بھارتی حیدرآباد تلنگانہ حکومت کی جانب سے مستحق افراد کو ریلیف دینے کی خاطر سفید راشن کارڈ جاری کرنے کا فیصلہ کیا ہے۔
بین الاقوامی خبر رساں ادارے کی رپورٹ کے مطابق ریاستی وزیر کا کہنا ہے کہ کابینہ نے مستحق غریبوں کو جلد سے جلد سفید راشن کارڈ جاری کرنے کا فیصلہ کیا ہے۔
کابینہ کا اجلاس آج چیف منسٹر ریونت ریڈی کی صدارت میں سکریٹریٹ میں ہوا جس میں متعدد اہم فیصلے لئے گئے۔ ریاستی وزراء نے میڈیا کو کابینہ کے فیصلوں کی تفصیلات سے آگاہ کردیا۔
اس سے قبل بھارت کی ریاستی حکومت نے اہل افراد کے لئے 500 روپے میں گیس سلنڈر اسکیم کو نافذ کرنے کے لیے ایک اور قدم آگے بڑھایا تھا۔
ریاستی حکومت کی جانب سے اس حوالے سے وضاحت کی گئی کہ یہ اسکیم صرف ان لوگوں کیلئے ہوگی جن کے پاس راشن کارڈ موجود ہوں گے۔
القسام بریگیڈ کا حملہ، متعدد اسرائیلی فوجی مارے گئے
بھارتی میڈیا کا کہنا ہے کہ پوری ریاست میں 1.20 کروڑ گیس کنکشن ہیں راشن کارڈ رکھنے والے خاندانوں کی تعداد 89.99 لاکھ ہے۔