The news is by your side.

مزیدار اسپائسی فش اسٹکس بنائیں

سردیوں کا موسم اپنے اختتام پر ہے، ایسے میں سردیوں کی سوغات سے بھرپور فائدہ اٹھالیں۔ اسی لیے آج ہم آپ کو مزیدار اسپائسی فش اسٹکس بنانے کی ترکیب بتا رہے ہیں۔


اجزا

مچھلی کے فلے: 500 گرام

انڈے کی سفیدی: 2 عدد

پسا ہوا لہسن ادرک: 1 کھانے کا چمچ

پسی ہوئی لال مرچ: 1 کھانے کا چمچ

پسی ہوئی ہلدی: آدھا چائے کا چمچ

پسا ہوا گرم مصالحہ: آدھا چائے کا چمچ

اجوائن: آدھا چائے کا چمچ

میتھی دانہ پسا ہوا: آدھا چائے کا چمچ

لیوں کا رس: 2 کھانے کے چمچ

میدہ: 2 کھانے کے چمچ

زردے کا رنگ: 1 چٹکی

نمک: حسب ذائقہ

تیل: تلنے کے لیے

سلاد، پتے، لیموں، ٹماٹر: سجاوٹ کے لیے


ترکیب

ایک پیالے میں تیل اور مچھلی کے علاوہ تمام اجزا اچھی طرح سے ملا لیں۔

مچھلی کے فلے کو پٹیوں کی صورت میں کاٹ کر پیالے میں شام کریں اور آدھے گھنٹے کے لیے رکھ دیں۔

کڑاہی میں تیل گرم کریں، مچھلی کی پٹیاں ایک ایک کر کے اس میں شامل کریں اور سنہری تل کر کاغذ پر نکال لیں۔

مزیدار فش اسٹکس سلاد پتے، لیموں اور ٹماٹر سے سجا کر پیش کریں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں