پاکستان مسلم لیگ عوامی کے سربراہ شیخ رشید احمد نے کہا ہے کہ پہلے ہی کہہ چکا ہوں کہ مئی بہت اہم ہے 10 مئی تک پتہ لگ جائے گا کہ آر ہوگا یا پار۔
اے آر وائی نیوز کے مطابق ملک کے موجودہ سیاسی بحران پر سینیئر سیاستدان اور پاکستان مسلم لیگ عوامی کے سربراہ شیخ رشید احمد نے سماجی رابطوں کی ویب سائٹ ٹوئٹر پر اظہار خیال کیا ہے۔
شیخ رشید نے اپنے ٹویٹ میں کہا ہے کہ پی ڈی ایم ٹوٹ پھوٹ کا شکار ہوچکی جب کہ ن لیگ مذاکرات پر بھی انتشار کا شکار ہے۔ حکومت منظم سازش کے تحت عدلیہ کو نشانہ بنا رہی ہے لیکن جیت عدلیہ اور آئین وقانون کی ہوگی اور الیکشن ہوکر رہیں گے۔
سابق وفاقی وزیر نے کہا کہ موجودہ حکومت کی ہر شعبےمیں نااہلی عیاں ہو چکی۔ آئی ایم ایف سے جھنڈی ہے اور دوست ممالک ہاتھ نہیں پکڑا رہے۔ آئی ایم ایف کی ساری شرائط غریب عوام پر لگ چکی ہیں۔ بلاول بھٹو مغرب کی پالیسی جب کہ حنا ربانی مشرق کی بات کر رہی ہیں۔
ان کا کہنا تھا کہ ن لیگی رہنما شاہد خاقان عباسی نے مفت آٹے کی تقسیم میں 20 ارب روپے کے غبن کا الزام لگایا ہے کہ وزیراعظم اس الزام کی تحقیقات کا حکم دیں جب کہ یہ بھی فیصلہ ہونا چاہیے بکتر بند کس کے حکم پر گھروں کے دروازے توڑتی ہیں۔
پی ڈی ایم ٹوٹ پھوٹ کاشکار ہوچکی ہےحکومت منظم سازش کےتحت عدلیہ کونشانہ بنارہی ہےعدلیہ جیتےگی آئین اورقانون جیتےگا الیکشن ہو کررہیں گےبلاول مغرب کی پالیسی اور حنا ربانی مشرق کی بات کر رہی ہیں۔ن لیگ مذاکرات پربھی انتشار کاشکار ہےIMF کی ساری شرائط غریب عوام پر لگ چکی ہیں نتیجہ صفر ہے
— Sheikh Rashid Ahmed (@ShkhRasheed) May 2, 2023
شیخ رشید نے کہا کہ مذاکرات کا وقت بدلنا بھی مزید ایک دن ضائع کرنے کے مترادف ہے۔ جب نیت خراب ہو تو بدنیتی کے فیصلے کیے جاتے ہیں۔ ہنگامی بنیادوں پر محکمہ اوقاف نے 4 تاریخ کو لاہور میں لال حویلی کا کیس لگایا ہے۔
سینیئر سیاستدان نے کہا کہ جب بھائی وزیراعظم ہو تو نواز شریف کو آنے سے کون روک رہا ہے؟ پہلے ہی کہہ چکا ہوں مئی اہم ہے، 10 مئی تک پتہ لگ جائے گا کہ آر ہوگا یا پار ہوگا۔
مذاکرات کاوقت بدلنابھی ایک مزیددن ضائع کرنےکےمترادف ہےجب نیت خراب ہوتوبدنیتی کےفیصلےکیےجاتےہیں بھائی وزیراعظم ہوتونوازشریف کوآنےسےکون روک رہاہےہنگامی بنیادوں پرمحکمہ اوقاف نے4تاریخ کولاہور میں لال حویلی کاکیس لگایاہےپہلےہی کہہ چکاہوں مئی اہم ہے10مئی تک پتالگ جائےگاآرہوگایاپارہوگا
— Sheikh Rashid Ahmed (@ShkhRasheed) May 2, 2023
