ممبئی: بالی وڈ کے معروف اداکار رنبیر کپور نے اپنی اہلیہ اداکارہ عالیہ بھٹ کے ماں بننے کے بعد فلموں میں اداکاری پر اپنے خیالات کا اظہار کیا ہے۔
غیر ملکی میڈیا کو انٹرویو دیتے ہوئے رنبیر کپور نے کہا کہ میں شادی کے بعد خاندان اور بچوں کی دیکھ بھال کے لیے تیار ہوں، شادی کے بعد مرد فلموں میں کام کرتے رہتے ہیں مگر نقصان اداکاراؤں کا ہوتا ہے۔
رنبیر کپور نے کہا کہ خوش قسمت ہوں کہ عالیہ بھٹ میری اہلیہ ہیں، ہم دونوں ایک دوسرے سے بہت پیار کرتے ہیں، عالیہ نے کم عمر میں بڑا مقام حاصل کیا۔
View this post on Instagram
بالی وڈ اداکار نے کہا کہ عالیہ جتنی محنت سے اپنا کام کر رہی ہیں، مستقبل میں بھی محنت کریں گی، ایسا ہرگز نہیں کہ عالیہ ماں بننے والی ہیں تو ان کے لیے کام کی اہمیت کم ہو جائے گی۔
انہوں نے کہا کہ شادی اور بچوں کے بعد جو قربانی میری والدہ نے دی وہ عالیہ بھٹ کو نہیں دینی پڑے گی۔