اسلام آباد : سابق صدر آصف زرداری نے وزیر اعظم کو اعتماد کا ووٹ لینے کے سوال پر جواب دیتے ہوئے کہا کہ ہم کو خبروں کا کیا پتہ، ہم تو فقیر لوگ ہیں۔

تفصیلات کے مطابق وزیر اعظم کی جانب سےارکان پارلیمنٹ کے اعزاز میں ظہرانے کا اہتمام کیا گیا ، آصف زرداری اوربلاول بھٹوبھی اسپیکربنکویٹ ہال پہنچے۔

ارکان پارلیمنٹ کے اعزاز میں ظہرانے کے بعد وزیراعظم شہباز شریف نے اعتماد کا ووٹ لینے کا فیصلہ کیا۔

اس موقع پر صحافی نے سابق صدر آصف زرداری سے سوال کیا وزیر اعظم کو اعتماد کا ووٹ لینے کی ضرورت ہے؟ جس پر آصف زرداری نے کہا کہ ہم کو خبروں کا کیا پتہ، ہم تو فقیر لوگ ہیں، ہم کو جس طرف چلاتے ہیں چل پڑتے ہیں۔

آصف زرداری نے مذاکرات کے حوالے سے صحافی کے سوال کا جواب دیتے ہوئے کہا حکومت ساتھ چل رہی ہے ان سے پوچھیں۔

صحافی نے وزیر خارجہ بلاول بھٹو سے سوال کیا کیا مذاکرات آگے بڑھنے کا امکان ہے ، جس پربلاول بھٹو کا جواب دیا کہ موقع ملے گا تو پریس سے بات کروں گا۔

لاہور : اینٹی کرپشن نے پی ٹی آئی ٹکٹ ہولڈر شیخ یعقوب کے غیرقانونی ہاؤسنگ اسکیم بنانے کے انکشاف کے بعد تحقیقات کاآغازکر دیا۔

تفصیلات کے مطابق پی ٹی آئی ٹکٹ ہولڈر شیخ یعقوب کا غیرقانونی ہاؤسنگ اسکیم بنانے کا انکشاف سامنے آیا، جس کے بعد اینٹی کرپشن نے شیخ یعقوب اور آصف کاٹھیا کیخلاف تحقیقات کاآغازکر دیا۔

اینٹی کرپشن نے شیخ یعقوب اور آصف کاٹھیا کو 28 اپریل کوصبح 10بجے طلب کر لیا، آصف کاٹھیا پرترقیاتی کاموں کی مد میں خزانےکوکروڑوں روپےنقصان پہنچانےکاالزام ہے۔

ذرائع نے بتایا کہ شیخ محمد یعقوب نے سرکاری اراضی ہڑپ کرکے غیر قانونی ہاؤسنگ اسکیم بنائی اور محکمہ انہار اورمحکمہ مال کےعملےکی ملی بھگت سےجعل سازی سےاراضی اپنےنام کروائی۔

ذرائع کے مطابق ٹکٹ ہولڈرو سابق ایم اپی اےآصف کاٹھیا نے حلقے میں ترقیاتی کاموں میں کروڑوں کانقصان پہنچایا جبکہ سڑکوں ، اسکولوں ، ہیلتھ سمیت دیگرترقیاتی کاموں میں ناقص میٹریل استعمال کروایا۔

کراچی : سندھ حکومت نے یوم مزدور پریکم مئی کوعام تعطیل کا اعلان کردیا ، پیر کے دن تمام تعلیمی سرکاری و نیم سرکاری ادارے بند رہیں گے۔

تفصیلات کے مطابق سندھ حکومت نے یوم مزدور پریکم مئی کوعام تعطیل کا اعلان کرتے ہوئے نوٹیفکیشن جاری کردیا ، جس میں کہا ہے کہ تمام تعلیمی سرکاری و نیم سرکاری ادارے بند رہیں گے۔

نوٹیفکیشن میں کہنا ہے کہ یکم مئی کو یوم مزدور کے حوالے آگاہی پروگرام بھی کئے جائیں گے۔

یومِ مزدور کے موقع پر ملک کے مختلف شہروں میں تقریبات کا انعقاد بھی کیا جائے گا اور شکاگو کے مزدوروں کی قربانیوں کو یاد کیا جائے گا ۔

اسلام آباد : کنڈے کے ذریعےایک برس میں 230ارب روپےکی بجلی چوری کا انکشاف سامنے آیا ، خرم دستگیر نے بتایا کہ دسمبر 2022تک گردشی قرضوں کا بوجھ 2536ارب روپے ہوگیا۔

تفصیلات کے مطابق وزارت توانائی نے گردشی قرضے کے اعداد و شمار قومی اسمبلی میں پیش کر دیے ، خرم دستگیر نے بتایا کہ دسمبر 2022تک گردشی قرضوں کا بوجھ 2536ارب روپے ہوگیا۔

