ورلڈ کپ میں جنوبی افریقہ کے خلاف میچ میں قومی ٹیم کے آل راؤنڈر شاداب خان فیلڈنگ کے دوران انجرڈ ہوگئے۔
ورلڈکپ کے 26 ویں اور اہم ترین میچ میں پاکستان نے جنوبی افریقہ کو جیت کیلئے 271 رنز کا ہدف دے دیا، قومی ٹیم 270 رنز بنا کر آل آؤٹ ہوگئی
بابر اعظم 50 اور سعود شکیل 52 رنز بناکر نمایاں رہے۔
- Advertisement -
جنوبی افریقہ کی جانب سے اسپنر تبریز شمسی نے 4 کھلاڑیوں کو پویلین کی راہ دکھائی۔
تاہم ہدف کے تعاقب میں جنوبی افریقہ نے بیٹنگ کا آغاز کیا تو افتخار احمد کے پہلے ہی اوور میں شاداب خان انجری کا شکار ہوکر میدان سے باہر چلے گئے۔
شاداب خان فیلڈنگ کے دوران تھرو کرتے ہوئے انجرڈ ہوئے۔
آل راؤنڈر تاحال فیلڈنگ کے لیے واپس نہیں آئے ہیں، شاداب خان کو جنوبی افریقہ کے خلاف اوورز کروانے ہیں اگر وہ میدان میں نہیں آتے تو قومی ٹیم کو ان کے بغیر ہی اوورز مکمل کروانے ہوں گے۔
