کینبرا میں پاکستان اور پی ایم الیون کے درمیان جاری چار روزہ وارم اپ میچ میں نسلی امتیاز معاملے پر کرکٹ آسٹریلیا نے پاکستان سے معافی مانگ لی ہے۔
غیر ملکی میڈیا کے مطابق پی ایم الیون اور پاکستان کے درمیان کینبرا میں کھیلے جا رہے چار روزہ وارم اپ میچ کے پہلے روز دوران بیٹنگ گرافکس میں پاکستان کے لیے ایک قابل اعتراض لفظ کا استعمال ہو گیا تھا جس پر کرکٹ آسٹریلیا پر خاصی تنقید ہوئی تھی۔
آسٹریلوی کرکٹ صحافی نے سب سے پہلے اس بات کی نشاندہی کی اور ٹی وہ پر ڈسپلے درست کرنے کا کہا۔
A clarifier on this from CA: “The graphic was an automatic feed from a data provider which had not been used previously for a Pakistan game. This was obviously regrettable, and the error we corrected manually as soon as it came to light.” https://t.co/7FttR2iZTR
— Daany Saeed (@daanysaeed) December 6, 2023
کرکٹ آسٹریلیا نے غلطی کا احساس ہونے کے بعد نسلی امتیاز پر مبنی لفظ بیٹنگ گرافکس میں آنے پر پاکستان سے معذرت کی ہے۔
اس حوالے سے کرکٹ آسٹریلیا کی جانب سے جاری بیان میں کہا گیا ہے کہ میچ گرافکس کے ڈیٹا میں پہلے سے یہ لفظ موجود ہونے پر غلطی ہوئی، احساس ہوتے ہی اس کی درستگی بھی کر دی گئی، بہرحال نشر ہونے پر افسوس ہے۔
