پمپلز کا نکلنا لڑکے اور لڑکیوں سب ہی کیلئے پریشانی کا باعث ہوتا ہے یہ نہ صرف چہرے کی جلد کو خراب کرتے ہیں بلکہ بعض اوقات تکلیف کا باعث بھی بنتے ہیں۔
آپ نے صبح کسی میٹنگ میں جانا ہو یا کسی دعوت میں شرکت کرنی ہو اور آپ رات کو اچانک ظاہر ہونے والے پمپل سے پریشان ہیں، یہ پمپلز راتوں رات غائب کرنا تو ممکن نہیں لیکن چند ایسے جادوئی طریقے ضرور موجود ہیں جو فوری طور پر ان کی سوجن اور سرخی کو کم کرنے میں کافی مدد کرسکتے ہیں۔
اے آر وائی ڈیجیٹل کے پروگرام گڈ مارننگ پاکستان میں شوبز کی معروف اداکاراؤں نے اس حوالے سے اپنے تجربات شیئر کیے اور پمپلز کیلئے استعمال کی جانے والی ادویات کی افادیت کے بارے میں بتایا۔
پروگرام کی میزبان ندا یاسر نے اپنا تجربہ شیئر کرتے ہوئے کہا کہ جب بھی میرے چہرے پر کوئی پمپل نکلتا ہے تو میں فوری طور پر ’ٹی ٹری آئل‘ لگاتی ہوں جس کا بہت اچھا اور جلدی اثر ہوتا ہے۔
اس موقع پر ٹی وی اداکارہ شرمین علی نے کہا کہ اگر مجھے کوئی ایمرجنسی ہوجائے یا شوٹنگ کے دوران یہ احساس ہو کہ دانہ ہوگیا ہے یا اس کے اثرات ظاہر ہورہے ہوں تو میں فوراً ایک مخصوص دوا لگاتی ہوں جس کا (Betamethasone-17-valerate, neomycin sulphate) فارمولا ’’بیٹامیتھاسن17 ویلیریٹ نیومائیسن سلفیٹ‘‘ ہے۔
اس موقع پر معروف اداکارہ عالیہ امام اور کرن نے بھی شرمین علی کی اس بات کی تصدیق کی انہوں نے کہا کہ اسکول کے دنوں میں ہم بھی یہی کریم استعمال کیا کرتے تھے۔
واضح رہے کہ پچھلے وقتوں میں خواتین جلد کی حفاظت کے لیے بازار میں دستیاب کیمیکل سے بھرپور مصنوعات استعمال کرتی تھی تاہم اب یہ رجحان کم ہوتا جارہا ہے اور اس کی جگہ قدرتی اجزاء نے لے لی ہے اسی میں مختلف اقسام کے تیل بھی شامل ہیں جس میں ٹی ٹری آئل کا نام سرفہرست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
