واشنگٹن: امریکی محکمہ خارجہ کے نائب ترجمان ںے کہا ہے کہ پاکستان میں قیدیوں کے انسانی حقوق کا احترام کیا جائے، چیئرمین تحریک انصاف کے معاملے میں بھی یہی پیغام ہے۔
اے آر وائی نیوز کے مطابق امریکی محکمہ خارجہ کے نائب ترجمان ویدانت پٹیل نے پریس کانفرنس کرتے ہوئے کہا کہ پاکستانی شراکت داروں سے کہتے ہیں کہ قیدیوں کے انسانی حقوق کا احترام کیا جائے۔
نائب ترجمان ویدانت پٹیل نے کہا کہ چیئرمین تحریک انصاف کے معاملے میں بھی یہی پیغام ہے، پاکستانی شراکت دار قیدیوں کے انسانی حقوق کا احترام کریں۔
- Advertisement -
انھوں نے کہا کہ چیئرمین پی ٹی آئی کے حوالے سے مزید بات پاکستانی شراکت دار کر سکتے ہیں، پاکستان کی عبوری حکومت کے ساتھ کام کرنے کے منتظر ہیں۔
ویدانت پٹیل کا پریس کانفرنس کرتے ہوئے مزید کہنا تھا کہ پاکستان میں عبوری حکومت انتخابات کا انعقاد کرنے جارہی ہے۔
