کوئٹہ گلیڈی ایٹرز کے وکٹ کیپر سرفراز احمد سر پر گیند لگنے سے زخمی ہو کر میدان سے باہر چلے گئے۔
ذرائع کا کہنا ہے سابق کپتان کو سی ٹی اسکین کے لیے اسپتال لےجایا گیا ہے اور ڈاکٹرز ان کے مختلف ٹیسٹ کر رہے ہیں جس کی رپورٹس کی روشنی میں فیصلہ کیا جائے گا۔
ملتان سلطانز کے خلاف میچ میں وسیم جونیئر نے ہینڈرکس کا کیچ لے کر بال ہوا میں اچھالی جو نیچے آتے ہوئے سرفراز کو لگ گئی تھی۔
- Advertisement -
سرفراز کی جگہ آخری اوور میں سجاد علی نے کیپنگ کی جب کہ سرفراز بیٹنگ کرنے بھی نہیں آئے۔ ان کے متادل سجاد علی نے 2 رنز کی اننگز کھیلی اور اسامہ میر کے ہاتھوں کیچ آؤٹ ہوئے۔