بھارت کی ریاست تلنگانہ میں گیتم یونیورسٹی کیمپس میں 18 سالہ طالبہ نے پانچویں منزل سے چھلانگ لگا کر خودکشی کر لی۔
میڈیا رپورٹس کے مطابق خودکشی کرنے والی طالبہ کی شناخت موٹاپارتی رینسری کے نام سے ہوئی جس نے تین ماہ قبل کمپیوٹر انجینئرنگ کورس کیلیے یونیورسٹی میں داخلہ لیا تھا۔
جمعے کی دوپہر وہ خودکشی کے ارادے سے یونیورسٹی کی پانچویں منزل پر گئی اور اپنے موبائل فون پر کسی سے گفتگو کرنے لگی۔
طلبہ نے موٹاپارتی رینسری کو پانچویں منزل پر دیکھ کر شور مچانا شروع کر دیا جبکہ کچھ طلبہ نے موبائل فونز سے ریکارڈنگ شروع کی۔
గీతం యూనివర్సిటీ విద్యార్థిని ఆత్మహత్య
సంగారెడ్డి జిల్లా రుద్రారంలోని గీతం యూనివర్సిటీలో బీటెక్ ఫస్టియర్ చదువుతున్న రేణుశ్రీ అనే యువతి బిల్డింగ్ 6వ అంతస్తు పైనుంచి దూకి ఆత్మహత్య చేసుకుంది. ఆత్మహత్యకు గల కారణాలు తెలియాల్సి ఉంది. pic.twitter.com/mqA7ChvkBn
— Telugu Scribe (@TeluguScribe) January 5, 2024
جیسے ہی طلبہ موٹاپارتی رینسری کو روکنے کیلیے پانچویں منزل پر پہنچے اس نے چھلانگ لگا دی۔ لڑکی کو فوری طور پر اسپتال منتقل کیا گیا لیکن تب تک وہ ہلاک ہو چکی تھی۔
پولیس نے موٹاپارتی رینسری کا موبائل فون قبضے میں لے کر معاملے کی تحقیقات کا آغاز کر دیا۔
پولیس کا کہنا ہے کہ طالبہ کے موبائل فون کا فرانزک کروایا جائے گا تاکہ معلوم ہو سکے کہ وہ خودکشی سے قبل کس سے رابطے میں تھی۔
طالبہ کی پانچویں منزل سے چھلانگ لگانے کی دل دہلا دینے ویڈیو سوشل میڈیا پر زیرِ گردش ہے۔
