کراچی : شہر قائد کے مختلف علاقوں میں کہیں ہلکی اور کہیں تیز بارش ہوئی جس کے بعد شہر بھر کا موسم خوشگوار ہوگیا۔
تازہ ترین اطلاعات کے مطابق سہراب گوٹھ ،گلشن اقبال، سہراب گوٹھ،گلشن اقبال، بلدیہ ٹاؤن اور دیگر ملحقہ علاقوں میں تیز بارش کا سلسلہ جاری ہے جبکہ لیاری میں بھی بوندا باندی کا سلسلہ جاری ہے۔
اس کے علاوہ گلستان جوہر، محمد علی سو سائٹی، لیاقت آباد، نیپا، لانڈھی،کورنگی ،شاہ فیصل ،ملیر، قائد آباد میں تیز ہواؤں کے ساتھ بارش ہورہی ہے جس کے بعد موسم خوشگوار ہوگیا۔
دوسری جانب محکمہ موسمیات کا کہنا ہے کہ کراچی میں آج بھی دن بھرکہیں ہلکی کہیں تیز اور درمیانے درجے کی بارش متوقع ہے، دن میں شہر کا مطلع جزوی ابر آلود رہےگا۔
محکمہ موسمیات کے مطابق شہرکا موجودہ درجہ حرارت 23 ڈگری سینٹی گریڈ ریکارڈ کیا گیا ہے جبکہ دن میں درجہ حرارت 31 سے 33 ڈگری سینٹی گریڈ رہنے کا امکان ہے۔