ورلڈ کپ سیمی فائنل میں نیوزی لینڈ کے خلاف بھارت کی جیت کے ہیرو محمد شامی رہے جن کے کاری وار سے 7 کیوی بیٹر آؤٹ ہوئے ایسے میں ممبئی اور دہلی پولیس آمنے سامنے آ گئے۔
بھارت میں کھیلے جا رہے آئی سی سی ون ڈے ورلڈ کپ کے پہلے سیمی فائنل میں بھارت نے نیوزی لینڈ کو شکست دے کر فائنل کا ٹکٹ کٹوایا۔ اس میچ کے ہیرو پیسر محمد شامی رہے جن کی نا قابل فراموش کارکردگی نے نیوزی لینڈ کے 7 بلے باز ڈھیر ہوگئے۔
شامی اس شاندار تاریخی کامیابی پر جہاں پورے بھارت میں ان کی واہ واہ ہو رہی ہے وہیں ممبئی اور دہلی پولیس بھی پیچھے نہیں رہیں جن کی دلچسپ گفتگو سوشل میڈیا پر وائرل ہو گئی۔
بدھ کو ممبئی کے وانکھیڈے اسٹیڈیم میں کھیلے گئے سیمی فائنل میں بھارت کی فتح کے بعد ممبئی اور دہلی پولیس نے سماجی رابطوں کی ویب سائٹ ایکس پر مورچہ سنبھالا اور پھر ان کے درمیان جو دلچسپ گفتگو ہوئی وہ تیزی سے وائرل ہو گئی۔
دہلی پولیس نے اپنی ٹویٹ میں دلچسپ انداز میں ممبئی پولیس کو ٹیگ کرتے ہوئے لکھا کہ ’ممبئی پولیس، امید ہے آپ آج رات کے تشدد کے باعث محمد شامی کو گرفتار نہیں کریں گے۔‘
.@MumbaiPolice hope you do not book @MdShami11 for the tonight's assault.#INDvsNZ#CWC2023#Shami pic.twitter.com/ehJ0IrW7zD
— Delhi Police (@DelhiPolice) November 15, 2023
اس کے جواب میں ممبئی پولیس نے بھی دلچسپ انداز میں لکھا کہ ’آپ نے لاتعداد دل چرانے کے جرم میں مقدمہ درج نہیں کروایا دہلی پولیس۔‘
You missed pressing charges of stealing innumerable hearts @DelhiPolice and listing a couple of co-accused too
P.S.: Dear citizens, both the departments know the IPC thoroughly and trust you for a great sense of humour https://t.co/TDnqHuvTZj
— मुंबई पोलीस – Mumbai Police (@MumbaiPolice) November 15, 2023
ممبئی پولیس نے مزید لکھا کہ ’عزیز شہریوں، دونوں دیپارٹمنٹ انڈین پینل کوڈ (آئی پی سی) سے بخوبی واقف ہیں اور شاندار حسِ مزاح کو سمجھنے کے لیے آپ پر اعتماد کرتے ہیں۔‘
واضح رہے کہ بائیں ہاتھ کے فاسٹ بولر نے اب تک اس میگا ایونٹ میں 23 وکٹیں حاصل کر لی ہیں جبکہ ورلڈ کپ میگا ایونٹس میں اُن کی مجموعی وکٹوں کی تعداد 54 ہوگئی ہے۔
