site
stats
بلوچستان

بگٹی قبائل کی وزیراعظم سے وابستہ امیدیں دم توڑ گئیں، نوابزادہ شازین بگٹی

کوئٹہ : جمہوری وطن پارٹی کے صدر نوابزادہ شازین بگٹی نے کہا ہے کہ قبائلی عوام نے  وزیر اعظم میاں نواز شریف سے جو امیدیں وابستہ کی تھیں وہ ان کے وزارت عظمیٰ میں آنے کے بعد دم توڑ گئی ہیں۔

ان خیالات کا اظہار انہوں نے اپنی رہائش گاہ پر صحافیوں اور قبائلی عمائدین کے اعزاز میں دیئے گئے افطار ڈنر کے موقع پر پریس کانفرنس سے خطاب کرتے ہوئے کیا۔

انہوں نے کہا کہ سابق صدر پرویز مشرف کے دور میں ڈیڑھ لاکھ بگٹی قبائل ڈیرہ بگٹی سے ہجرت کرکے ملک کے مختلف علاقوں میں مہاجرین بن گئے تھے جن کی دوبارہ آباد کاری کے لئے میاں نواز شریف نے ساتھ دینے کا وعدہ کیا تھا،

انہوں نے کہا کہ ان کے وزارت عظمیٰ میں آنے کے بعد وہ اس وعدے پر پورے نہ اتر سکے جس کی وجہ سے ہماری امیدیں دم توڑ گئی ہیں۔

انہوں نے افسوس کا اظہار کرتے ہوئے کہا کہ حکومت نے بگٹی مہاجرین کی دوبارہ آباد کاری کی بجائے ہمارے راستے روکے ۔

ڈیڑھ لاکھ بگٹی قبائل اپنے ہی ملک میں در بدر اور ہجرت کی زندگی گزاررہے ہیں ،جس پر افسوس کے سوا کچھ نہیں کیا جاسکتا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top