اسلام آباد : اسلام آباد ہائی کورٹ نےبلوچ طلبا گمشدگی کیس میں نگراں وزیراعظم انوار الحق کاکڑ کو پیر کو طلب کرلیا، جسٹس محسن اخترکیانی نے ریمارکس دیے جبری گمشدگیوں میں ملوث لوگوں کو دو بارسزائے موت ملنی چاہیے۔
تفصیلات کے مطابق اسلام آباد ہائی کورٹ میں بلوچ طلبا گمشدگی کیس میں اہم پیش رفت سامنے آئی ، اسسٹنٹ اٹارنی جنرل عثمان گھمن نے بتایا کہ 12 میں سےایک اور طالب علم بازیاب ہوگیا ہے، استدعا ہے اٹارنی جنرل آج دستیاب نہیں سماعت ملتوی کی جائے۔
اسلام آباد ہائی کورٹ نے سماعت ملتوی کرنے کی استدعا مسترد کردی، جسٹس محسن اختر کیانی نے ریمارکس دیئے جبری گمشدگیوں کی سزا ، سزائے موت ہونی چاہیے اور ملوث لوگوں کو دو بار سزائے موت ملنی چاہئیے۔
ایڈووکیٹ جنرل نے عدالت میں کہا کہ ہمیں اس کیس میں مزید وقت درکار ہے، جس پر جسٹس محسن اختر کیانی کا کہنا تھا کہ یہ تومیری مہربانی ہے کہ میں دونوں ڈی جیز کونہیں بلا رہا۔
جسٹس محسن اختر کیانی نے کہا کہنگراں وزیراعظم پیر کو 10بجے خود پیش ہوں اور نگراں وزیراعظم خود پیش ہو کر بتائیں کیوں ناان کیخلاف مقدمہ کیا جائے۔
