The news is by your side.

Advertisement

پاک بحریہ کا بلوچستان عوام کو تحفہ، تیس لاکھ روپے کی مالیت کا طبی سامان عطیہ

کوئٹہ: پاک بحریہ نے بلوچستان کے پسماندہ علاقے کو 30 لاکھ روپے سے زائد مالیت کا طبی سامان عطیہ کردیا۔

پاک بحریہ کے ترجمان کی جانب سے جاری اعلامیے کے مطابق پاکستان نیوی کی جانب سے بلوچستان کے علاقے اُتھل میں واقع ڈسٹرکٹ ہیڈ کوارٹراسپتال کوتین ملین روپے کی مالیت سے زائد کا طبی سامان عطیہ کیا گیا۔ ترجمان پاک بحریہ کے مطابق سامان میں بڑی تعداد میں ادویات,طبی آلات اور ائیر کنڈیشنر شامل ہیں۔

 ڈسٹرکٹ ہیڈ کوارٹراسپتال میں طبی سامان کی فراہمی پر مقامی آبادی اور  بلوچ عمائدین نے پاک بحریہ کا شکریہ ادا کیا اور مستقبل میں منصوبے جاری رکھنے کی بھی اپیل کی۔

پاک بحریہ کے ترجمان کے مطابق ساحلی علاقوں میں طبی سہولیات کی فراہمی پاک بحریہ کے منشور کا حصہ ہے جبکہ ساحلی پٹی پر رہنے والے عوام کی فلاح و بہبود کے لئے نیوی کی جانب سے مختلف سرگرمیاں جاری ہیں۔

مزید پڑھیں: بلوچستان میں فروغِ تعلیم کے لیے پاکستان نیوی کا شاندار اقدام

یاد رہے کہ چند روز قبل پاکستان نیوی کی جانب سے گوادر میں بحریہ کالج کے دوسرے کیمپس کا بھی افتتاح کیا گیا۔

Comments

یہ بھی پڑھیں