی کسی کی جان‘ 21 اپریل کو ریلیز ہوئی جس نے اب تک بھارت سمیت دنیا بھر میں 139 کروڑ بھارتی روپے کا بزنس کر لیا ہے۔

فلم کی کہانی اور اس میں شامل فنکاروں کی صلاحیتوں پر خوب تنقید کی جا رہی ہے۔ بھارتی فلم ناقد بھی اسے فلاپ قرار دے رہے ہیں۔

اس دوران اداکار کے والد سلیم خان کے حالیہ انٹرویو کا ایک مختصر کلپ وائرل ہو رہا ہے جس میں وہ بیٹے کے کیریئر اور اسکرپٹ کے انتخاب پر گفتگو کر رہے ہیں۔

سلیم خان نے بیٹے کو مخاطب کرتے ہوئے کہا کہ اسے اچھے اسکرپٹ کا انتخاب کرنا چاہیے، اس نے ’سلطان‘ اور ’بجرنگی بھائی جان‘ میں بہت اچھا کام کیا، بطور اداکار وہ اپنی صلاحیتوں میں بہتری لایا ہے۔

انہوں نے کہا کہ جب میں نے اس کی پہلی فلم دیکھی تو یقین ہوگیا کہ وہ اچھا اداکار بن سکتا ہے، میں اس کے مزاج کو اچھی طرح سمجھتا ہوں وہ کسی بھی چیز کو سنجیدہ نہیں لیتا، انڈسٹری میں اس کو کوئی نقصان نہیں پہنچا سکتا۔

https://twitter.com/LegendSKFan/status/1651124918296416256?ref_src=twsrc%5Etfw%7Ctwcamp%5Etweetembed%7Ctwterm%5E1651124918296416256%7Ctwgr%5E11e45817817769fd50be967821b0ae96bf198fde%7Ctwcon%5Es1_c10&ref_url=https%3A%2F%2Fwww.indiatimes.com%2Fentertainment%2Fbollywood%2Fbefore-kisi-ka-bhai-kisi-ki-jaan-salim-khan-advised-salman-to-choose-good-scripts-600687.html