غزہ: مقبوضہ مغربی کنارے کی آواز، فوٹو جرنلسٹ معتز عزیزہ نے بھاری دل کے ساتھ غزہ چھوڑ دیا۔
الجزیرہ کے مطابق غزہ میں اسرائیلی بمباری کے دوران اپنی جان خطرے میں ڈال کر صہیونی ریاست کے فلسطینیوں پر بہیمانہ مظالم سے دنیا کو آگاہ رکھنے والے صحافی نے ویڈیو پیغام میں کہا ہے کہ وہ جنگ زدہ غزہ کی پٹی چھوڑ رہے ہیں۔
اپنی مخصوص نیلی پریس جیکٹ کی طرف اشارہ کرتے ہوئے معتز عزیزہ نے کہا کہ یہ آخری بار ہے جب آپ مجھے اس بھاری بدبودار جیکٹ کے ساتھ دیکھ رہے ہیں، آپ سب کا شکریہ، غزہ کے لیے دعا کریں۔
فلسطینی صحافی نے منگل کے روز انسٹاگرام پر اعلان کیا ہے کہ انھوں نے قطر جانے کے لیے غزہ چھوڑ دیا ہے، وہ مصر کے العریش بین الاقوامی ایئرپورٹ پر قطری فوجی ہوائی جہاز میں سوار ہوئے۔ ویڈیو میں انھوں نے اس امید کا اظہار بھی کیا کہ وہ جلد واپس آئیں گے اور غزہ کی تعمیر میں اپنا حصہ ڈالیں گے۔
So,
I had to evacuate for a lot of reasons you all know some of it but not all of it.
Thank you all
Pray for Gaza. pic.twitter.com/sIqULe9d5V
— MoTaz (@azaizamotaz9) January 23, 2024
We still alive..till now
حساب معتز عزیزه خبرنگار فلسطینی در اینستاگرام:https://t.co/Rha0RSzhkF https://t.co/YAxDJxfFlf pic.twitter.com/kw0tHyGMwU
— Sadeq (@SadeqEbrahim) October 24, 2023
غزہ میں فلسطینی صحافی معتز عزیزہ اپنی ملازمت چھوڑ کر دو فلسطینی بچوں کو بچانے کی کوشش کرتے ہوئے ۔۔۔#طوفان_القدس #طوفان_الأقصى #FreePalastine #GazaUnderaAttack pic.twitter.com/RdVrSZY0k1
— Exact Press International (@ExactPressIntl) October 22, 2023
عزیزہ نے زخمی فلسطینی بچوں کی تصاویر اور ویڈیوز کے ساتھ ساتھ صہیونی فورسز کی بمباری میں تباہ شدہ عمارتوں کے ملبے تلے دبے فلسطینیوں کی ویڈیوز بھی دنیا کو دکھائیں، اور اس طرح صہیونی ریاست کی بربریت سے دنیا کو روشناس کرایا۔
اسرائیل کی غزہ میں عمارتیں مسمار کرنے کی وجہ سامنے آ گئی
24 سالہ معتز عزیزہ کو اسرائیل اور حماس کے مابین جاری جنگ کی کوریج کے لیے عالمی سطح پر بے پناہ مقبولیت حاصل ہوئی ہے، پچھلے ماہ دسمبر میں انسٹاگرام پر انھوں نے امریکی صدر جو بائیڈن کو مقبولیت میں پیچھے چھوڑ دیا تھا، فلسطینی صحافی 17.3 ملین فالوورز کے ساتھ مقبولیت کی دوڑ میں جو بائیڈن سے بھی آگے نکل گئے، امریکی صدر 17.2 ملین فالوورز کے ساتھ پیچھے رہے تھے۔
اسرائیلی فوج کے تازہ سفاکانہ حملوں میں مزید 200 فلسطینی شہید، 304 زخمی
الجزیرہ کے سوشل میڈیا تجزیات کے ایک جائزے کے مطابق 7 اکتوبر کے بعد سے 100 دنوں میں معتز عزیزہ کے انسٹاگرام فالوورز کی تعداد 27,500 سے بڑھ کر 18.25 ملین ہو گئی ہے، ان کے فیس بک اکاؤنٹ پر اتنے ہی فالوورز تھے جس سے بڑھ کر یہ تعداد 5 لاکھ فالوورز تک پہنچ گئی، اور اب ان کے X پر ایک ملین فالوورز ہیں۔
