کراچی: عید الاضحیٰ کی مناسبت سے پاک فضائیہ نے سیفٹی پیغام جاری کیا ہے۔
ترجمان کے مطابق پاک فضائیہ کے شعبہ تعلقات عامہ نے عیدالاضحی کے موقع پر فلائٹ سیفٹی سے متعلق آگاہی پیغام نشر کیا ہے جس میں عوام الناس کو قربانی کے جانوروں کی آلائشیں محفوظ طریقے سے تلف کرنے کی تلقین کی گئی ہے۔
ترجمان نے کہا کہ غیر متعین جگہوں پر پھینکی جانیوالی آلائشیں پرندوں کو اپنی جانب راغب کرتی ہیں، پرندے جہازوں، ،قیمتی کی جانوں کےضیاع کا باعث بنتے ہیں۔
- Advertisement -
ترجمان پاک فضائیہ نے کہا کہ جانوروں کی باقیات مخصوص جگہوں پر پھینکیں یا انہیں زمین میں دباد دیں اور اپنے اردگرد کے ماحول کو صاف رکھیں۔
یاد رہے 29 جون کو ملک بھر میں عیدالاضحٰی مذہبی جوش و خروش کے ساتھ منائی جائے گی اور لاکھوں مسلمان سنتِ ابراہیمی پرعمل کرتے ہوئے قربانی کا فریضہ ادا کریں گے۔
