کراچی: الیکشن ٹریبونل نے سابق وزیراعظم شہبازشریف کے کراچی 242 سے کاغذات منظوری کیخلاف پی ٹی آئی امیدوار کی اپیل بھی مسترد کردی۔
تفصیلات کے مطابق سندھ ہائیکورٹ کے الیکشن ٹریبونل میں این اے 242 کراچی سے شہبازشریف کے کاغذات منظوری کیخلاف پی ٹی آئی امیدوار کی اپیل پر سماعت ہوئی۔
پی ٹی آئی امیدوار حسنین چوہان نے کہا کہ بیان حلفی میں کاروبار سے متعلق غلط بیانی کی گئی ہے،شہبازشریف نےکاغذات نامزدگی میں درست حلف نامہ نہیں لگایا۔
شہباز شریف کی اہلیہ کےنام 2 کمپنیاں گوشواروں میں موجود ہیں ،الیکشن ٹریبونل نے قرار دیا کہ تحقیقات اس کے دائرہ کار میں نہیں، دستاویزات موجود ہیں اور یہ اوپن و شٹ کیس ہے۔
الیکشن ٹریبونل نے این اے 242 کراچی سے شہبازشریف کےکاغذات منظوری کیخلاف دوسری اپیل بھی مسترد کردی ، پی ٹی آئی امیدوار کی جانب سے الیکشن ٹریبو نل میں اپیل کی گئی تھی۔
گزشتہ روز پاکستان پیپلز پارٹی امیدوار کے اعتراضات بھی مسترد کیے گئے تھے ، اعتراض کنندہ پی ٹی آئی امیدوار نے سپریم کورٹ سے رجوع کا اعلان کردیا۔
پی ٹی آئی امیدوار حسنین چوہان نے کہا کہ سپریم کورٹ تک شہباز شریف کا تعاقب کریں گے۔