کراچی : پی آئی اے کی خاتون فضائی میزبان ٹورنٹو ایئرپورٹ پر حراست میں لے لیا گیا، زیر حراست ایئر ہوسٹس معروف پاکستانی گلوکارہ کی عزیزہ ہیں اور خود بھی سوشل میڈیا ماڈلنگ کرتی ہیں۔
تفصیلات کے مطابق پی آئی اے کی لاہور سے ٹورنٹو کی پرواز پر تعینات خاتون فضائی میزبان ٹورنٹو ایئرپورٹ پر حراست میں لے لیا گیا، ذرائع نے بتایا کہ پی کے 789 پر تعینات حناثانی نامی ایئرہوسٹس سے مبینہ طور پر غیر متعلقہ کے پاسپورٹ برآمد ہوئے۔
ذرائع کا کہنا تھا کہمذکورہ ائر ہوسٹس کو پہلے بھی ممنوعہ اشیاء کینیڈا لانے پر وارننگ دی گئی تھی، زیر حراست ائر ہوسٹس معروف پاکستانی گلوکارہ کی عزیزہ ہیں اور خود بھی سوشل میڈیا ماڈلنگ کرتی ہیں۔
ذرائع نے یہ بھی بتایا کہ پرواز 789 پر حنا ثانی کے ہمراہ 7 اور فضائی میزبانوں کو بھیجا گیا جن کو ٹورنٹو کے لئے ائر لائن نے نو فلائی ڈکلیئر کیا ہوا تھا، اس عملے کی خصوصی اجازت ڈی جی ایم فلائیٹ سروسز نے اپنی آئی ڈی سے دی جو روٹین سے ہٹ کر قدم ہے۔
پرواز پر تعینات دیگر دو ائر ہوسٹسز سے پوچھ گچھ کے بعد کینیڈین حکام نے پوچھ گچھ کے بعد ہوٹل جانے کی اجازت دے دی تاہم اپنے پاسپورٹ کے علاوہ غیر دیگر افراد کے پاسپورٹس کے ساتھ سفر کرنا بین الاقوامی جرم ہے۔
ترجمان پی آئی اےعبداللہ خان نے کہا کہ واقعے کے بارے میں آگاہ ہیں، کینیڈین حکام سے رابطے میں ہیں ، کینیڈین حکام کے ساتھ مکمل تعاون کیا جائے گا اور کسی بھی قسم کی قانونی کاروائی پر عمل کیا جائے گا۔
