ممبئی: بالی وڈ اسٹار شاہد کپور اور اداکارہ کریتی سینن کی نئی رومینٹک کامیڈی فلم کی ریلیز کی تاریخ سامنے آگئی۔
میڈڈوکس فلم نے اپنے انسٹاگرام پیج پر آنے والے پروجیکٹ کا پوسٹر شیئر کیا، پوسٹر پر مذکور پروجیکٹ کی ریلیز کی تاریخ بھی لکھی ہوئی ہے تاہم فلم کا نام ابھی فائنل نہیں کیا گیا ہے۔
اس کے علاوہ اداکار شاہد کپور نے بھی ریلیز کی تاریخ کا اعلان کرنے کے لیے فلم کا ایک رومینٹک پوسٹر انسٹاگرام پر شیئر کیا۔
View this post on Instagram
فلمی پوسٹر کے مطابق شاہد کپور اور کریتی سینن کی نئی رومینٹک فلم رواں برس 7 دسمبر کو سینما گھروں میں ریلیز کی جائے گی۔
واضح رہے کہ شاہ کپور اور کریتی سینن پہلی مرتبہ ایک ساتھ اسکرین شیئر کررہے ہیں جبکہ فلم میں دھرمیندر اور ڈمپل کپاڈیا بھی پر اہم کردار ادا کریں گے۔
View this post on Instagram
ایک انٹرویو میں کریتی سینن کے ساتھ کام کرنے کے حوالے سے بات کرتے ہوئے شاہد کپور نے کہا کہ ان کے ساتھ کام کر کے بہت خوشی ہوئی۔ "مجھے کریتی کے ساتھ کام کرنے میں واقعی مزہ آیا۔
یاد رہے کہ شاہد کپور آخری بار فلم بلڈی ڈیڈی میں نظر آئے تھے جبکہ اداکارہ کریتی سینن کا تعلق ہے، اس کا بڑا بجٹ ڈرامہ آدی پورش 16 جون کو ریلیز ہوا۔ فلم میں پربھاس اور سیف علی خان اہم کرداروں میں ہیں۔