وزارت توانائی نے کنڈے کے ذریعےایک برس میں 230ارب روپےکی بجلی چوری کا انکشاف کرتے ہوئے کہا پاکستان کا حالیہ برس میں گردشی قرضہ 343ارب روپے رہا اور بجلی کے لائن لاسز 113ارب روپے تک پہنچ گئے۔

تحریری جواب میں کہا گیا کہ بھاری نقصانات والےفیڈرزکی نجکاری کی جائےگی، حکومت نےبجلی چوری سےمتعلق قانون سازی کا منصوبہ بنا لیا ہے۔

وزارت توانائی کا کہنا تھا کہ بجلی چوری قابل سزاجرم قرار دی جائے گی، گردشی قرضہ کثیرالجہتی مسئلہ ہے۔

دوسری جانب قومی اسمبلی اجلاس میں وزارت توانائی نےصوبوں میں گیس منصوبوں کی تفصیلات ایوان میں پیش کی اور بتایا کہ 3 سالوں میں75 ارب90 کروڑ مالیت کے553 گیس منصوبے شروع کیے گئے۔

وزارت توانائی کا کہنا تھا کہ پنجاب میں43ارب22کروڑمالیت کی228گیس اسکیمیں دی گئیں، خیبرپختونخواکو29ارب49کروڑمالیت کی150گیس اسکیمیں دی گئیں۔

وزارت توانائی نے کہا کہ سندھ کو3 ارب18کروڑمالیت کی175 گیس اسکیمیں دی گئیں، گزشتہ 3سال کےدوران بلوچستان کوکوئی نیاگیس منصوبہ نہیں دیاگیا۔

اسلام آباد : قومی احتساب بیورو (نیب) نے توشہ خانہ کیس میں عمران خان اور بشری بی بی کی دائر اپیل پر الگ الگ جواب جمع کرا دیئے۔

تفصیلات کے مطابق توشہ خانہ کیس میں عمران خان اور بشری بی بی کی دائر اپیل پر نیب نے الگ الگ جواب اسلام آباد ہائیکورٹ میں جمع کرا دیئے۔

جواب میں کہا گیا کہ عمران خان کو کیس کے اصل حقائق جاننے کے لیے کال اپ نوٹس جاری کیے گئے، عمران خان قانونی انکوائری کی کارروائی میں شامل نہیں ہو رہے ، انصاف کے مفاد میں عمران خان اور بشری بی بی کی درخواست کو عدالت خارج کر دے۔

اسلام آباد ہائیکورٹ میں نیب کی جانب جواب میں کہا گیا کہ گزشہ سال جولائی میں نیب کے اجلاس میں انکوائری کا فیصلہ کیا گیا، چیئرمین نیب نے یکم اگست کو خط کے ذریعے ڈی جی نیب راولپنڈی کو اختیارات تفویض کیے،عوامی عہدہ رکھنے والوں اور دیگر کے خلاف اختیارات کے ناجائز استعمال، اعتماد کی مجرمانہ خلاف ورزی اور تحفے میں دیئے گئے۔

جواب میں کہنا تھا کہ سرکاری اثاثوں کی فروخت میں غیر قانونی فائدہ اٹھانے کے حوالے سے انکوائری شروع ہوئی، انکوائری کے تحت معاملے کے حقیقی حقائق کا پتہ لگانے کے لیے عمران خان سے معلومات حاصل کرنے کے لیے سوالنامے کے ساتھ کال اپ نوٹسز پیش جاری کیے تھے۔

جواب میں کہا گیا کہ نیب کے سامنے پیش ہونے یا کال اپ نوٹسز کے ساتھ منسلک سوالنامے کا جواب دینے کے بجائے، عمران خان نے کال اپ نوٹسز کا بے جا جواب دیا اور معلومات فراہم نہیں کیں۔

نیب کا کہنا تھا کہ عمران خان اگست2018سےاپریل2022 تک پاکستان کےوزیر اعظم رہے، عمران خان اوران کی اہلیہ کو تقریباً 108 ریاستی تحائف پیش کیے گئے، 118 اشیا پر مشتمل 58 تحائف اپنے پاس رکھے۔

جواب میں کہا گیا کہ عمران خان کو قانون کے مطابق سختی سے معلومات حاصل کرنے کے لیے سوالنامے کے ساتھ کال اپ نوٹس جاری کیے گئے۔ عمران خان نے صاف ہاتھ سے اس عدالت سے رجوع نہیں کیا ہے، عمران خان عدالت سے کسی صوابدیدی ریلیف کا حقدار نہیں ہے۔

نیب کی جانب سے کہنا تھا کہ درخواست میں حقائق پر مبنی تنازعات شامل ہیں جن کا فیصلہ حقائق کے متنازعہ سوال کی وجہ سے رٹ کے دائرہ اختیار میں نہیں کیا جا سکتا، عمران خان نے نہ تو جاری انکوائری میں شمولیت اختیار کی ہے اور نہ ہی اس نے انکوائری کے دوران نیب کی طرف سے بھیجے گئے تفصیلی سوالنامے کا جواب دیا ہے۔

