فلاڈیلفیا: امریکی ریاست فلاڈیلفیا میں ایک ہائی وے پر پُل کے نیچے ٹرک میں شدید آگ لگنے کے باعث پُل کا ایک بڑا حصہ گر گیا۔
تفصیلات کے مطابق امریکی ریاست فلاڈیلفیا کی مصروف ترین ہائی وے کا پُل گر گیا ہے، پل کے نیچے آتش گیر مادہ لے جانے والے ایک ٹینکر ٹرک میں آگ لگ گئی تھی، آگ کی شدت اتنی زیادہ تھی کہ اس سے پل متاثر ہو کر منہدم ہو گیا۔
انتظامیہ کا کہنا ہے کہ آگ کی شدت کے نتیجے میں گرنے والے پُل کی مرمت میں کئی ہفتے لگ سکتے ہیں۔
فلاڈیلفیا فائر ڈپارٹمنٹ کے مطابق انھیں اتوار کی صبح ساڑھے چھ بجے ہائی وے پر کسی گاڑی میں آتش زدگی کی اطلاع ملی تھی، ابتدائی اطلاعات میں بتایا گیا تھا کہ آگ ایک ٹینکر ٹرک میں لگی ہے، فائر ڈیپارٹمنٹ کے عملے نے موقع پر پہنچ کر آگ پر قابو پایا۔
A portion of Interstate 95 in Philadelphia collapsed after a gasoline tanker caught fire underneath an overpass. Pennsylvania's governor says it will take months to rebuild https://t.co/wKKs80t1r3 pic.twitter.com/1Dlk3ZpzSl
— Reuters (@Reuters) June 12, 2023
واضح رہے کہ انٹراسٹیٹ 95 مشرقی امریکا کی مرکزی شاہراہ ہے، جو بڑے مراکز جیسے نیویارک سٹی، فلاڈیلفیا اور واشنگٹن ڈی سی کو جوڑتی ہے، اور جنوب میں فلوریڈا ریاست تک چلتی ہے۔
مقامی حکام کا کہنا تھا کہ حادثے میں کسی کے زخمی ہونے ہونے کی اطلاع نہیں، جب کہ منہدم پل کے ملبے کے نیچے ٹرک اب بھی دبا ہوا ہے۔ پیٹرولیم مصنوعات لے جانے والے تجارتی ٹینکر ٹرک میں 87 آکٹین فیول کے 8,500 گیلن موجود تھے۔
پولیس ذرائع کا کہنا تھا کہ اتوار کی رات تک ٹرک ڈرائیور لاپتا تھا، ڈرائیور کی شناخت کے بارے میں بھی ابھی تک کوئی تفصیل سامنے نہیں آئی ہے تاہم یہ بتایا گیا ہے کہ وہ ایک تجربہ کار ڈرائیور تھا۔
