لاہور : پنجاب میں تعینات 200 بیوروکریٹس کیلئے نئی گاڑیوں کا آرڈر دے دیا گیا، غریب عوام کے ٹیکسوں کے اربوں روپے بیوروکریٹس کی نئی سواریوں پر خرچ ہوں گے۔
تفصیلات کے مطابق پنجاب کی نگران حکومت کی صوبائی بیوروکریسی پر نوازشات جاری ہے ، پنجاب کی نگران حکومت نے بیوروکریٹس کیلئے 200 نئی گاڑیوں کی خریداری کا حکم دے دیا۔
گاڑیوں کی خریداری کیلئے عوام کی جانب سے دئیے گئے ٹیکسوں میں سے 2 ارب تیس کروڑ روپے استعمال ہوں گے۔
- Advertisement -
محکمہ خزانہ کہ جانب سے ایڈوانس فنڈزجاری کرنے سے متعلق خط لکھ دیا ہے، ذرائع کے مطابق پنجاب کے تمام اسسٹنٹ کمشنرز کو کرولا 1600سی سی دی جائیں گی۔
پنجاب کے ہر ضلع کے اسسٹنٹ ڈپٹی کمشنرز جنرل کویارس 1300 ملیں گی اور ہر تحصیل کے اسسٹنٹ کمشنرز کے لیے ڈبل کیبن ڈالے دئیے جائیں گے، اس حوالے سے نوٹیفکیشن جاری کر دیا گیا ہے۔