وزیر اعظم شہباز شریف نے کہا ہے کہ ثاقب نثار نے پی ٹی آئی کو الیکشن جتوانے کیلئے دھاندلی کا بازار گرم کیا۔

وزیر اعظم شہباز  شریف نے قومی اسمبلی میں اعتماد کا ووٹ حاصل کر لیا ہے ان پر ایوان کے 180 اراکین نے اعتماد کا اظہار کیا جس پر وزیر اعظم نے اسمبلی میں کہا کہ آج معزز ممبران نے بلاول بھٹو کی قرارداد پر مجھ ناچیز کو ایک بار پھر عزت سے نوازا، مجھے اعتماد کا ووٹ دینے پر سب کا شکریہ ادا کرتا ہوں۔

وزیراعظم کا کہنا تھا کہ اللہ تعالیٰ کا لاکھ لاکھ شکر ادا کرتاہوں، ایوان کی جانب سے اعتماد کا اظہار کرنے پر اللہ تعالی کا مشکور ہوں، اعتماد کا ووٹ دینے پر اتحادیوں کا دل کی گہرائیوں سے مشکور ہوں۔

انہوں نے کہا کہ ایوان نے مجھ نا چیز پر اعتماد کیا میں آپ کا مان رکھوں گا کبھی ٹھیس نہیں پہنچاؤں گا۔

وزیر اعظم شہباز شریف نے کہا کہ آج پاکستان شدید مشکلات میں ہے، پاکستان پر مشکلات میری یا اس ایوان کے ممبران کی وجہ سے نہیں،  2018 میں ملکی معیشت دنیا میں جانی مانی تھی جو تیزی سے ترقی کررہی تھی،2018 کے بعد ایک جھرلو الیکشن کے نتیجے میں جو ہوا سب سامنے آگیا ہے۔

انکا کہنا تھا کہ جنوبی پنجاب کے بعض لوگوں کو مجبور کیاگیا کہ فلاں کا ٹکٹ چھوڑیں اور ڈوپٹہ پہنیں، 2018 میں جھرلوزدہ فراڈ الیکشن ہوئے، دنیاجانتی ہےکس طرح آرٹی ایس کو بٹھایاگیا، 2018 میں یہ تاریخ کا پہلا الیکشن تھا دیہاتوں سے گھنٹوں میں نتائج آنا شروع ہوئے اور شہروں سے کئی کئی گھنٹے تاخیر کا شکار ہوئے۔

وزیراعظم شہباز شریف نے قومی اسمبلی سے اعتماد کا ووٹ لے لیا

وزیراعظم نے کہا ثاقب نثار نے حکم دیا کہ مزیدگنتی نہیں ہوگی،دھاندلی کے لئے کیا کیا انتظامات کیےگئے، یہ  ایوان 2018 کے الیکشن میں دھاندلی کی بھرپور تحقیقات کرائے، یاد دلانا چاہتا ہوں جب اسی فلور پر اسوقت کی حکومت اور وزیراعظم نے بیان دیا تھاکہ دھاندلی کی تحقیقات ہونگی، آج تک دھاندلی کی تحقیق نہیں ہوئی،جناب اسپیکرآپ کی خدمت میں مطالبہ پیش کرتا ہوں آپ دھاندلی کی تحقیقات کرائیں۔

انکا کہنا تھا کہ آئی ایم ایف سے گفتگو تیزی سے آگے بڑھ رہی تھی، عمران نیازی کےکہنے پر 2 وزرا سے کہا گیا کہ کہہ دیں ہم شرائط کو نہیں مانتے، سائفرکا سب کو اچھی طرح پتا ہے امریکاکو نشانہ بنایاگیا، کہاگیا امریکا نےسازش کے ذریعے حکومت بنوائی، چین اور روس کی جانب سے ہمدردی کا اظہارکیاگیا وہ ہمدردی کا اظہار نہیں مگرمچھ کے آنسو تھے۔

وزیر اعظم کا مزید کہنا تھا کہ ثاقب نثار اور خواجہ طارق رحیم کی آڈیولیک آئی ہے، وہ سازش کھل کر سامنے آگئی، ثاقب نثار نے پی ٹی آئی کو الیکشن جتوانے کیلئے دھاندلی کا بازار گرم کیا۔

انہوں نے کہا کہ  وہ ثاقب نثار جس نے پاکستان میں اسپتالوں کا نظام درہم برہم کردیا، وہ ثاقب نثارجس نے سوموٹو لےلےکر قوم کا حلیہ بگاڑ دیا، جس نے پی کے ایل آئی میں اپنے بھائی کو بھرتی کرانےکیلئےبیڑہ غرق کردیا، اس کا کردارپوری قوم کے سامنے آگیا ہے۔