سوئنگ کے سلطان وسیم اکرم نے انکشاف کیا ہے امپائر کے غلط فیصلے کے باعث قومی کرکٹ ٹیم 1999 میں ہوبارٹ ٹیسٹ جیتنے سے محروم رہی تھی۔
دنیائے کرکٹ کے نامور بولر اور پاکستان کرکٹ ٹیم کے سابق کپتان وسیم اکرم نے 1999 میں ہوبارٹ میں پاکستان اور آسٹریلیا کے ٹیسٹ میچ کے حوالے سے یادیں شیئر کی ہیں۔ آسٹریلیا میں کمنٹری کے دوران انھوں نے امپائر پیٹر پارکر کے غلط فیصلے کے حوالے سے کھل کر بات کی۔
سوشل میڈیا سائٹ ایکس پر ایک ویڈیو وائرل ہورہی ہے جس میں وسیم کمنٹری کے دوران بتاتے نظر آرہے ہیں کہ سال 1999 میں ہوبارٹ ٹیسٹ میچ کے دوران جسٹن لینگر واضح طور پر آؤٹ تھے تاہم امپائر پیٹر پارکر نے انھیں آؤٹ قرار نہیں دیا۔
انھوں نے یہ بھی کہا کہ جسٹن لینگر نے کود بھی کریز چھوڑنے سے گریز کیا تھا اور آؤٹ ہونے کے باوجود کریز پر موجود رہے تھے۔
Wasim Akram recalls how umpire Peter Parker robbed Pakistan of a famous Test win against Australia in 1999 in Hobart ✅
Justin Langer edged the ball but refused to walk that day 👀 #AUSvPAK pic.twitter.com/Ap3w7wHC3X— Farid Khan (@_FaridKhan) December 23, 2023
کمنٹری کے دوران وسیم اکرم نے بتایا کہ میں اس وقت بولنگ کررہا تھا گیند لینگر کے بیٹ سے لگ کر فرسٹ سلپ میں گئی اور وہ کیچ ہوگئے تاہم امپائر پیٹر پارکر نے انھیں آؤٹ نہیں دیا۔
ان کے ساتھ کمنٹری باکس میں ایشا گوہا اور مارک ہاؤرڈ موجود تھے جو اس واقعے پر حیرت کا اظہارکرتے ہوئے قہقہے لگانے لگے۔
